ak blog: 7月 2011

2011年7月27日星期三

太興八寶飯

今日天氣非常好最適宜遊巴士河 ,
目的地沙田新城市廣場 ,坐在冷氣巴士內 ,
欣賞沿途風景頗為賞心樂事 .

2011年7月19日星期二

唐樓歲月

續 : 哈利波特展覽

參觀完哈利波特展 ,

再前往隔離街不遠處的一幢快將被拆卸的唐樓參觀 .

The One " 迎 " 酒家晚飯

今日我們一行五人 ,

到 The One 商場 20 樓的 " 迎 " 酒家晚膳 .

這裡內部裝修幾靚 , 因為今日係星期一 ,

而且我們未夠六点鐘便到達 , 所以坐的位置非常好 ,

可以俯瞰尖沙咀和維港兩岸景色 ,
可惜今天衹帶了部儍瓜相機 , 影0既相麻麻地 .

2011年7月17日星期日

哈利波特展覽

我和相公抵達銅鑼灣廣場 , 參觀的人很多 ,

可能今天是周末而且展覽衹剩餘今明兩天 ,

大家正在圍觀一輛火車 , 突然下起雨來 ,

場內的人立刻跑到商場內避雨 ,

待冇雨再出廣場睇嘢 , 不消五分鐘又開始下雨 ,

而且雨很大 , 所有人除了打開雨傘 ,

還立刻又跑到商場避雨 ,

太大雨有雨傘都濕身 .

相信看過這部電影 , 都一定記得這輛火車 .

2011年7月14日星期四

懷舊香港情微型藝術展 ( 二 )

續 : 懷舊香港情微型藝術展 ( 一 )

參展作品很多元化 , 衣食住行都兼顧到 .

嫁娶用品

懷舊香港情微型藝術展 ( 一 )

前排已知道港島太古城有微型展覽 .

礙於路途很遠 , 拖下拖下終於展期已接近尾聲 ,

如果錯過了唔知幾時才有機會看 .

嘩 .. 微型展覽在望 , 人山人海喎 ,

嘻嘻 , 我講得誇張咗咋 .

不過真係好多人 .

2011年7月11日星期一

但我住呢區完全冇影響 , 太陽仲非常猛添 ,
天氣咁好唔出街好嘥 , 很久沒有到上水 ,
就遊巴士河去喇 ! 我和相公一場高興到巴士站等車 ,
等等下開始落雨添 , 去定唔去好呀 !
商量完都係繼續行程 , 從登上巴士開始滂沱大雨行雷閃電 ,
路途上景物都看不清楚真掃興 , 雨一直没有停下來 ,
到達上水雨愈來愈大 , 唯有躲在商場 hea ,
行到悶見雨勢開始細少少 , 便到舊區行下 ,
又開始落大雨 , 褲管開始濕要搵地方避雨 .

2011年7月9日星期六

天水圍滿庭芳海鮮火鍋酒家晚膳

今日無飯主婦到嘉湖銀座滿庭芳吃晚飯 ,

叫了海鮮石鍋豆腐、糖糟魚塊和沙鍋雲吞雞 ,
可能今天是周末比較人多 , 餸菜來得比較慢 .

2011年7月6日星期三

天耀商場美心大酒樓

想起天耀美心的三色糕好想食 ,

去美心飲茶 lu , 這裡賣點心都係推車仔的 ,
推點心車亞姐服務態度值得一讚 ,
今次飲茶有二件事 , 很值得讚的 .
1 . 我專程嚟食三色糕 , 但等了很久都冇發現踪影 ,
剛好有架點心車經過 , 望過冇得三色糕 ,
當我感到有點失望之際 ,
點心車亞姐笑住問我有冇嘢啱食呀 !
     我答 : 冇嘢啱喎 , 我衹想食三色糕妳都冇得賣 .
     亞姐答 : 我冇得賣 , 跟住指住前面好遠的點心車話 ,
     呢 ... 好似前面嗰架車有呀 , 妳係咪想食呀 !
     我答 : 係呀一陣等佢過來先叫 .
( 心想遠到成條街咁遠 , 我懶得行過去攞 )
     亞姐答 : 等我行去幫妳睇下喇 .
     我本想話由得佢喇 , 唔好麻煩妳嘞 ,
     我都未及開聲 , 亞姐已經行咗去 ,
     轉眼佢真係攞咗碟三色糕比我 , 很感動啊 !
2 . 有架點心車行埋嚟 , 全車賣的都是我的至愛 " 包點 "
     叫了一籠叉燒包 , 亞姐攞了一籠放在我們枱上 ,
正準備蓋印 , 突然我看到個牌寫上蓮蓉包 ,
冒着亞姐會黑面比我睇 , 唯有講唔好意思呀 ,
     我想換蓮蓉包得唔得呀 ,
佢竟然冇黑面仲笑住話唔緊要 ,
     跟住從面找到底才找到一籠蓮蓉包送埋嚟 ,
     又係令我很感動啊 !
可能她們服務態度令我心情非常好 ,
覺得今日的點心特別好味道 .