" 亞樂快餐 "金湯雲吞雞鍋

今個夏天特別焗熱又經常落雨 , 真不太想在家煮食 .

現在外賣十分方便 , 

如果要求唔高外賣都是一種不錯的選擇 . 

幾間連鎖快餐店經常積極推出新菜式 . 

今次外賣 " 亞樂快餐 " 金湯雲吞雞鍋 $ 140 .

白飯2大盒 

份量足夠 4至5人食 , 我們勉強食了一盒 .

金湯雲吞雞鍋 

金湯好濃郁可能是雞湯 , 

有2粒雲吞味道一般 , 

叉燒好瘦味道唔錯 

豉汁蒸倉魚 

跟湯的雞半隻 , 肉唔嚡有雞味 .

 配2件薄薄的細花膠 , 

還有2件鮮淮山和幾粒杞子 . 

 

" 海洋超級漁港 " 東星脆皮雞全包宴

每月好友聚會大都在" 海港 "

今回轉轉地方到佐敦" 海洋超級漁港 " 

我和相公提早出佐敦道逛逛 , 

酒樓位置在裕華國貨附近 , 

我們順道入去逛逛 , 

原來裕華地庫是超市面積也不少 , 

除沒有蔬果外 , 擺滿林林總總乾貨 , 海味和零食 , 

我也買了幾樣食品 .

...................................

" 海洋超級漁港 " 

同樣也有全包宴價錢跟 " 海港 " 差不多 , 

東星脆皮雞全包宴 , 

今次我們一共11人 , 人均消費 $ 180

好友甚有心思把相片排放得美美 .

餸菜有 : 

上湯花蝦球伴伊麵 

清蒸生猛東星班 

當紅脆皮南乳炸子雞 

翡翠炒鴛鴦蚌片 

鮮蝦沙白魚肚浸勝瓜 

蟲草花珍菌浸時蔬 

金瑤燴自家豆腐 

酥炸脆皮台山桶蠔 

發財馬拉糕 

椰汁紅豆糕 .

飲品罐裝汽水和罐裝啤酒 .

餸菜味道一般 , 座位頗為舒服而沒有時限 .

魚肚和黃羗粉

紅棗夾核桃

泰國黑糯米不知何故近幾年超市沒有見過.

 

" 亞參 "檳城紅茄參巴牛骨煲

相公鍾愛吃海南雞 , 今回又幫襯" 亞參 " 

( 全日沒有加一服務費 )

很多枱客都食怡保盛宴二人餐我們也叫來食 ,

原價 $ 498 現優惠價 $ 268

檳城紅茄參巴牛骨煲 ( 盛器下面有微火保溫 )

牛骨用紅茄參巴醬炆味道微微酸 , 

味覺上好似沒有那麼油膩 , 

牛骨炆得好腍骨肉分離好吃 .

白飯

去骨海南雞半隻 

盛器下面也有微火保溫

份量太多吃不完要打包回家 , 雞肉腍滑有雞味 .

菜可選擇炒通菜或芽菜

怡保芽菜配新加坡黑醬油 

芽菜好肥短有別於平時吃慣的芽菜 , 

沒有菜尾味道好清 , 覺得本地芽菜較爽口有芽菜味 , 

侍應姐姐送來古月粉說加落芽菜一齊食較好味 , 

照放衹覺有少許辣 , 味道一般 .

小食拼盤 : 鳳尾蝦春卷 2 件 

外皮香脆蝦幾鮮甜 ,

香烤豬肉2串肉卷好味 

炸魚餅2件濃香茅味又超辣 , 

我們唔食慣咁辣衹吃一口放棄 . 

熱薏米水

" 湘川滬 "高力奶皇

外食質素可真要講運氣 , 

" 湘川滬 " 以前曾吃過很多次 , 

覺得水準愈來愈唔啱口味 , 已很久沒有幫襯 , 

希望今次食物有所改善 , 但失望 ! 

茶位 $ 11

上海湯粗麵 $ 58 味道一般 

雪菜肉絲炒年糕 $ 85

整碟食物淡而無味 , 年糕煮糊了 , 

腍得難食雪菜也沒有味 , 我們衹食了一半已不想食 .

紅油抄手5粒 $ 45

醬汁微麻辣味道尚可 .

淮揚素菜包 $ 29 

包身仍保持一貫水準 , 菜切得極細緻 .

