LEGO 展銷會

早前在" 上海姥姥 "買 2 隻粽咸甜各一隻 , 

今天番蒸來食 , 噢伏了 !

以往買回來的粽 ,

都會退去粽葉剪開幾段才蒸 , 

方便粽心快點熱 , 今次也用此方法 , 

去除粽葉裡面食材好散 , 沒有繼續剪就這狀態蒸 .

上面醬油鮮肉鹹蛋黃粽 ( 鹹 )

下面是白米桂花豆沙粽 ( 甜 )

蒸過的鹹粽塌下來 , 

像普通偏鹹的有味飯 , 

食材除了鹹蛋黃近硬的部份和一件炆腍滷肉 , 

飯加了好多深色醬油 , 又好油膩 !

番蒸甜粽濃濃桂花香味 , 

飯比較似廣東粽一樣綿 , 豆沙微甜幾好食 . 

....................

世界杯開纙了 ! 

沙田連城廣場LEGO 展銷會 ,

也有相關世界杯的展品 .

家長和小朋友一齊砌 LEGO 

配合世界杯廣場佈置和極大的電視 , 

讓愛看足球的朋友一齊睇波 .

時間尚早睇波的人唔太多 .

...........................................

我們先搵地方吃晚飯 , 

商場人流超多 , 食肆大都要等位搵食艱難 , 

行遍幾層樓最終到台式 " 遇見小麵 " 

點了2 客套餐和一客湯抄手 ,

味道也不錯 ! 

酸菜滷肉飯 $ 35

蜂蜜柚子茶

跟往常飲過的柚子茶味道有點怪 , 唔啱口味 .

蔥酥骨抄手$ 38 

陽光番茄牛肉麵 $ 43

" 倫敦酒樓 "懷舊蝦籽柚皮

好友聚會唔齊 12 位 , 

衹有 8 位唔食圍餐了 , 

轉到旺角 " 倫敦酒樓 " 吃飯 , 

酒樓位處遊客區 , 街上人流多超熱鬧 ! 

還有兩天便是端午節 , 入座大概 7 成 , 

這裡有夜茶服務 . 

以往接近節日酒樓通常都有另一個菜牌 , 

但這間菜牌仍跟平時一樣 .

點了3 款懷舊菜 , 

這3 款菜在我印象裡的制作好似有點距離 .

人均 $ 150  .

時菜班塊 

咕嚕肉

蘿蔔炆牛腩 

牛腩腍度適中味道不錯 , 

蘿蔔雖然已過造但品質尚可 .

懷舊菜 : 蝦籽柚皮 

N年沒有吃過了 ! 

賣相不錯大概是專為吸引遊客而設 .

柚皮較實沒有柚皮味 , 

印象中以前制作的柚皮鬆軟夾著少許柚皮味的 , 

蝦籽太多粗糙沒有鮮味 .

香芒牛肉 

牛肉片腍滑切得細細件味道可以 ,

芒果肉煮得稍過火腍微酸 .

懷舊菜 : 錦滷雲吞 

又是N年沒有吃過的菜式 , 

印象中雲吞皮中心放蝦對摺才炸較硬脆 .

這裡做法衹是炸整塊雲吞皮沒有饀 ,

而雲吞皮口感跟以往好唔同 , 

可能用另一種雲吞皮所以鬆脆 . 

錦滷汁配料食材非常豐富 : 

蝦 , 魚塊 , 魷魚 , 肉片 , 雞片 , 豬肝和帶子等 

還有青紅椒洋蔥等 , 味道可以唔太酸 .

懷舊菜 : 蝦多士 $ 120 四件

又是 N 年未食過制作好唔同 , 

賣相不錯相信都是為遊客而設 .

方包放一隻大蝦炸 , 蝦沒有其他醃料算鮮甜 , 

方包好吸油好脆 .

飯後送水果

飯後送桂花糕

桂花糕較硬身唔太甜好食 .

豆卜炆亞麻籽西施骨

蕃茄肉碎撈麵 

第一次買味千麵5人份量 , 

每扎唔太大想著 2 人煮兩扎已足夠 , 

原來煮開一大碟口感嘛嘛 ! 

我和相公覺得普通上海麵較好吃 .

豆卜炆西施骨 

超市買來新品種亞麻籽西施骨 , 

今天沒有打算煲湯 , 用普寧豆醬豆卜炆 ,

味道不錯有豬肉味 , 但唔覺有亞麻味 . 

西蘭花紅腰豆 

" 咖吔 " 檳城街頭排骨山

又去屯門市廣場 " 咖吔 " 食街頭排骨山 , 

今次是第二次幫襯 .

馬來燒雞配油飯 $ 59

上次食海南雞飯 , 今次試燒雞 .

燒雞熱辣辣送來好香 , 

皮微脆雞肉醃得入味唔嚡好食 , 

伴碟除車厘茄青瓜片還有炸花生和魚干仔好脆 .

手工流心芋泥丸 $ 26

熱得很好脆 , 饀芋泥和熔芝士好食 .

檳城街頭排骨山配米粉 $ 62

相公至愛味道如一肉多好滑 , 汁微酸好味 .

