" 四季椰林 " 椰子雞鍋

深圳大部份商場對節日好敏感 , 

早已準備節日佈置 .

我們飲完茶乘地鐵1個站 , 

到中航城時尚購物中心看看 .

已吃飽沒有興趣入這裡流連 . 

轉到大街遠遠的一角落 , 

一大群人聚在一起 , 過去看看 .

白鴿明顯唔怕人 , 人又唔怕白鴿 , 

看似好和諧地相處 .

我最愛逛超市 , 面積唔太大 .

油條超大條好平 

鮮切牛排免費加工 , 

超市特設座位給顧客即場買完即可享受美食 , 

看似幾受歡迎 .

又到晚飯時間 , 

相公愛吃火鍋到這裡試試椰子雞鍋 .

剛在茶樓吃得太飽 , 今餐酌量點些小份食物 .

這裡標榜湯全是椰水四個椰子放一個湯 .

潮汕牛筋丸 26元人仔 ( 好一般 )

貝貝南瓜15元人仔 

鮮切鮮牛肉 35元人仔 

我沒有食相公話幾好食 .

手工竹笙酿虾滑38元人仔 

我以為虾滑是攪碎的 , 

原來是把一隻虾穿入竹笙裡 , 

相公話虾幾好食 ( 相公通常咩都覺得好食 ) 

我沒有食衹聽佢講 .

招牌竹笙馬蹄配椰子雞半隻139元人仔 

醬料費位5元人仔 

最上方小馬蹄 , 鮮無花果2片和紅辣椒 

竹笙和椰條 .

海南文昌雞半隻 

服務員替我們把上面盒裡的食材先放入湯中 , 

待大滾後把雞件落入湯裡 , 

跟我們說5分鐘就食得了 .

吓5分鐘時間太少吧 ! 

最怕有血的肉類 , 我們等夠 8 分鐘才食 , 

肉幾滑有雞味 .

伊比利亚黑豬肉28元人仔 

份量好少肉帶著白白的肥油 , 

滾熟唔覺肥膩算可以 .

潮汕非遺魚丸19元人仔 沒有特別味道 .

鮮珍山菌拼盆 32 元人仔 

" 悅點鮮 "墨魚汁吉列魚扒腸粉

每次到深圳遊逛 , 

盡量往不同地區的商場看看 , 

今次到科學館站信悅滙商場 , 非假日人流很少 .

" 悅點鮮 "茶樓

內裡佈置也不錯入去試試 , 

未入茶樓先經過開放式廚房 .

我們被安排到裡面卡位 , 

遙望窗外景觀也不錯 , 茶位6元人仔

今次食品好似有點伏了 ! 

每次飲茶來去都係嗰幾樣點心 , 

今次唔點食開的款式 , 出事了 ! 

原只椰子炖雞湯45元人仔 

食材不多但湯味濃 , 

椰子殼好深色懷疑唔衹用過一次 .

小版金絲神灣菠蘿包 22元人仔 

( 自稱深圳菠蘿包大王 ) 

包個子比普通菠蘿包大小小 , 整個包脹卜卜 , 

裡面空空洞洞有新鮮菠蘿 ( 似加咗糖好甜 ) 

另外有些肉菘絲 , 糖份都幾高 , 包面好熱脆 .

這個屬小版還有 ( 超大的菠蘿包要32元人仔 )

菠蘿包切開裡面甚少料 , 好吉的 .

香煎南乳葱油餅 16元人仔 

沒有南乳味唔香口好普通 .

奶酪焗芝士榴蓮餅 26元人仔 

餐紙和賬單都係寫 " 餅 " 真實情況係包 , 

表面鋪上芝士( 沒有芝士香味 ) 

已切開幾件的包 , 裡面有少許榴蓮饀 , 

噓 ... 又話係餅 ! 伏了 !

( 幾樣都係包 , 今回真係食包包食飽了 )

本來點牛腩啫啫豬腸粉 

服務員回報賣哂 , 

臨時改點墨魚汁吉列魚扒腸粉 32元人仔 

粉皮烏卒卒一點墨魚汁味都沒有 ( 估係色素 ) 

黑粉皮卷著炸過的魚扒都幾脆 , 味道一般 ! 

食包包飽得很 , 在商場流浪一下 ! 

深圳好多商場都設有小朋友玩意 , 

這座玩意門外設有座位 , 

家長們坐定定等小朋友放完電出來 .

表演台

假日一定有節目表演 .

入去逛下 , 

場地跟我想像中細好多 , 貨品都好一般 .

燒腊店和包點也不少 , 

沒有特別嘢睇轉去第二個地方 .

待續 .................

" 渡小鳳 " 豬肚雞湯火鍋

繼 " 順德佬 "砂窩香茅焗江团

在藍鯨世界商場食完晏周圍逛 , 

場內人流甚少可能是下午非繁時間 , 

除了我們倆是港客外 , 其餘都是本地人 , 

我們逐層樓逛至 B1直出街外 .

