" 永年車仔麵 "牛筋腩蝦籽撈麵

又去Wetland 商場搵食" 永年車仔麵 "自助麵店 , 

入門先搵位坐下 , 再過收銀處落單立刻付款 , 

返回坐位等叫號碼攞食物 .

店門外貼上通告歡迎攜寵物入內 

牛筋腩蝦籽撈麵配熱檸檬茶 $ 69

撈麵通常都是稍濶的麵 , 整碗食品表面佈滿蝦籽 , 

蝦籽味鮮不錯 , 

牛筋和牛腩炆得夠火候又好味 , 

自選麵 $ 38 

可選二款餸和一款粉麵或米線  

我選幼麵 , 麵沒有鹼水怪味 , 

墨魚丸兩粒有墨魚味 , 口感微爽口不錯 , 

( 我不喜歡那些超彈牙的丸類 )

覺得好似加得太多不明食材所以超彈牙 .

三件魚腐細細件裡面魚肉好腍滑有魚味好食 .

" 海港 "燒鵝

好友每月聚餐都係去海港海鮮酒樓 , 

上次食過長腳蟹好鮮味大家仍回味中 , 

但蟹的膽固醇較高 , 今回停一停食圍餐 . 

燒鵝水準保持得非常好

雜菌菜心

海皇羮

食材 : 蝦肉粒和鮮帶子粒份量不少 , 味道也不錯 .

炸蟹鉗味道一般 

腊味炒芥蘭

鮑魚炆冬菇尚可

蟹粉瑤柱豆苗

蒸蝴蝶班好新鮮 , 肉好滑 .

生炒糯米飯 

爽口好味但有少許生米骨 , 

熱辣辣壽包

飯後甜品紅荳沙和綠豆沙 , 

每樣6碗 , 兩款豆腍滑唔太甜 .

" 雞仔麵 " 花膠濃湯雞米線

Wetland 商場食肆可真多 , 

但久不久店鋪就會來個大翻新 , 

可能位置偏遠環境較靜 , 

顧客大都是該區住客 , 所以生意好一般 , 

每隔一般時間我們就來看看有咩新店開業 , 

今回食 " 雞仔麵 "養生花膠米線專門店 !  

花膠濃湯雞米線 $ 78

花膠湯底好有雞味 

餸 : 切雞下腿雞翼好滑有雞味 ,  

雞胸肉比較嚡少許韌 

兩件算幾厚的花膠 , 

半隻雞蛋有蛋香味 , 

米線份量也不少 .

辣油盛器肥嘟嘟好可愛

柱候牛筋腩飯配熱飲品$ 58

牛筋份量比牛腩多 , 

兩種食材炆得剛好 , 口感唔錯好味 .

內部佈置好面熟 , 

突然想起這店前身係 " 湯加 " 

整體沒有裝修過 , 

衹是換新招牌和食品跟以前不一樣 .

以前食過榴蓮蕃薯覺得好甜軟滑 , 

但很久沒有見了 , 今次再見當然要買 .

啊 ! 我們覺得今次蕃薯甜度爆錶又好滑 , 

口感比上次更軟滑甜糯 , 太甜了 ! 

可能現正值蕃薯盛產所以品質特別甜糯 .

洋蔥乳鴿

簡單快捷快快手就開飯了 ! 

肉片豆腐蕃茄蛋花湯 

腐乳煮白豆角 

洋蔥乳鴿

燒臘店現成紅燒乳鴿 , 

炸過的乳鴿放涼後皮收縮唔靚仔 , 

用洋蔥爆香把乳鴿翻炒熱 , 味道也不錯 .

 

" 湯加 "蟲草花膠魚肚燉雞

一段日子沒有到南昌站上蓋商場遊逛 , 

先到南昌薈商場看看 , 

食肆也不少但大都是見慣見熟那幾間 , 

最底層是現代街市好整潔 , 

除餸菜還有許多水果攤位 , 

我被袋裝猫山王蜜糖柚吸引 , 

包裝密密實實看不到裡面 , 感覺像買盲盒玩兒 ! 

沒有特別想看轉到另一相連的 V Walk 商場 , 

以前幾間食過的食肆已結業 , 另外新食肆進駐了 .

食肆選擇多也是一個難題 , 最後我們到 " 湯加＂

以前也曾食過這裡餸菜頗為啱我們口味 ,

由其果醋豬軟骨我最鍾意食 .

現在推出二人燉湯餐 $ 179 

有二餸一燉湯 , 

二砵蒸飯還有熱飲品 , 看來好抵食 , 

我們還追加炸豆腐 .

喔 , 伏了 ! 

追加包漿豆腐 $ 9 送來四件 

名字令我們誤會以為係爆漿豆腐 , 好失望 ! 

送來樣子乾巴巴難看的炸豆腐 , 

豆腐外面唔脆微實淡而無味 , 

裡面豆腐唔滑 ,

近碟邊有少許幼鹽 , 

相信沒有人能超越這樣的水準了 , 

蟲草花膠魚肚燉雞食材好豐富 , 

兩件花膠兩件魚肚雞味一般 , 

湯超濃稠表面一層厚厚的油 , 

太多油我們一口也不敢嘗試 , 

蒸飯爽口有飯味 .

