三文魚頭蕃茄豆腐湯

無所事事到日超逛逛 , 

三文魚頭好新鮮價錢又親民 , 

打算煲個豆腐蕃茄湯 , 

魚頭好大連著魚身的肉好大塊 , 

全把它用來煲湯份量太多了 , 

買多一盒三文魚骨腩加埋連身的魚肉用蒜茸蒸 . 

南瓜產自墨西哥

 ( 我們鍾意這種南瓜好甜好粉 ) 用肉碎煮 .

 

" 鳳城 "均安肉絲炒麵

荃灣愉景新城 " 鳳城 " 下午茶位 $ 10 

 茶樓位置較僻人流不多 , 

我們樂於第二次到這裡飲茶 , 

除了不用等位外 , 還有每樣有兩件的雀籠 .

今次雀籠點心有點失水準了 .

均安肉絲炒麵 $ 78 

我們對均安豬肉沒有認識 , 

個人口味而言同普通豬肉沒有分別 , 

麵炸得好鬆脆配料另上 : 

芽菜 , 韭黃 , 肉絲 , 冬菇等味道甚淡要加醋 .

下午茶雀籠 $ 98 送來的雀籠點心微暖 

第一層三款包

溶岩流沙包 

黃色流沙饀非常流味道一般 

青趣奶皇包 

食唔出饀係咩食材 , 顏色青 BB唔太甜 . 

豬嘜叉燒包

叉燒沒有黑點味道不錯 .

第二層 : 

我唔太鍾意食沒有試 , 相公話做得不錯

彩虹鮮蝦餃 2 件櫻花蝦燒賣 2 件

第三層 : 

甘筍鹹水角 

外皮好脆微暖 , 饀料甚少味道不錯 .

小鳳依人 ( 鳳梨酥 ) 

外層稍實鳳梨饀味道一般 .

彩棉香芒布甸沒有影相 , 

布甸香滑超多芒果肉好香 , 甜度適中 .

" Bello Dining " 香煎羊仔柳

" Bello Dining " 點了兩客晚餐 , 沒有加一服務費 .

蕃茄忌廉湯濃稠稍酸 , 

還有兩杯普通的蜜桃紅茶 ( 沒有影 )

美式BBQ 醬燒豬仔骨 $ 108 配薯條 

( 以前曾食過這款豬仔骨 , 燒汁微甜豬仔骨腍度適中 )

但今回水準令我們失望了 , 

肉質太腍刀輕輕切下去 , 

肉便立即分散 , 醬汁放滿烤豬仔骨上太酸 .

薯條熱辣辣蘸茄汁好吃 ! 

香煎羊仔柳 $ 148 配芥末燒汁 

賣相不討好有點似乾柴 , 

我們不愛吃有血的肉類所以要全熟 , 

但有部份仍有少許血 .

羊肉好嚡味道一般唔吸引  , 

芥末燒汁也不討好 .

薯蓉混和牛油好香滑好味 .

" 莆田 "蒜蓉蒸多頭蟶子

元朗形點 " 莆田 " 閩菜 , 

以前曾食過晚飯又外賣過團年如意套餐 , 

可能我們對閩菜甚少認識 ,

 兩次餸菜都唔太合口味 , 

今次被門前推廣牌吸引著 , 

接待員說現正值是蟶子季節至8月就完 ,  

那麼又入去主要是食蟶子 ( 伏 )

茶位 $ 18

砂鍋黃花魚湯 $ 138 

魚湯幾濃一大鍋份量夠 4 人飲 , 

味道一般其中食材有點怪 , 

除了豆腐還有芋頭粒和幾粒杞子 , 

感覺跟魚湯唔太夾 . 

魚大概是雪魚沒有魚味肉實 . 

芋香鴨 $ 98

外皮鬆脆包著芋蓉和少許鴨肉 , 味道唔錯 .

蒜蓉蒸多頭蟶子 $ 128

蟶子有幾種制作 , 我們選擇最簡單的蒜蓉蒸 , 

12隻蟶子好細隻還開邊真好手工 , 

每隻表面鋪滿蒜蓉 ( 太多好濃又辣 ) 

12隻裡衹有幾隻沒有沙 , 

近肚位置唔可以咬下去( 有沙 ) 

本來細隻近肚又唔食 , 

可食的太少食唔到蟶子的味 ( 伏 )

白飯 $ 15

" 三兩粉 " 蕃茄土豬肉粉

屯門廣場由好幾個商場連貫起來 , 

所以到此遊逛好容易迷失方向 , 

雖然我們經常行屯門廣場但有些地方都沒有去過 ,

 今天偶然往樓上看看 , 被某間店吸引著 . 