湯底是雞湯米粉也不少好食 .

端午節快到了 , 好多食肆都有粽賣 , 

上海姥姥粽子正做減價 . 

我們從未食上海粽買 2 隻留端午節食 , 應節 ! 

單買甜 : 上海白米桂花豆沙粽 $ 39 原價 $ 70

單買 : 上海醬油鮮肉鹹蛋黃棕 $ 49 原價 $ 88 

買孖寶套裝較平少許 $83原價 $ 158

兩款粽都好迷你非常細隻 .

 

" 莆田 "做節

轉眼端午節快到了 ! 

每次做節都和姪女婿一家三口一齊吃飯 , 

原則上姪女婿和姪女差不多每個月都出國自駕遊 , 

或到國內旅行 , 

所以做節要和他們夾日子 ! 

通常都會提早 .

今次到荃灣廣場" 莆田 " 吃晚飯 , 

前排我和相公到過元朗形點 " 莆田 " 

我倆唔熟識閩菜 , 點的餸菜唔太啱口味 ,

今次侄女婿點菜 , 

點一些閩菜小巧功夫餸 ( 每款份量唔多 )

茶位 $ 18 ( 菊花茶 )

涼菜 : 白切羊肉 $ 158 

羊肉附有小量羊膏微甘沒有羶味 , 

味較淡要蘸油食 .

熱菜 : 九轉小腸 $ 128

豬小腸卷起來沒有豬羶味 , 腍度適中味道也不錯 .

家常豬蹄凍 ( 例 ) $ 68 

做法極像京菜的肴肉 , 

每件放上少量微辣的醬 . 味道不錯 .

燕皮扁肉湯 ( 一碗 ) $ 64 

細細粒雲吞饀料好似不是豬肉 , 

但食唔出是什麼材料味道可以 ,

湯底是紫菜和蝦皮 .

鐵皮滑豆腐 ( 例 ) $98 

鐵鍋墊蛋皮

把炸過的玉子豆腐和大蝦放在上面味道較辣 .

辣媽醬焗肥花蛤 ( 例 ) $ 98

沒貼近辣椒的花蛤唔辣好鮮味 , 

下面大量蒜子 , 花蛤肉肥美唔韌好食 .

蟶子孖寶組合 $ 298 

上回我和相公在元朗形點

 " 莆田 "食過蒜蓉蒸蟶子細隻超多沙 , 

今次用鹽焗好味得來又沒有沙 .

興化炒米粉 ( 例 ) $ 118 

米粉味道不錯唔油膩 , 除蔬菜還有花蛤 , 蝦 , 豆卜等等 .

農家擦粉 ( 例 ) $ 98

粉好糊味道可以 , 食材幼細食唔出是什麼食材 .

蟶子孖寶組合 : 

鹽焗黃花魚 , 

黃花魚較大條骨少有魚味好食 .

                                    相關網誌" 莆田 "蒜蓉蒸多頭蟶子

春菜排骨煲

外賣太方便了, 今日又做無飯主婦 

 " 潮潮居 " 和 " 一粥麵 " 曾幾何時我們視為飯堂 , 

但前些時幫襯過覺得水準嘛嘛 , 

今日相公想再試試希望有所改善 .

 " 潮潮居 "酒樓價錢水準就..........  ! 

 鴛鴦雞絲炒飯 $108 

傳統炒飯總是先炒香雞蛋才炒飯 ,

但這碟炒飯唔覺有蛋 , 

自己給它解釋可能是俗稱黃金蛋包飯 , 

所以沒有蛋的影子 ,

飯粒粒分明爽口較乾 , 

跟飯鴛鴦汁 : 

茄汁雞絲汁

稀稀得像西餐廳的蕃茄湯 , 食材有雞絲淡而無味 , 

另外白色汁

杰撻撻像西餐廳忌廉湯 ,

食材有幾隻蝦仔和芥蘭梗片 ( 沒有味 )

 鼎湖上素 $ 88 

好彩這款餸尚可 . 

" 一粥麵 " 

春菜排骨煲 $52 

除了春菜 ( 芥菜 ) 還有 5 粒排骨 , 

好似沒有醃過似煲過湯的排骨 , 

唔似排骨煲 ,

似淡而無味的芥菜湯 .

 

" 海港 "鮑汁鳳爪

返完跳舞班到" 海港 " 飲下午茶 

點了孖寶點心和三款點心 

茶位 $ 10

鮑汁鳳爪 $ 22.8

鳳爪炆得夠腍又完整沒有散開 , 

底部有少許腍花生調味真不錯 ,

相公超愛吃 .

孖寶點心 $ 32.8

香茜牛肉腸粉 , 

牛肉算可以粉皮幾滑豉油調較味道唔錯 . 

叉燒包 $ 18.8好抵食 .

鮑魚花膠灌湯餃 $ 38

兩隻罐頭鮑魚仔唔韌沒有鮑魚味 , 

花膠兩件 ,

餃饀有豬肉碎和兩隻中蝦鮮甜 , 

湯幾好味較油膩 .

孖寶點心 : 

鳳爪排骨飯 

飯幾爽口 , 餸味道一般 .