" 叁茶陸飯 "

現在很多食肆名稱都好奇特 , 

今次我們到荃灣中染大廈的 " 叁茶陸飯 " 吃晚飯 , 

看門外餐牌已知是台式飯店 , 

我們較少吃台式晚餐 , 

心裡本著試試叫了三款食物 , 份量好似也不少 , 

心中想著可能吃不完了 ! 

果然真的吃不完 ( 因為唔太啱口味 ) 

台式孖寶 ( 牛筋 , 牛展 )湯刀削麵 $ 92 

刀削麵有如長長好濶的鵝腸 , 韌度一般 , 

牛展和牛筋非常腍沒有味 , 好像煲過的湯渣 . 

反而湯好濃味 , 吃完不久便感到口渴 .

鳯梨黑醋骨 $ 92 

鳯梨是新鮮切粒唔太酸 , 整碟餸烏卒卒微酸 , 

排骨的肉炸得太乾好硬脆 , 感覺食唔到有肉 , 

我諗用來送酒都可以的 .

最後送來的 , 

夜市冠軍三杯雞燴飯 $ 88 

這個飯 ( 太伏了 ! ) 

以前在其他台式店食過三杯雞味道好香濃 , 

但這個飯濕泣泣好油 , 

混上一些雜菇片和切得好精緻細細件的雞 , 

完全吃不到三杯雞的味道 , 

衹吃了細半份便唔想食 , 太膩了 ! 

" 星公館 " 石歧乳鴿

又到 " 星公館 " 吃晚飯 , 

上次吃晚飯結脹時又送給我們一張優惠券 , 

再來吃晚飯同樣過 $ 500 便可使用 , 

今次試另外一個滋味共享組合 $ 298 

有鮮蟲草花百合蒸蝴蝶花斑 + 潤燒脆皮石歧乳鴿 , 

另外叫一窩炒飯已足夠 $ 500 ( 便可用優惠券 ) 

今次又用優惠券有點兒唔好意思 , 

所以特別再額外叫了豆腐煲和金薯得意小蘋果 茶位 $ 15 

潤燒脆皮石歧乳鴿 

本來我對乳鴿不太愛吃 , 但今次好唔同 , 

熱辣辣新鮮炸出來 , 皮脆多肉又Juicy好好味 , 

相公吃得好開心 .

姬松茸海參豆腐煲 $ 148 ( 例 )

上次已吃過水準差不多 .

窩燒鰻魚珍珠貝炒飯 $ 138  ( 例 ) 

飯好似用日式醬油來炒 , 甜甜地味道唔錯 , 

配料有好多元貝仔 , 介蘭和菇粒 , 

用蟹籽放在鰻魚上裝飾樣子幾靚 ,

 鰻魚肥美好滑 , 我和相公都愛吃這這個炒飯 , 

如果其他餸食唔哂較難帶走 , 

所以我們衹吃一部份其餘打包回家 .

鮮蟲草花百合蒸蝴蝶花斑 

肉質爽口好新鮮 , 魚味稍淡 , 蒸過的鮮百合好甜 , 

燈光影到條魚樣子麻麻 , 侍應姐姐路過出手把魚重新擺放 .

這個角度條魚好似較為好樣 . 

金薯得意小蘋果 $ 28 

蕃薯蓉做饀味道清新沒有加糖 . 

................................

日子過得真快一晃2024年就過去 ! 

祝願各位網友新年快樂 ! 身體健康 !