但進食其他食品已覺得飽 , 

衹吃一個其餘二個打包回家 .

高力奶皇 $ 46 

超失望的甜品 , 以前食過都是用紅豆蓉做饀 , 

今次菜牌註明用奶皇幾特別 , 好伏 ! 

從未見過如此難看的樣子 , 

看樣子估計炸完放久了才送來 ,

 但裡面好熱有點燙咀 , 真要寫個 " 服 " 字 .

奶皇淡而冇味要點糖粉 , 整碟糖粉差不多食哂 .

 

" 星之戀 "脆皮乳鴿

很久沒出省走動 , 心癢癢乘西鐵出九龍逛逛 , 

暑假人流特別多 , 竟然遇上錦上路訊號出問題 , 

每站停留時間超長 , 久不久停下來或慢駛 , 

企在車廂超過一小時很疲倦 . 

行至荃灣西站 , 

大部份人都擔心訊號問題大都選擇離開 , 

我和相公都跟著出去 , 

到我們較熟悉的荃灣海之戀商場飲茶 .  

" 星之戀 " 生意好似比以前好許多 , 

今次除了點心三寶 , 還有乳鴿和甜品 .

茶位 $ 13

岐燒脆皮乳鴿 (2隻)$ 39.6 

以前也食過價錢抵又好吃 , 皮脆肉嫰有汁味道好 .

點心三寶 : 叉燒腸粉

點心三寶 : 燕麥糕

口感似鬆糕唔太甜 .

貓耳朵鯪魚球 $ 9.8

魚肉彈牙有魚味好吃 .

點心三寶 : 瑤柱珍珠雞

饀料幾豐富但較濕 

可能食物點多咗 , 

吃得太飽覺得這款珍珠雞嘛嘛 .

 

" 雞少雞飯 " 海南雞飯

屋苑商場又有新食肆開張 , 

名字也很特別 " 雞少雞飯 " 

每遇新店我們都會試試 , 

可能大家都有這種心態 , 

已過午飯時間仍要等位 , 

衹好買兩客下午茶餐回家吃好了 ! 

兩客下午茶餐都是 $ 46 

餐茶可加錢轉其他飲品 , 

椰汁紅荳冰每杯加 $ 8 

紅荳份量少好腍好綿較甜 , 椰汁超濃稠好油膩 .

海南雞飯配雞油飯我們轉成白飯 , 

雞去骨肉好腍滑少許雞味 .

滷水元蹄飯豬手炆過火太腍 , 

肉有些鬆開味道不錯 .

" 逸逸居 "金勾鮑魚仔椰菜煲

很久沒有到屋苑商場的" 逸逸居 " 吃晚飯 , 

從前這裡是我們經常幫襯的酒樓 , 

但近年已甚少幫櫬了 ! 

主要是餸菜水準愈來愈唔啱口味 . 

今日落大雨近近地再到這酒樓吃晚飯 . 

可惜得很又令我們失望 . 

酒樓衹開一半枱位清靜得很 .

原來整個7月某些特定餸菜有 7.1折優惠 .

我們點了兩款有折餸和兩款沒有折的餸 .

茶位 $ 15

椒鹽多春魚原價$48折後 $ 34.1

炸得熱辣辣每條魚被大量炸粉包著 , 

像吹脹的氣球唔黐魚肉 , 

魚沒有味魚籽豐富 , 

其中兩條沒有魚頭( 唔新鮮甩頭 )

碧綠龍躉球$128

魚塊6件幾滑但沒有味要蘸醬油 , 

翠玉瓜衹輕輕走油一點味也沒有

整碟餸全沒有味 , 

 (如果加少許獻汁會較好賣相也會好些 ) 

金勾鮑魚仔椰菜煲 $ 102 折後 $ 76.7

唉 ........... 伏了 ! 

椰菜絲少得可憐像伴碟的蔥絲 , 

反而菜牌沒有提過的粉絲多得很 , 

賣相奇差味道也怪怪 , 

把蝦米切碎加大量炸蒜和油煮粉絲超多油 , 

食材主角細細的金勾鮑魚仔沒有味好彩唔韌 , 

還有超細粒煮得過熟的魷魚頭粒仔 , 

太油膩我們衹吃了鮑魚仔和少量粉絲 , 飯也不用食了 .

客家釀豆腐煲 $108

豆腐幾滑但淡而無味黃豆墊底 ,

釀豬肉超細味道怪怪難食 .