好大條鯨魚沒有什麼特別轉身往上層看看 , 

突然好大聲嗶一聲把我們嚇一跳 , 

周圍望找不著聲源 , 

相隔大概一分鐘又嗶一聲又嚇一跳 , 

最後發現鯨魚每隔一分鐘就嗶水柱一次 , 

水柱像大人玩水槍 , 

噴出來的水量大許多 , 

我倆像儍人不停捕捉噴水 , 

試多次也失敗噴得太快了 .  

改用影片模式才成功 , 

但我不懂如何放到網誌裡 .

回想起來太攪笑了 .

返回 B1商場裡 , 

整層樓大都是小店食肆 , 

這間餃子店現場即包即煮種類頗多 , 

如下次再來或者試試 .行完藍鯨世界商場返回地鐵站 .

鳳凰城站兼顧著兩個商場 , 

剛才行過藍鯨世界 , 再行埋另外較舊的萬達廣場  .

萬達廣場 

人流更少但食肆可不少 , 眼看全是本地人 , 

沒有什麼特別我們返回較新的藍鯨世界吃晚餐 . 

渡小鳳豬肚雞湯火鍋

晚市剛開始客較少

我們坐近窗看見遠處圓形大樓 , 

大概是旋轉餐廳 , 天色黑了大樓亮起燈來景觀不錯 .

調味料 5元人仔位

調味料款式不多 , 

我反被枱下面關著門放碗的柜吸引 , 

是電子化有焗乾功能 , 所以盛器好乾爽 ( 讚 )

 紙巾2元人仔一包 

茶位 3元人仔  

胡椒豬肚煲清遠雞 ( 二人份 88元人仔 )

湯裡已豬肚和雞件 , 服務員說等三分鐘先吃雞件 ,

擔心唔夠熟等夠 8 分鐘才食 , 

幾滑有雞味 , 繼而又擔心太熟 .

我倆急忙把所有已熟的雞全放自己碗中 , 

哈哈我和相公同樣滿滿一大碗雞 , 吃得不亦樂乎 .

8頭鮑魚11元人仔一個 ( 22 元人仔 ) 

鮑魚煮10分鐘好爽口唔韌 , 但冇鮑魚味 .

板栗南瓜12元人仔

遼參15元人仔一隻 ( 30元人仔 )

唔知煮幾耐又係煮10分鐘 , 遼參縮細三分一好爽口 ,

都係冇咩味的 .

乳山5+現開大生蠔12元人仔一隻( 48 元人仔 )

生蠔煮超過 10 分鐘 , 不用蘸調味料已足夠鮮甜好味 .

香菇滑雞煲仔飯 36 元人仔 

服務非常好 , 飯送來立刻給我混和 , 

所以影不到原貎  , 

混和其間服務員問要不要飯焦 , 

我衹想吃少許所以跟她說自己來 . 

除這種服務外

火鍋期間他們經常給我們調較電爐温度 , 

又主動幫忙落食材 , 

太好服務我反而有點不習慣 , 

每次我都說自己來做 .

吃飽飽到外面付款 , 收銀員主動問食物啱食嗎 ? 

完全跟香港好唔同 .

" 順德佬 "砂窩香茅焗江团

今天又經深圳灣地鐵13號線總站 , 

再轉乘搭二個站到鳳凰城站看看 , 

路途頗遠到達目的地鳳凰城站 , 

已下午2點多鐘先到商場食晏 , 

藍鯨世界商場連地下有5層 , 

最高4樓全層差不多都是食肆 , 

但大部份食肆營業至下午2點鐘便休息 , 

5點後再做晚市 . 

最後看見" 順德佬 " 裡面有幾枱客 , 

我們示意服務員想入內 , 

經服務員問過廚師是否留下來工作 , 

好彩廚師願意為我們煮食 , 非常感謝他們 .

大廳茶位 5元人仔 

紙巾 2元人仔

" 順德佬 " 大堂哪咤坐鎮 

我們坐下來立刻點餐 , 

時間倉促唔想阻廚師休息 , 

所以求其叫些簡單食品 .

順德風味鮮魚羮 33元人仔 一人份量 

盛器好淺下面有火點著 , 湯好鮮味魚條冇骨好吃 .

砂窩香茅焗江团 78 元人仔 

蓆下面鋪滿切成斜段的鮮香茅 , 

江团肉質好滑沾滿著香茅香氣 , 沒有幼骨好吃 .

脆皮玻璃乳鴿49元人仔 

皮薄得很肉滑多汁好好吃 .

雙皮奶9元人仔 一人份量 

原來是凍甜品 , 微甜奶味一般 .

連這枱客都離開 , 衹剩上我們倆 , 

真不好意思阻礙服務員休息 , 

所以盡快食完立即離開到柜枱付款 , 

我連聲跟收銀員說不好意思 , 

她滿面笑容好禮貌熱誠連聲說不打緊 , 

還多謝我們到來還問食物啱吃嗎 ? 真窩心 ! 

電影院附設有電動按摩椅 , 

還有座位讓等入場人仕舒服地等 .

4樓差不多都是食肆 , 相信總有一間啱口味 .

兒童玩意

待續 .........................