" 潮潮居 "飲茶

近來天色不穩定較少周圍去 , 

衹到屋苑商場看看順便食晏 , 

我們愛到 " 潮潮居飲茶 "

茶市上午11點到下午四點所有大/中/小點均一價 $ 26 , 

茶位$ 13 , 沒有分時段茶客較為平均 , 

不用等位甚為方便 .

薑汁雞包仔

包身樣子蒸得嘛嘛 , 味道唔錯.

鮮竹牛肉球

牛肉裡混入馬蹄粒和少許陳皮 , 味道算可以 .

蟹籽蒸燒賣 

蝦很鮮味肉饀爽口 , 相公至愛 ! 

沙嗲金錢肚份量較少 , 

唔太辣如果再腍少許更佳 , 牛肚下面的芋頭好粉糯 .

香茜牛肉腸

外皮滑滑牛肉饀有肉味 .

 

' 百份百 " 碗仔翅

週末才落雨 , 雨勢有時頗大 , 

邊處都唔想去衹到屋苑商場逛下 , 

到 " 百份百 " 食晏 . 

再到超市買餸 . 晚上唔想食飯又食雜糧 .

下午茶餐迷你無骨雞飯配碗仔翅 $ 43 

無骨雞肉算滑但飯就放涼了 . 

碗仔翅滑滑的 , 有雞絲 , 木耳 , 麻油和少許醋 , 好好味 .

熱朱古力樣子跟 " 意樂餐廳 " 一模一樣 , 

原來" 意樂 " 跟 " 百份百 " 共用水吧的 , 

怪不得熱朱古力同樣濃郁好味 , 

新鮮冷壓檸檬茶 , 沒有檸檬片 , 

好像混濁的茶裡有少許檸檬肉絲難看又難飲 .

( 午餐 ) 有薑街邊乾炒牛河 $  65 

河粉份量都幾多 , 

炒得幾香但一點薑都沒有吃上 , 

牛肉較腍( 醃粉太多 ) 

自煮晚餐 : 肉片蕃茄湯烏冬 , 

其他食材 : 椰菜 , 粟米粒和紫菜 .

巴辣雞翼 $ 18 六隻 ( 百記超市 ) 微辣醃得夠味

Pizza Hut一人份量千島海鮮迷你必勝批

套餐 $ 56 配汔水 , 

食材有 : 三文魚肉 , 蛤蜊 , 菠蘿 , 魷魚和菌 ,

千島汁配合起來好好味 .

 

會所餐廳

屋苑會所附屬泳池旁設有小食部 , 

食品款式太簡單 , 而我們沒有到游池游水所以甚少幫襯 , 

最近會所引進另外一間食肆開業 , 

推廣食物較前多樣化 , 而外賣還有 9 折優惠 , 

開業好幾天了 , 今天我們特意前去試試 ! 

今天並非假期但趁熱鬧的人也不少 , 

這裡半自助式營業 , 

自己搵位再填上食品名稱再到收銀處附款 , 

食品做好由侍應員送來 , 

可能剛營業不久員工還未熟習 , 運作有點亂 , 

相公買餐排隊很久才回來 , 

我們買兩個套餐 , 分別有 : 

1 . 咖哩薯仔牛腩飯 ( 馬拉咖喱 ) 熱柚子蜜$ 58 . 

2 .白汁焗芝士深海魚柳意粉 熱朱古力$ 58 .

兩份餐咁平不會什麼厚望了 . 

新張期間外賣有九折 .

買了半斤叉燒$ 78再九折 ( 標榜黑毛豬肉) 

哎唷 .... 熱朱古力打到起哂泡難看極 , 

杯下面有張字寫著馳名馬拉咖喱 .

熱柚子蜜多了一片檸檬 .

所謂深海魚柳衹是鯰魚柳

炸得非常乾 , 好彩意粉有少許芝士好熱唔難食 .

咖喱薯仔牛腩飯 , 

牛腩好柴咖喱算香, 但食落有點微酸唔辣的 , 

心想可能馬拉咖喱是這樣的 , 唔啱口味 .

晚上用黑毛豬叉燒炒青豆角 ,

 叉燒好肥所以肉幾滑 , 叉燒醬太重手較鹹 , 

我覺得黑毛豬跟普通豬肉沒有太大分別 .

洋蔥松子仁炒蛋加少許白胡椒碎 

( 我覺得稍為增添蛋香 ) 

灼菜心 

雜糧 " 鮑魚雞粥+炒米粉 "

酷熱天氣晚餐食雜糧 , 

前排煲雞粥味道都算唔錯 , 

今日又煲雞粥

日前買了一罐即食鮑魚仔 , 今次放幾隻到粥裡 , 

再炒碟米粉和炒油麥菜 .

鮑魚雞粥

到燒臘店買叉燒和燒雞扒炒米粉

炒油麥菜
 

元朗形點 " 翡翠拉麵小籠包 "

週末又到元朗形點遊逛 , 

這個商場還有很多食肆還未試過, 

今次到翡翠拉麵小籠包吃午餐 , 

食肆屬於開放式 , 

枱位不多而且用商場的中央冷氣運行 , 

坐位冷氣唔太足夠 , 

而我坐的位置向著通天幕頂有點刺眼 , 

坐得唔太舒服 . 

上海小籠包 4 隻 $ 50 肉饀幾新鮮 , 

瘦肉和肥肉可能是 3 /7 比較滑 , 

湯汁味鮮 , 包頂部比較硬 .

