" 星之戀 "金蒜粉絲蒸元貝

 " 星之戀 "飲茶好幾次都算啱口味 , 

今次吃晚飯點了海鮮孖寶 $468和豆豉雞$ 168 , 

嘛嘛地了 ! 

茶位 $ 16 花生 $ 15

金蒜粉絲蒸元貝

元貝唔似新鮮連殼和粉絲一齊蒸熟 , 

爆香蒜蓉放在蒸熟的粉絲和元貝肉上 , 

油超多粉絲沒有鮮味 .

白飯$ 15

清蒸星斑仔 

肉沒有魚味 , 可能蒸的時間失準有點霉霉地 .

乾蒽豆豉雞 

這款雞較為正常味道一般 .

飯後送蕃薯糖水 , 

吃了部份才記得影相 , 糖水薑味好濃甜味適中 .

預祝各位網友新年快樂 ! 身體健康 ! 
 

清炒遲菜芯

四季豆粟米芯雞腿菇豆腐

食材較清淡加些辣豆板醬一齊煮 .

清炒遲菜芯 

很久沒有見過遲菜芯 , 

今次比較粗壯 , 菜販教我把菜斜切容易煮腍 , 

菜主幹腍甜好吃 , 但葉口感嘛嘛 

甜梅菜蒸肉片

 

" Delifrance " 慢煮鴨腿

連續兩天聖誕假期接著是週末 , 

北上人流還未回港 , 

據新聞報導市況仍冷清清 , 

周末我和相公特意出外逛逛 , 

今回到我們較熟悉的屯門市廣場 , 

平時這個地方好熱鬧 , 

但今天人流比平時大概衹有一半環境冷清清 , 

日式食肆仍有好多年青人等位 , 

其他食肆可以直接入座 . 今餐又食西式食品 .

" Delifrance " 法式餐廳衹得幾枱客好清靜 , 

不久前食過一次食物也算合口味 .

可能生意淡靜 , 點一份餐再點第二份餐半價優惠 ,

( 較平的半價 )

慢煮鴨腿配香蒜炒意粉 $ 128

鴨腿肉爽口味道也不錯 , 

西餐廳意粉通常較硬而且落大量橄欖油 , 

這裡也是一樣 , 唔太習慣這樣制作 .

法式烤鱈魚柳伴文也汁配烤新薯$ 168 

 鱈魚肉質好滑味道較淡 .

熱檸檬柚子蜜 , 熱有機綠茶 

追加法式焦糖燉蛋每位 $ 29 

 

椰子海螺片雞排骨湯

連續兩天食西式食品有點膩 , 回歸家廚做飯 .

椰子海螺片雞排骨湯 

早前吃了三黃雞腿 , 把剩餘雞身放冰箱 , 

今回加些椰子 , 排骨 , 螺片和紅棗煲湯 .

白烚椰菜花 

蒜蓉豆豉醬三文魚腩蒸豆腐

 

" Pizza Hut "海鮮至尊

假期大量市民北上消費 , 很多食肆慨歎生意淡靜 , 

聖誕日我們以為屋苑商場" Pizza Hut " 同樣淡靜 , 

 6 : 10 到達門前已站著許多人等位 , 

趕忙按取票機  , 喔按好幾次不得要領 , 

到前枱問下 , 原來取票機操作改用電話操作 , 

影取票機 QR Code 跟著步驟按 , 

唉簡單複雜化 , 最後還要填 ( 先生 ) (女仕 ) 

果真磨人究竟有咩作用呢 ? 

唉... 按完彈出 ( 取票 ) 趕忙到取票機口等 , 

喔冇喎 ! 以為步驟錯又重做都沒有出票 , 

大鄉里火都嚟埋 ! 

又到前枱問 , 答覆得喇等叫號碼 .

吓 , 攪咁多嘢最後等叫號碼 , 

我以為我們大鄉里唔識新方法 , 

跟著幾個客都係同樣情況 .

最後可入座了 .

以前每逢節日酒樓菜單總是來去得特定餸菜 ,

這裡菜牌好似都轉咗 , 食品大部份是和風( 日式 ) 

包括 pizza 都一樣 , 

舊有 pizza 衹得幾款其他全是和風 ( 日式 ) 

  傳統 pizza 才是我想要的 .

法式龍蝦湯 $ 19

意大利蔬菜湯 $ 15

我倆把湯飲哂其他食物都到 ,

心想節日忙耐心等等 , 半小時過去 , 

眼看其他枱陸續有食物送到 , 真不是味兒 , 

請侍應小姐看看 .

過了10分鐘仍沒有答覆 , 又請侍應小姐跟一跟 .

海鮮至尊$ 179

終於送來微暖 pizza , 餅底韌 , 

唉.... 一肚子氣啃咗個Pizza ,

好彩饀料味道不錯 .

