屯門抵食晚餐 " 好日子皇宴 "

昨日我們又去屯門行商場 , 

晚飯到新時代廣場 " 好日子皇宴 " 

這裡位置較偏僻 , 本來我們唔知有這間店 , 

衹是上次跟朋友到這裡聚會 , 

剛巧遇上擺酒要轉到另外地方吃飯 , 

環境清靜餸菜價錢大眾化 , 好適合家庭聚會 , 

菜單有幾款餸菜都 7 折或特價 .

海皇豆腐羹 $ 98 (  7 折 ) 後 $ 69 

份量大得很 , 四個人都足夠, 

食材幾豐富 :  

好多蝦粒 , 帶子仔 , 魚肉粒 , 豆腐粒 , 蛋白等等 

我們努力都食唔哂 ( 一肚水 ) 

粟米炸魚塊特價 $ 68 

大大件魚塊有 6 件 , 炸得很脆味道一般 .

北菰滑雞飯 $ 98 ( 細 ) 

煲仔飯送來 , 大得有點嚇人 , 

我以為點菜侍應姐姐聽錯是大煲飯 , 

既然送到來算了吧 !  

衹好努力食得幾多就幾多 , 

飯煲得爽口但沒有飯焦香味 , 雞件味道一般 . 

結賬發現煲仔飯衹是細煲 

( 四個人食都足夠 ) 茶位 $ 13 

印度椰子螺片湯

平時買冰鮮雞都先吃雞腿 , 

其他部位貯存在冰箱留來煲湯 , 

今回用印度椰子+ 螺片 + 淮山煲湯 , 

椰子煲起來陣陣椰香味 , 味道唔錯 ! 

灼菜蕊和肉片炆節瓜 .

 

" 潮潮居 " 蝦球伊麵

我們經常到 " 潮潮居 " 飲食 , 

最主要原因就是近 , 不用舟車勞動 , 

飲過好多次茶都沒留意有下午茶 , 

今次刻意去飲下午茶2: 00 開始 , 

茶位 $ 13 這段時間有孖寶點心 $ 38 ( 款式選擇較少 ) 

另外炒粉麵跟平時好唔同 , 

下次都係食回平時的時段較好 .

香茜牛肉腸

有陳皮和香茜好滑 .

上湯蝦球球伊麵 $ 128 

蝦球有八隻之多好鮮甜美味 , 

伊麵份量好多 , 吸入蝦汁味道好好 .

紫薯流沙煎堆仔 

紫薯蓉混和粉中所以顏色好暗紫 , 

包流沙饀炸好脆口好食 . 

" 堅信號 " 生煎包

最近經常到屯門市廣場遊逛 , 

這裡好幾個商場相連起來 , 店鋪種類頗多 , 

由其食肆更加多得很 , 

我們倆愛吃包點麵食 , 

今次到位於屯門時代廣場的" 堅信號 "

吃它的主打生煎包 , 這店有好幾間分店 , 

我們已幫襯過灣仔 , 荃灣荃新天地 , 食物也不錯的 .

今次是屯門時代廣場分店 . 可惜有點兒失望了 ! 

我們怕人多要等位 , 特意早點入座 , 

大概 5:30 人好少 , 收銀先生領我們入座 ,  

現在好多食肆都用 QR code 落單 , 

我們曾在其他店用 QR code 落單出過問題 , 

所以現在盡量請侍應幫忙落單 , 

這裡下午茶到 6 : 00 , 

侍應姐姐給我們落單 , 

食物左搭又搭令我有點矇查查唔多明白 , 

我們落單叫上海粗炒麵 , 

佢話唔得喎這是午餐要 5:00 前落單

 ( 通常其他店食下午茶又可以食午餐的 ) 

她說: 你地揀過其他喇 , 就行開 ! 

揀完其他食物又揚手請侍應姐姐過來 , 全冇反應 , 

等得不耐煩 , 相公到收銀處叫侍應先生落單 , 

侍應先生特登過去搵侍應姐姐過來落單 , 

最後侍應姐姐把食物組合成三個下午茶餐 ( 超攪笑 ) 

每個餐跟一杯熱綠茶 , 太多了 !  

唉......... 攪完一輪終於成功落單 .

堅信號生煎包4個 $ 37 

期待的來了 , 

包係熱可能放在煎鍋太久 , 包底厚又唔脆偏硬 , 

湯汁已被包本身吸回 .

韭菜豬肉水餃 6 個味道一般 $ 38 

輕盈上海粗炒麵 $ 37 夠熱但麵條好硬難食 .

今次生煎皇好麻麻

蒸銀絲卷1 條 $ 8 配煉奶 

價錢平預咗細件 , 

包好細個蒸到裂開 , 

裡面衹得兩條粗長條 , 

似饅頭多啲 , 怎可以稱為銀絲卷呢 ? 

灌湯小籠包 2 個 $ 15 

又係放過咗時湯汁少 ( 皮厚兼硬 ) 

要二杯綠茶 , 轉一杯熱豆漿加 $ 3 

終結今餐唔合格 , 

如果下次想食生煎包 , 都係去荃新天地較理想 .

" 海港 " 海鮮百搭餐

" 海港酒家 " 自選海鮮百搭餐 

( 海鮮+ 燒味 + 小菜 ) 

今日星期日 $ 418 茶位 $13

平日 $ 388 

我們入座剛開始晚飯時間不久 , 

大概六點半已坐無虛席 , 生意非常好 .

薑蔥焗美國桶蠔 

蠔用炸粉浸過炸得好脆好熱 , 再用薑蔥焗 , 

蠔唔算好大隻但好肥美好鮮味 .