店特設蒸粉廚房窗櫥煙霧彌漫 , 

隱約看見石磨和蒸籠 .

另一邊有人正制作粉皮 .

每張蒸熟的粉皮放上竹條放涼再切成幼條 .

屯門市廣場 " 三兩粉 " 沒有加一服務費 ,

價錢親民又好食 . 

相公後面有自選小料枱 ,

攞放5種免費配料 : 

油潑辣子 老壇酸豆角 

香酥豬油渣 湖南刴辣椒 老壇酸菜

看見有客攞配料 , 我也攞 2 種試試 

豬油渣和老壇酸菜 .

老長沙手工土豬肉粉套餐 ( 不辣 ) $ 56 

湯味稍淡加入上面配料 , 立刻把味道提升起來 , 好味 ! 

豬油渣碎碎地好酥脆 , 

粉好滑沒有用油分隔所以唔油膩 , 

 ( 街市賣的河粉通常搽好多油來分隔 )

盛器好大所以碗粉看似好少 , 

其實份量好多要分給相公 .

豬肉片有肉味口感真不錯 ! 

陽光蕃茄土豬肉粉套餐 $ 56

粉和肉片份量同樣好多 , 

除蕃茄還加少許茄膏好味 .

套餐飲品 : 石磨手工米漿

第一次飲這種飲品 , 

米漿濃郁幼滑得來 , 

仍有少許幼滑米碎但唔嚡口 , 

吃完麵還飲埋米漿好味之餘又太滿足了 ! 

粉店隔離的食肆外觀似餐廳 , 

其實係目側有過萬呎的食街 ,

佈置唔錯有星馬泰韓日和不同地方的食肆 ,

下次一定來試試 ! 

" 美記快餐 "芝士茄焗豬扒飯

很久以前連鎖麵包店貯滿印仔可當錢用後來取消了 , 

最近" 美記快餐 "也有貯印仔 , 

貯滿 5 個印仔當 $ 20 用 , 

咭仔滿了今天是最後一天使用 .

海南鴛鴦雞飯 $64 

用咭仔減 $20 = $44 抵 .

本來油飯改白飯 , 

豉油雞醃得夠味肉幾滑 ,

白切雞胸肉好嚡雞腿肉好滑 ,

白菜幾新鮮 .

芝士茄焗豬扒飯 $ 50 

樂悠咭 9 折減 $ 5 = $ 45

豬扒好味唔嚡 , 

炒飯量好多除茄汁和芝士還有車厘茄和菠蘿 .

 

" 星小館 "鍋燒京蔥鮮肉生煎包

我家屋苑有 2 間會所 , 

我們大都去較近屋企的會所飲茶 , 

屋苑報紙曾提及另一間會所有新酒樓開業 , 

今回特意乘屋苑車前去試試 .

" 星小館 "

滋味組合 $198 

另加一款餸 $138 和一款包 $88 茶位 $15

環境清靜場內酒櫃超光亮擺放不同的酒 .

組合 : 潤燒脆皮乳鴿 2 隻 

皮炸得鬆脆香口 , 鴿肉稍實醃得入味 .

組合 : 姬松茸海參豆腐煲 

食物好熱味偏淡 , 海參稍硬沒有味 , 

姬松茸有點不討好的味道 .

 彩椒欖角一口金沙骨 $138

欖角好惹味有濃稠糖膠伴著味道不錯 , 

排骨炸太乾肉少又硬 , 

彩椒切細丁沒有特別味道 , 

反而薯粒炸過好香口 . 

鍋燒京蔥鮮肉生煎包 

點餸沒有留意煎包有 6 個之多 , 

包底放滿大蔥和小蔥幾香 , 

餸菜差不多同時間送來 , 

侍應擔心煎包放涼 , 特意攞蓋把鍋蓋上保溫 , 

我們覺得這做法也不錯 , 同意了 ! 

噢 ......  失策 ! 

忘記鍋仍好熱蓋上 , 包會吸入水蒸氣 ,

全部包變得軟腍腍 , 底部好油難食 ,

勉強吃了3個其餘放棄唔要 .