果醋豬軟骨 

以前我們最愛吃的 , 現在水準往那裡去了 ! 

味道唔酸唔甜 , 豬軟骨唔腍肉超柴又冇味 ,

最特別排骨下面鋪上白菜 , 

菜吸哂排骨的油和汁變得味道怪怪像浸油菜 , 

努力吃了幾件放棄唔食 , 好失望伏了 ! 

麵醬蒸海馬友 

魚好唔新鮮肉實腥得利害 , 

沒有薑衹放麵醬 , 超難食 ! 

熱柚子蜜

上面幾樣食物都屬於伏的 , 

整頓飯最好食係蒸飯 , 衹好說句無餸食飽飯了 .

冷氣不足我本來唔多怕熱 , 今回我竟然熱到接受不了 .

新開的八合里火鍋 , 似乎幾受歡迎 , 

可惜全是我唔多愛吃的牛肉 , 望下當食咗 .

現代街市買的猫山王蜜糖柚 , 回家開來食 , 

無論外型口感味道沒有一點跟包裝相符 , 

跟一般金柚無異 , 又伏了 ! 

哈哈我們都好服自己一天裡全是伏完再伏 ! 

紅橋 " LUMOS "西京燒比目魚

秋高氣爽到戶外走動一下 , 

乘輕鐵到屯門小區看看 , 

澤豐輕鐵站下車再徒步前去紅橋小區 .

紅橋小區 : 

要經過遠處紅色橋穿往對面才到達 ,

區內大都是舊式大廈面積較大 , 

好多樓上用作護老院 , 

目測起碼有７至８間 , 

地鋪各類型食肆和小店多得很 .

紅橋食肆雖多但我們衹可以日間到這裡 , 

因為路途較偏遠返回輕鐵站較靜 .

我們在這間餐廳吃午餐 , 

門外設有舒適枱椅 , 可帶同寵物一齊享受美食 .

晚上有酒供應

DRINK MENU

我們叫了兩客午餐 , 

另外每位加 $20 

就可以品嚐外面其他小食 , 湯和飲品 .

我們到達已一點多鐘已是最後的顧客 , 

擺設的沙律有部份好少了 , 

我們衹愛吃蛋糕 .

蛋糕細細件樣子不錯幾好食 , 

麥樂雞和春卷已放涼 , 味道也不錯 .

西京燒比目魚伴蒜香意粉雅枝竹菠菜$ 138

意粉爽口味道不錯 , 

雅枝竹外面微煎過 , 裡面清清地幾好食 , 

比目魚微煎香肉質好Juicy .

西班牙栗飼豬肉眼伴迷迭香燒汁$ 118 

肉好瘦但唔嚡味道也不錯 , 

還有薯蓉和焗薯仔兩小個 , 燒茄子仔和露荀好嫩 .

吃飽了 , 

還有南瓜湯未試 , 攞少少試味湯好濃甜好味 .

回程又徒步穿過紅色橋返回澤豐輕鐵站 , 

途經公園入內散步 .

散步或緩步跑也不錯 

河水好清但有些魚反咗肚 , 

水裡魚兒時不時跳上水面 , 大概有手掌那麼大的 .

紅色橋內外都是紅色 , 

小區很多林林種種的小店 , 

其中一間自家制作麵包店 , 

店主好主動向我介紹產品的制作 , 

買了兩種特式麵包回家試試 .

" 牛奶冰室 "揚州炒飯

到元朗形點行街倦了搵地方坐 ,

 " 牛奶冰室 " 下午茶由2:00 至 6 :00 , 

我們五點幾到達仍是下午茶 , 

叫了兩客下午茶餐 , 和小食當晚餐 .

揚州炒飯 $ 47 

米飯炒得粒粒分明爽口唔油膩 , 

好多火腿粒和蝦仔味道不錯 .

雪菜肉絲炆米 $ 46 

味道一般 , 份量好多夠鑊氣 .

新鮮冷壓檸檬茶 

新鮮冷壓檸檬水

兩杯飲品混濁又酸 , 

我情願好似以前用新鮮檸檬 , 

自己調配糖較啱自己口味 . 

我加了三包糖落檸檬水中 , 

仍是接受不了, 唔敢飲 ! 

五香脆雞翼 $ 13 

炸得香脆熱辣辣 , 雞肉滑又夠味 .

" 潮潮居 " 全包火鍋放題

天氣稍涼相公便想吃火鍋 , 

到較近的 " 潮潮居 " 吃全包火鍋放題 $ 168 / 位二小時

 ( 早幾個月前是三小時 ) 時間縮了一小時 , 

火鍋肉類和蔬菜款式減少了 , 

連熟食也少了許多 , 

我對火鍋本是嘛嘛通常我衹吃熟食居多 . 

鴛鴦鍋湯底 

雜菌清湯和皮蛋芫茜

胡椒豬肚

肥牛太肥沒有攞

大魚頭 , 蝦 , 蠔 , 支竹

牛肉滑 , 魚滑 , 豬肉滑

炸魚皮