香草烤雞拼薯條 $ 149食完 pizza 又望天打卦等 ! 

時間過真快等差不多15分鐘 , 又要請侍應小姐跟一下 ,

回覆未做現在開始焗 , 又等十幾分鐘才到 ,

雞幾熱但皮一點也不脆 , 

應該係曾放涼再用微波爐再叮熱的 , 

薯條好熱似翻炸過 , 雞皮腍肉味道唔錯 , 

算吧 ! 食完快點離開 .

半溶芝士配滋味脆薯條

平安夜沒有出外遊逛 , 到屋苑商場吃晚餐 ,

 " 意樂 " 都有聖誕晚餐 , 

看過菜牌食品好像唔太啱我們口味 , 

環顧其他客人都是吃普通食品 , 

我們也點了兩客全餐 , 今天特別熱鬧全場滿座 . 

雖是大節日餐牌仍是平日用的 , 員工們忙得團團轉 ,

但食物水準仍然不錯 , 又沒有加一服務 .

意大利菜湯 

素湯食材豐富唔太酸又夠熱 .

香草雞滑蛋蓋飯配皇牌蒜蓉 $ 64

雞扒醃得夠味肉好滑 , 滑蛋也炒得不錯.

汁燒豬軟骨温泉蛋豬骨濃湯拉麵$ 70

豬軟骨腍滑味道啱啱好 , 

豬骨濃湯把拉麵味道提升起來好吃 .

加配半溶芝士配滋味脆薯條 $ 19

我吃過好多次炸薯條 , 覺得今次係最啱口味 , 

薯條新鮮熱辣炸出來好香脆 , 再蘸半溶芝士更加好味 .

 

" 順德公 " 胡椒豬肚雞鍋

在 " 蔡瀾點心 " 飲完茶 , 

想起上次朋友聚會提及深圳灣食肆 ,

" 順德公 " 胡椒豬肚雞鍋水準不錯 , 

分店在好幾個地區都有 , 

我們選擇到領展中心城試試 .

順德公胡椒豬肚雞鍋

( 中煲半隻雞+豬肚 ) 人仔128元

湯大滾服務員把雞和豬肚放入湯裡 .

服務員把字條橫放煲面 , 

再放計時漏斗在枱上 , 

遠遠地觀看著 , 時間夠立刻回來開蓋 , 

說可以食了 , 跟著咕嚕咕嚕地說話 , 

人聲太嘈雜我衹聽到最後嗰句 , 湯是可以飲的 , 

服務好好 , 先飲一口胡椒湯 , 

湯味濃郁微辣味道唔錯, 

雞肉好滑雞味不太出 .

菊花茶 + 靈魂蘸料2份人仔12元

餐前小吃 ( 免費 ) 

乳山現開生蠔人仔48元

生蠔好新鮮好食 , 

有機杭白菜 人仔22元

樣子唔似白菜我以為是生菜 , 

味道好清淡不像白菜

份量少價錢也不便宜 .

非遺腊味鮑魚仔煲仔飯 ( 3- 5人 ) 人仔68元

熱辣辣煲仔飯味好濃 , 飯焦好厚硬 .

腊腸瘦肉多好味 , 飯裡混著大量蝦米碎 ,

鮑魚仔爽口唔韌 , 沒有鮑魚味 .

飯太多吃不完又要打包回家 .

                      相關網誌 " 蔡瀾點心 " 蘇丹王雪山榴蓮包

" 蔡瀾點心 " 蘇丹王雪山榴蓮包

深圳灣好多地方都有開滿粉紅色花的樹 .

茶位人仔 6 元

蔡瀾點心在好幾個商場都有分店 , 

以前在另一間商場吃過蔡瀾點心 , 

覺得點心味道偏向國內口味 , 

今次這間好似稍為接近港式口味 . 

而價錢稍微平少許 .

豉油皇干炒牛河 人仔36元

河粉好夠鑊氣好香 , 

牛肉份量不多有肉味唔韌 , 整碟河粉炒得不錯 .

蒸點四拼 人仔32元

四款點心水準一般

蝦餃 , 賽螃蟹鳳眼蝦餃 ,

黑松露鮮菌餃 , 黑金流飽 

脆脆鮮蝦紅米腸 人仔39元 

紅皮腸粉好薄 , 

中層稍微放涼唔太脆卷著中蝦 , 

醬油味道唔錯 .

最後送來熱辣辣

蘇丹王雪山榴蓮包2個人仔22元

包面薄薄酥脆 , 裡面滿滿是榴槤蓉好香甜 , 好吃 ! 

飲完茶周圍逛逛 .

無人機外賣開到這平台上

行人通道加上新名稱 " 深圳灣大街 "

                       相關網誌: 深圳羅湖 " 蔡瀾點心 "

蒜蓉蒸龍蝦

蒸鹹雞 

今回買了冰鮮三黃雞體積也不小 , 

雞腿和雞翼用鹽預先醃幾小時才蒸 , 

其餘雞胸肉和雞身放冰箱 , 

留下次再想想如何處理 .

