" 囍雲軒 "薑蔥焗台山蠔

轉眼萬聖節 ( 南瓜節 ) 又來了 ! 

整個十月份多區大攪好多節目非常熱鬧 , 

今日到元朗形點商場看看 , 衹有少許簡單的佈置 , 

每次到這裡我都愛到日式超市逛逛 , 順道買些食材回家 , 

晚餐到" 囍雲軒 "吃飯 ,

我們點了晚市孖寶炸子雞半隻和焗台山蠔 ,

另加一條蒸魚 ,

炸子雞吃不完要拿回家 .

茶位 : $ 18

孖寶餐 : 薑蔥焗台山蠔/桶 $ 338 

蠔有10隻雖然唔太大但每隻新鮮飽滿 , 

用大量薑蔥焗好香鮮味好食 .

孖寶餐 : 脆皮炸子雞半隻 

雞皮好脆肉嫩滑 , 醃得夠味好食 .

白飯 $ 18

清蒸大海金花斑$ 198 

魚接近2斤 , 二人食份量稍多 . 

魚好新鮮蒸的時間剛好肉質好滑有魚味 .

餐飯送綠豆沙唔太甜 , 豆煲得夠腍 .

 

" 茜廊餐廳 "斧頭羊架黑松露飯

早前曾到 " 茜廊餐廳 "

吃下午茶剛好是九龍總店45周年 , 

送給我們下午茶和晚餐食品贈券各一張 . 今回先吃晚餐 .

我們點了兩客晚餐 , 

使用贈券獲送一客煙斗粉 , 食品唔太啱口味 .

蒜茸包羅宋湯 

N.....年前我們經常到九龍總店吃晚餐 , 

印象中這裡跟餐的包配該餐廳自制牛油好美味 , 

但現在衹有2片乾巴巴烘過的蒜茸包 ,

羅宋素湯味道一般 .

熱朱古力 

香煎鰽魚柳及比目魚 $ 128

2款魚的味好淡反不及放在 2 塊魚下面的炸薯餅 , 

熱乎乎香口好味 

忌廉汁帶子煙斗粉 ( 贈券食品$ 98 ) 

忌廉汁太濃容易飽肚味道可以 , 

帶子細細粒沒有鮮味 , 

香煎斧頭羊架黑松露飯 $ 146

羊架味道可以品質嘛嘛 , 黑松露放太多飯好濕好散 .

 

已有一段時間沒有去 " 海港 " 飲下午茶 , 

今次到香港工業大廈 ( 時裝集散地睇衫 ) 

順道到長沙灣廣場 " 海港 " 飲下午茶 , 

每次飲茶我們都不想搭枱情願等久一點才入座 , 

同樣今次都等不搭枱但茶位要 $ 14 , 

印象中每次茶位均是$ 10 

並未試過唔搭枱要另收費用 , 

衹是等耐少許而矣 ! 

相公至愛每次必食 鮑汁鳳爪 $ 24. 8       

我鍾意食這款包 , 雪山叉燒包 $ 24.8 

姬松茸鮮竹卷 $ 18.8

豉汁排骨炒河 $ 68 

河粉份量好多食唔哂 , 味道好好 .

飲完茶逛逛商場 , 

二樓新開張 Food  Pop 

食肆種類唔多人流清靜 .

" 錦麗 "香茅咖喱牛筋腩飯

元朗形點 " 錦麗 " 越南餐廳

2客下午茶餐另加一款春卷拼盆 

沒有加一服務費 , 個別服務員態度嘛嘛 ! 

用樂悠卡附款減 $ 3 

三色春卷拼盤 $ 56

金絲網蝦春卷 : 春卷皮好脆吸滿油 , 

饀有 : 粉絲 , 蝦米 , 木耳絲和紅蘿蔔絲味道一般 .

紫薯春卷

紫薯蓉微甜外脆內軟唔油膩好食 .

蔬菜春卷

一般素饀料味道一般 .

香茅咖喱牛筋腩飯 $ 54 

牛筋腩炆得夠腍 , 香茅味幾出唔太辣好味 .

跟餐小食 : 紫薯春卷一件 , 外脆內軟好食 .