蜜汁叉燒皇 ( 例 ) 

叉燒好瘦唔柴味稍鹹 , 

我們叫一碗白飯 $ 13

配叉燒好好味 .

鮮果咕嚕肉 

鮮菠蘿好酸 , 咕嚕肉用豬扒肉做 ( 好柴 ) 

 

柚子蜜雞翼

昨日蒸豬手食剩好多 , 

今天把食唔哂的豬手 , 蒜碎和干蔥碎一齊再煮 .

 可以諗少一味餸 , 

生薑柚子蜜雞翼 , 

雞翼用鹽醃過慢火煎至熟 . 

加些現成的韓國生薑柚子蜜混和又攪掂 .

焯菜蕊 , 快快手開飯了 ! 

 

西洋菜湯 + 蒸豬手

超市近年愈來愈多已包裝雪肉類和魚擺賣 , 

每次行過都會看看有咩啱食的食材 , 

預先買定放冰箱隨時有得用 , 好方便品質也不錯 .

早前買了雪豬手 , 今天煲湯順便一齊蒸慳媒氣 . 

西洋菜湯 

食材 : 南北杏 , 無花果 , 蜜棗 , 豬展等

加果皮和幾粒瑤柱 , 味道無咁清淡 .

豬手解凍用鹽醃 , 

用蒸鍋放到煲湯上一齊蒸 , 

直至筷子插得入 , 放涼切件 , 

皮爽脆肉唔 ( 柴 ) 蘸醬油一齊食 .

爆香蒜粒和乾蔥粒加上醬油 , 

忘記加少許糖 ( 我諗有糖較好味少少 ) 

豆腐煮白菇仔和啡菇仔加少許蠔油調味 .

秋葵肉片煮豆卜

松子仁菜飯 

秋葵肉片雲耳煮豆卜 , 

市場好多攤檔都有秋葵擺賣 , 

新鮮幼嫩又唔貴 , 

以前我總是用來炒蛋 , 今次試這樣煮味道也不錯 .

七味粉蒸比目魚 .

 

抵食羊肉煲套餐

天氣突然轉涼還夾著一號風球和大雨 , 

身體未及適應覺得有點涼意 ! 

天氣涼爽煲仔飯出場了 , 

想起曾在屯門市廣場吃過唔錯的長炭煲仔飯 , 

立刻出動到屯門市廣場 " 點煲 " 飯店 , 

除了煲仔飯還有羊肉煲也出籠了 . 

而且配成套餐 , 

分別有 : 醉雞鍋或羊肉煲二人套餐 $ 288 

我們揀羊肉煲套餐  : 

支竹冬菇羊肉煲( 配生菜 ) 

+ 北菇滑雞煲仔飯還有鮮磨腰果露 .

另外我們加欖角蒸黃骨魚 $ 78

價錢咁平 , 相信羊肉一定好少 , 

出乎意料地份量也不少 , 

菜單寫羊肉 , 其實全都是羊腩 , 

羊腩連皮都很腍滑又冇羊羶味 , 

生菜好新鮮有清新菜味 ( 讚 ) 

食材 : 生薑 , 大蒜 , 馬蹄和冬菇等好好味 .

欖角蒸黃骨魚 

本來有刴椒 , 我們擔心太辣唔要 , 

衹用欖角蒸已好惹味 , 魚肉好滑幾新鮮 .

羊肉煲用微火暖著熱氣騰騰

滑雞煲仔飯

同樣熱氣騰騰看不見煲內食物 , 

雞好滑 , 飯粒粒分明好香口又爽 , 

這店標榜用質數高的長炭和金鳯米煮飯 , 

果然飯跟一般煲仔有差別 , 飯焦微脆好香 . 

最後食埋腰果露 

微微腰果味唔太甜 .今餐食物真不錯 , 

下次我們再來食另外的醉雞鍋套餐 . 

牆上海報好像展現出武林秘笈好攪笑 .

聖誕節快將來臨 , 好多店鋪都好有聖誕氣氛 . 

" 潮潮居 " 自助火鍋

很久沒有吃火鍋 ( 我唔多鍾意食的 ) 

但相公至愛所以久不久陪佢食 , 

今次到 " 潮潮居 " 食自助任食火鍋 , 

二個人$ 336 全包 , 以前食過日式和韓式自助火鍋 , 

大都有雪糕和熟食 , 

但這裡沒有雪糕衹有紙包飲品和汽水 , 

熟食衹得幾款偏辣的小食 ( 唔啱食 ) 

價錢咁平預咗冇咩特別嘢食 .

香茜皮蛋湯底 , 

蝦都幾大隻好鮮甜 , 青口一般 .

生蠔好肥美新鮮 , 肥牛一般 .

鮮雞件 , 潮汕牛肉片( 預先醃好 )兩樣都幾好味 ,

還有一般火鍋食材 : 

豆腐 , 菜 , 肉丸 , 麵 , 粉絲 , 魚滑等等 , 

我們衹攞其中豆腐和菜已好飽了 . 

炸魚皮 , 可能較遲出去攞 , 衹剩細件的 .

 

屯門 " 機動戰士高達展覽 "

路過屯門市廣場好熱鬧入去八一八 , 

有高達機動戰士模型展 , 

原來不經不覺已45年了, 

難得流傳到現在還深受青少年喜愛 ,  

除了大型展品還有些較細小的展品 , 

每個展品人物均有介紹它的歷史 , 

青少年興致勃勃每款人物介紹都細心閱讀 , 

還會跟其他年青人互相交流 .