蒜蓉蒸龍蝦 

新鮮龍蝦當然好吃但我不懂如何處理 , 

急凍龍蝦處理容易加爆香的蒜蓉蒸 , 味道也算可以 .

蒜蓉炒油麥菜 

栗子炆排骨

炆排骨腍才好吃 , 

買多些一齊炆分兩餐食 .

 

煎銀雪魚扒

 旺菜炒蛋 

洋蔥青紅甜椒燒雞 

燒雞是昨日外食吃不完 , 打包回家的燒窑雞 , 

今天番煮肉較韌 , 嘛嘛 ! 

煎銀雪魚扒蘸千島汁味道也不錯 .

" 膳九爺 "潮汕家燒黃魚

前往深圳益田假日廣場看看 , 

多年前到" 世界之窗 " 遊逛 

( 益田假日廣場附近 , 我們曾在這商場吃晚飯 ) 

現在舊地重遊 , 商場內看樣子曾翻新過 , 

很多以前的食肆已不復見 .  

最底層各式各樣的小店和小食肆 .

往樓上逛逛 , 小玩意店 .

燈亮著的音樂盒 , 如要試聽下方有按號 , 

衹要把心儀音樂盒的號碼按入 , 便可試聽好方便 ,

還有好多款式的音樂盒放在其他飾柜裡 , 

款式之多看得眼花撩亂 .

會轉動的音樂盒好精緻 , 

欣賞完小玩意往地面看看 .

地面 " 歡樂谷 " 有排列整齊的攤位 .

攤位不多很快便看完 .

轉去商場底層外面看看 , 又有另一種形式的食肆 .

深圳區好多商場都設有露天食肆 .

差不多到晚飯時間 , 轉回商場裡 .

大部份食肆都是黃昏5點鐘開始營業 , 

還未夠鐘開喎 , 再找其他吧 ! 

................................

5 點十幾分行過這間潮菜 , 入去試試 ! 

" 膳九爺 " 服務態度非常好 , 食物也啱口味 .

紙巾人仔 3元 

茶位人仔8元

餐前水煮花生免費

還附上字條 : 

第一段 : 附了花生如何制作 , 

最後說 : 是我們為你耐心等候的第一份食趣 .

第二段 : 感謝你選這里聚餐小坐 ,

花生雖小 , 却裝著我們实在点心意 , 

愿這花生餐前礼 , 你吃得幵心 , 

愿你常遇 " 好事花生＂ 

雖然短短幾行字 , 看後覺得好窩心！ 

花生暖暖的有滷水味道煲得夠腍好食 .

蒸頭鮑魚兩隻人仔 84元 , 

我們擔心鮑魚會韌 , 

本著試兩隻就算韌都衹是兩隻 , 

但問題菜單上鮑魚蒸法有二種 ,  清蒸或蒜蓉 , 

一下子我們想不到那種蒸法較好吃 , 

我試試跟服務員說可否做法各一 ,

( 因為點咁少又這樣要求 , 覺得唔好意思 ) 

她居然誠意地說冇問題 .

兩隻不同蒸法的鮑魚都唔韌 , 我們覺得蒜蓉較香 .

服務員年輕有禮貌 , 

每樣食品都會問有沒有忌口食材 .

送茶來又主動給我們倒茶 , 

當相公想再倒茶服務員立刻過來 ,

 輕聲說茶壼好燙手 , 讓她來倒 .

潮汕家燒黃魚人仔168元 

下單餸菜後 , 服務員輕聲地跟我們說 , 

這款魚好大盆你們吃不完的 , 

你們是否考慮點其他餸呢 ? 

回應說 : 我們想試不打緊 , 

其他餸吃不完打包回家便是 .

果然送來大大的一盆 , 還跟上一大條油條 , 

長度比相公手臂還要長又粗 .

油條口感和味道有點像香港大牌檔的制作 , 真好吃 ! 

名師燒窑雞人仔 129元 

燒雞皮下脂肪少又薄 , 焗得好香脆肉都幾滑 , 

平時唔多吃雞皮今回要破例了 , 

吃完大盆魚和油條已好飽 , 

雞衹吃了少許 , 全打包回家 .

服務員好乖巧剪油條都詢問我們要咩方式 , 

湯汁有黃豆醬 , 大蔥和香菜 , 

味道好好油條蘸汁來吃更好味 .

份量實在太多了 , 超飽 ! 

白果芋泥人仔 28元 

好香芋頭味好滑唔太甜好好吃 . 

" 膳九爺 " 得過好多奬

食完飯坐在店前聖誕佈置影相留念 .

吃飽飽往街上看看 , 再過對面世界之窗 ,

晚上燈飾真不錯 .