餐茶 : 熱薏米水 好辣唔太甜 .

香茅豬扒湯粉 $ 42

雞湯表面佈滿雞油味道不錯 , 

炸豬扒混上些微香茅味道不錯 , 但好嚡又硬嘛嘛 ! 

" 茜廊餐廳 "特濃芝士焗豬扒飯

我家屋苑商場食肆也不少 , 

粗略計過大概33 間 , 

其中有幾間我們沒有興趣幫襯 , 

反而我倆愛到其他區揾食 , 

今天又跨區到" 茜廊餐廳 " 吃下午茶 , 

餐廳主店在九龍我們以前經常食晚餐的地方 , 

搬到新界居住已沒有幫襯了 , 

剛巧總店開業45周年 , 臨走附款送給我們2張優惠券 . 

點了 2 客下午茶餐和一客炸南瓜餅 , 

價錢親民食品也不錯 .

餐茶轉懷舊紅豆冰要加 $ 14 杯 

盛器樣子真係幾懷舊 , 

滿滿一大杯紅荳腍滑又多 , 

除淡奶還有少量椰奶好味 .

智能送餐要自己攞上枱 , 但也要加一服務費 .

特濃芝士鮮茄焗豬扒飯 $ 68 

份量好足濃濃芝士大塊豬扒唔嚡微酸好味 .

炸南瓜餅 $ 22 熱辣辣好脆 .

烤雞髀鮮茄意大利粉 $ 46 

賣相好差意粉份量多 , 大大隻雞髀皮脆肉滑好味 .

餐廳好熱鬧環境較嘈 
 

" 鉄鍋牛之介 "泡菜豚肉鍋

元朗形點關西肉鍋 " 鉄鍋牛之介 " 

泡菜豚肉鍋 $ 118 跟白飯酸青瓜酸白蘿蔔

鍋的食材 : 鮮冬菇 , 豚肉 , 蕃茄 , 黃芽白 , 

椰菜 , 泡菜 , 雲耳和南瓜片 . 

泡菜和其他食材一齊煮味道好夾好味 .

白飯 , 酸青瓜酸白蘿蔔

溫泉蛋 , 汁燒豚肉烏冬 $ 78

進加 美國牛五花 60g $ 48 

我唔多食牛肉所以份量少已足夠相公食.

炸餃子 $32 餃子熱辣辣好脆香口 , 雞肉饀好味 .

祝各位網友 : 中秋節快樂 ! 

" 臻享大師兄 " 大醬骨

 " 臻享大師兄 " 

點了2 客大醬骨套餐均是 $ 59 一客 , 

沒有加一服務費 , 份量好足好飽肚味道也不錯 , 

由其大醬骨相公甚愛吃的 .

1 . 大醬骨白菜豬肉餃配高原小米粥 

2 . 大醬骨菌湯三鮮麵配槐花烏龍茶 .

                                菌湯三鮮麵 有秀珍菇和肉片

                                                   白菜豬肉餃 12 隻

                                                    熱烏龍茶 

濃濃的南瓜小米粥

                                   兩份大醬骨腍度剛好味道不錯 .

" 亞活快餐 " 蟲草花三黃雞套餐

" 亞活快餐 " 幾間連鎖快餐店都好進取 , 

經常推出新菜式的套餐 , 

價錢經濟啱哂我們無飯主婦慳番不少功夫 .

燉湯套餐 $ 98 加$3其中一款菜轉做豆豉蒸鱸魚 .

                                 蟲草花蒸三黃雞白飯配桂圓雪耳紅棗雞湯

                                 豆豉蒸鱸魚白飯配桂圓雪耳紅棗雞湯 

" 薩莉亞 "香蒜辣汁青口蜆肉意粉

 難得相公今天提出到

 " 薩莉亞 " 平民化意式餐廳 ,

吃我至愛的薄餅 , 

這裡每份食品份量比普通餐廳稍少 , 

那正好給我們可以試多幾款食品 , 

價錢親民抵食又沒有加一服務費 .

三倍水牛芝士薄餅 $ 38 

三倍份量芝士溶在餅上超吸睛 , 

芝士濃鹹香起司好味 , 可惜餅底是軟身唔脆 .