上海排骨拉麵 $ 80 

炸花生 $ 8 

茶位 $ 10 

炸排骨大大條厚肉有少許擔心太厚唔太熟 , 

味道唔錯香口 , 麵好一般湯沒有任何味道 .

炸花生好脆 .

枱面積很細放上三樣食品已用了 2 / 3 枱面 

豆沙鍋餅 $ 58 

以前在其他食肆食過 , 餅皮硬脆 , 

而這裡制作的餅皮好似有蛋加入 , 

軟身衹有旁邊的皮有少許微脆 , 豆沙饀都幾豐富 .

紅油炒手 ( 六隻 ) $ 60 

皮好滑但衹有辣沒有蒜香味 , 肉饀裡有少許菜碎 .

吃完午餐周圍逛 , 人流甚多可能是週末 , 

我諗每次週六和日都有節目舉行 , 

今次用巴黎奧運會做主題 . 

三點鐘開始有表演或講座 .

 

"潮潮居 "兩餸一湯套餐

夏日炎炎正好眠 , 可能係很久以前的一句話了, 

現在地球先生病了 , 溫度每年不斷上升 , 

小暑過後更加熱到暈頭轉向 , 無飯主婦又可以出動覓食了 , 

" 潮潮居 " 晚餐從星期一至五有兩餸一湯衹要 $ 238 

看來也不錯試試吧 ! 叫了套餐外還叫一隻燒雞 .

西洋菜豬肺湯 

豬肺洗得好白乾淨 , 湯清清地味道不錯 .

前菜 $ 16 茶位 $ 15

鹹檸檬蒸烏頭魚細細條 , 

開邊蒸較多幼骨 , 我最怕食多骨的食物 , 

相公愛吃讓他慢慢品嚐好了 .

白飯 $18

梅醬骨酸甜適中夏天最啱

脆皮燒雞一隻 $ 88 熱辣辣皮脆肉滑醃得夠味 .

 

" 圍方 "CHATTERBOX CAFE

週末農曆六月初一日( 小暑 ) 

坊間開玩笑說 : 小暑大暑有米懶煮 , 

意味著天氣現正進入酷熱 ! 在大街上行走太熱了 , 

我們今回到大圍的 " 圍方商場 " , 

聞說圍方商場面積也不少 , 我們乘屯馬線到旺角 , 

經過新世紀廣場 , 超多人在這裡坐立 .

法國奧運會快要來臨 , 

廣場擺設著各種跟奧運會有關的佈置

還有排排坐睇大電視的坐位 . 

感受完世紀廣場的熱鬧 , 轉乘東鐵到大圍站 , 

出閘便看見大大隻到 " 圍方 "商場的指示牌 .

圍方商場遊人也不少 

週末很多家長帶同小朋友來遊逛 , 

小丑跟小朋友互動 .

第一次見女孩子扮小丑 

圓柱佈置成魚缸久不久會轉動 , 

在商場遊走期間看見食肆也不少 , 

估計有二十幾間 , 我們提早食晚餐 , 免得要等位 , 

第一選擇是 " 家上海 " 未到六點裡面已滿座 , 

每張枱都未有上菜 , 那麼要等到幾點才入座呢 ? 

算了吧 ! 好在這裡食肆很集中 , 

我們到另外的 " CHATTERBOX CAFE "

侍應員服務態度真不錯 , 斯文有禮貌 " 讚 " 

菜譜第一頁簡介餐廳歷史 , 

1971年在新加坡文華大酒店開業 , 

主打新加坡風味美食 , 著名是海南雞飯 .

我們對新加坡菜沒有太多認識 , 叫了二人套餐 , 

小食馬來特色炸豆腐 , 文華海南雞飯 , 

香炒河粉燴牛肉 , 醬油生菜 , 

包兩杯熱飲品( 選擇非常少大部份都要另加錢的 )

文華海南雞飯雞件好似未熟透 , 我們食唔慣 , 

所以請求侍應妹妹把雞用微波爐輕輕叮一叮 , 

侍應妹妺很斯文有禮地說換另外一碟給我們 , 

我再三說不用了衹叮一叮便可 , 

但她都係真的換過另外一碟給我們 , 

雞攞走我們把醬油生菜放到盤中影下來 , 

雞湯裡有一件滑豆腐湯味道幾好 , 

飯唔太油膩 , 蘸雞的醬油好濃味道也不錯 .

香炒河粉燴牛肉 , 

可能係燴所以汁較濃稠 , 

河粉濶度比平時食的濶度多兩倍 , 牛肉腍滑夠鑊氣 .

雞再送來攞設幾靚 , 雞好滑有雞味 , 

不愧是餐廳的著名食品 .

小食馬來特色炸豆腐

熱豆漿( 餐唔包熱豆漿要另加 $ 18 )

豆腐外面微硬感覺似炸豆干 , 

蘸上配的特別有孜然味的醬都唔錯 , 但沒有影相 . 

即磨熱咖啡

餐廳食品唔錯 , 

唯一希望能改善餸菜來得太快 , 

食物容易放涼使味道打折扣 .

我們食完離開餐廳 , 門外站著等位的人 

本來我想食 " 家上海 " 仍然很多人等位 .

日本店重誇張要排隊等

非常熱鬧地等位 , 

其他食肆也同樣門外甚多人等位 .

圍方商場是港鐵物業 , 

特別擺放著港鐵第一代車頭控制室供遊人欣賞 .