吃過晚飯經過水果店

 ( 站神明月西瓜掛著用竹做的牌 )

剛從雪櫃攞出來涼浸浸 , 好誘人 ! 

皮好薄有少許沙好甜多汁 , 好吃 ! 

" 北京樓 "雞煨麵

元朗形點 " 北京樓 " 

下午茶自由配搭餐2客 , 每款$78 

另點一款甜品高力豆沙香蕉$48

( 點心卡75折後減$12 )

茶位$16

叉燒酥

酥皮香口微酥脆熱辣辣好食 .

小排骨x2碟 

酸甜適中肉厚唔嚡好味 .

紅油抄手3粒 ( 忘記影下來 )

皮薄肉饀味道不錯 , 紅油唔太辣 .

筷子座鴨仔造型幾實用 , 筷子不會跌落枱上 .

雞煨麵

麵軟軟混上雞湯好好味 , 

雞肉和雞湯同樣有雞味 .

蔥爆牛肉麵

牛肉嫩滑味道不錯 , 拉麵韌度適中有口感 .

高力豆沙香蕉熱得很 , 豆沙饀稍少唔太甜 .

很久沒有遇到鬆軟的高力豆沙了 , 

食肆大都把這款甜點制作改成脆脆地 , 

很懷念以前鬆軟綿綿的口感 . 

這裡制作都係改過但仍保留少許軟身已是難得了 .

聖子乾炆冬瓜

海味店新貨品聖子乾 , 店員介紹處理好簡單 , 

衹要用清水浸半小時再清洗便可 , 

樣子幾乾淨買半斤試試 . 好似伏了 ! 

眉豆花生紅棗豬展雞腳湯 

白烚福建花 

聖子乾炆冬瓜 

未浸水前聞到聖子味道有點似蠔豉 , 

照足店員方法清水浸聖子半小時 , 

水裡浮出汚物 , 浸開的聖子肚裡烏卒卒 , 

剪開整隻聖子裡面沙多得很 , 

清洗好多好多次仍覺得唔太乾淨 , 

用暖水再清洗一次才沒有沙 , 

可能煮得耐咗好韌又沒有味 . 

聖子乾未浸水前樣子幾靚 .

" 鼎泰豐 "台式紅燒牛肉麵

下午到屯門大會堂睇唱歌表演 ,

 一晃就二個多小時 , 

再到屯門市廣場 " 鼎泰豐 " 吃晚餐 .

茶位 $ 12 

( 沒有其他選擇衹有稀稀的烏龍茶 , 淡而無味 )

台式紅燒牛肉麵 $ 94 

( 3件牛展+1件牛筋 )

炆得過腍像煲過湯 , 沒有口感有少許牛肉味 , 

沒有配菜湯好濃醬油味 , 麵韌度唔錯 .

菜肉餛飩湯麵 $ 84 

餛飩饀菜和豬肉切得極幼細比例 ( 7 : 3 ) 

好清淡的配搭 , 湯味都係好淡 .

菜肉蒸餃 $ 66 

饀料跟菜肉餛飩一樣好清淡 , 餃皮好薄 .

雞肉小籠包 $ 74

以往總是吃豬肉饀 , 

今回改吃雞肉饀湯汁可以 , 但味道好淡 , 

皮唔夠薄個子比其他食肆細好多 .

瑤柱炆節瓜

瑤柱炆節瓜

 三文魚洋蔥炒蛋 

炸菜蒸肉片

 

" 紅湘子 " 羊腩餐

荃新天地多咗好多新食肆 , 

今次試 " 紅湘子 " 入座後 , 

看見牆上特別寫著用 ( 五常大米 ) 

回家上網查看原來這種米出產自黑龍江 , 

價錢比泰國米貴 .

沒有加一服務費 , 侍應服務態度不錯 .

羊腩餐 $75 餐檸茶 

味道可選擇唔辣 , 大中小辣 .相公揀唔辣 , 

羊腩唔夠腍有少許羊羶味 , 

如果有少許辣會好味些 , 

白蘿蔔腍甜 , 

五常米飯樣子有少許油潤 , 

口感有點似珍珠米 , 

但又好似有些微爽口幾特別幾好食 .

豬扒米線 $ 49

豬扒好腍味道唔錯 , 

配菜有 : 炸得晶瑩的黃豆脆脆的 , 

被湯侵過變成另一種口感 , 

還有蕃茄 , 半隻蛋和豆卜 .