白汁芝士焗三文魚 $ 42 

三文魚焗得剛好唔嚡 , 

魚塊底下面的芝士微脆好味 , 

配炸薯粒和粟米粒 .

意式菠菜伴煙肉 $ 20

菠菜煮得過火太軟了 .

香蒜辣汁青口蜆肉意粉 $ 38 

意粉腍度適中配蜆肉和青口份量不少 , 微辣好好味 ! 

" 北京樓 "砂鍋花膠雲吞雞

星期四到元朗形點 " 北京樓 " 吃晚餐 , 

用某張信用咭餸菜可享有 6 折優惠 ,

但泡菜 , 茶錢和加一服務費都用正價 .

茶位 $ 16

泡菜 $ 20 

食材有 : 青瓜 , 花生 , 炸豆腐 , 

還有些條狀食材食唔出是什麼 ,

辣汁好多很辣又麻接受不了 .

雞煨麵 $ 72 

( 6 折 減 $ 28.8 ) 

湯底濃郁好吃 

菜肉水餃 5 隻 $ 72 

( 6 折 減 $ 28.8 )水餃味道一般 .

牛肉饀餅 $ 66 

( 6折 減 $ 26.4 )

饀餅熱辣辣 , 肉汁豐富但沒有牛肉味 .

砂鍋花膠雲吞雞 $ 288 

( 6折減 $ 115.2 ) 

雞是普通白切雞斬件放湯中 , 

雲吞8個味道一般 

花膠屬厚身爽口有5件 , 

還有些黃芽白湯味一般 ,

4 - 5人都足夠 . 

雞湯一大鍋我們每人努力喝了 2 碗 , 還有這麼多湯 .

 

" 綠茶 " 龍井烤雞

時間轉得飛快暑假還有幾天便完結 , 

商場仍努力攪些活動 , 

在網上得知沙田新城市廣場正舉辦麵包節 , 

包包也是我的至愛 , 

當然要前去逛逛見識一下 , 

順道買些特別的包點 .

廣場人流超熱鬧 , 食肆生意也不錯 ,

我們先到麥記坐低吃個包才去參觀 .

場地有2 個 , 第一個地方佔地較少 , 

場地擠滿人攤位出品沒有什麼驚喜 , 

本地幾個連鎖餅店一間都沒有參加 , 

全部都是外國名稱 , 我大鄉里有些好似沒有見過 , 

攤位好多出品在普通麵包店也有得賣 .

攤位貨品售罄要排隊等補給 .

第2個場地較大 ,

好多攤位有人排隊等買包點 .

看完所有攤位的出品 , 

我都沒有被吸引買些回家 , 好失望 ! 

距離晚飯時間尚早 , 離開前往元朗才找地方吃晚飯 .

...............................

元朗形點暑假佈置

" 綠茶 "餐廳主打浙江菜 , 

我們點了三款食品 , 

2款肉類1款素菜 .

龍井綠茶位 $ 12 茶預早煲一大煲 , 全沒有茶味 .

荷塘月色 $ 68

好清雅的菜名 , 食材 : 鮮蓮子 , 藕片, 荷蘭豆 , 鮮百合 

所有食材都是輕輕炒過有點生的感覺 , 口感爽脆 , 

但唔太討好我們食唔慣 .

龍井烤雞 $ 138 

雞好似倒頭插入盛器中 , 好有趣 ! 

侍應員表示你們要影相打咭嗎 ? 

擺得咁怪本來唔想影下來 , 

既然侍應這樣問就影下罷 ! 

影完才攞入去斬開 .

雞肉滑皮少許脆醃得好夠味 , 

估計曾用龍井茶葉煙燻過 , 皮色較深但沒有龍井茶味 , 

蘸少許附設的辣椒粉和黃色微甜醬味道更佳 .

五指毛桃焗豬腳 $ 98

豬腳好腍骨膠原好豐富 , 

味道好濃非常油膩 , 

還有少許薯仔粒炆得好腍 , 

吸哂汁好濃味但好油 .

好彩盛器下有小火點著 , 豬腳微熱較易入口 , 

一點五指毛桃味都沒有 .

白飯 $ 10