美孚" 牛車水餐廳 "

很久沒有到美孚行逛 , 

這老牌私人屋村商場變得頗為舊了 , 

但交通十分方便 , 

行到晚飯時間六點多鐘 , 

想起以前曾食過 " 牛車水餐廳 " 都算過得去的 .

枱上餐牌仍是下午茶餐 , 跟侍應要晚餐的牌 , 

她竟然說現在仍是下午茶喎 , 

哦 ! 原來下午茶至到下午 6 : 30 

生意真難做啊 ! 

咖哩牛腩飯 $ 62 ( 午餐 )

除了餐湯還有熱飲好便宜 , 

牛腩好腍滑 ,

看樣子應該是用牛肋條炆才有這個效果 , 

制作好有中式味道好吃 , 

羅宋湯好酸 ,

熱飲朱古力 , 但味道係阿華田 .

涼瓜排骨飯 $ 47 ( 下午茶餐 ) 

配中湯 : 木瓜紅蘿蔔湯味道唔錯 , 

涼瓜好嫩唔苦 , 排骨有點嚡但味道唔錯 .

" 自己人 " 家聚

聯同姪女婿一家三口到荃灣荃新天地吃晚飯 , 

地點 " 自己人 " 潮式食肆 , 

現在很多食肆的名字都好特別 , 

這間店從外面看好像是細細間 , 

原來裡面座位也不少 , 中間全是六人卡位 , 

其餘有些排排坐的座位 , 近窗是四人座位 .

入座率大概衹有一半多少少頗為清靜

 ( 可能不是假期 ) 

環顧全店大都是年青人 . 

菜單上的餸菜款式唔太多 , 

反而點心 , 小食和飲品款式多又幾特別 , 

看見很多年青人都飲手打檸檬茶 , 

我們以前在其他食肆飲過 , 覺得嘛嘛地 .

生果點心做形好纖巧幾似真的 .

茶位 $ 15

鮮茘枝球 ( 3 件 )

茘枝做形細細個好像真的好靚 , 

饀好少衹有少量芝士和小蝦粒 , 

味道唔太出 , 外皮口感似粒粒凸出的茘枝売好脆 .

老香黃雪山包 $ 39 

跟普通雪山叉燒包一樣幾香口 , 

叉燒味道唔錯 , 饀同樣好少 .

酸菜焗花甲王 $ 139 

少許酸辣花甲幾新鮮沒有沙好味 .

沙嗲鵝腸 $ 99 

沙嗲幾香用金菇菜墊底 , 鵝腸稍為過火少許 ,

小小梨子 ( 3 件 )$ 39 

梨做形好像真的但非常迷你幾靚 .

饀是和牛粒但好少 , 皮微脆好食 .

白切東山羊 $ 129 

羊肉爽口沒有羶味 .

滷水鵝肝 $ 129 

我們沒有吃 , 看他們好像吃得好好味 .

滷水鵝件 $ 89 

鵝肉幾嫩滑 , 滷水汁味道不錯 .

潮汕炸乳鴿 4 隻 $ 196 

我對乳鴿興趣不大 , 所以衹叫了 4 隻 , 

我袛吃兩口相公的乳鴿 , 

味道真不錯肉嫩滑有汁好味 , 皮炸得好脆 .

紫菜炒飯 $ 89 

我本來想著這個炒飯衹有紫菜或少許蛋 , 

原來食材好豐富又炒得爽口唔油膩好味 .

食材除了微脆紫菜還有切得幼細的 : 

蝦粒 菇粒 蛋 紅蘿蔔粒 帶子粒 .

" 星公館 " 滋味共享餐

到 " 星公館 " 吃晚飯 , 今次吃滋味共享餐 $ 288 

主要是蒸蝴蝶斑另加一款乳鴿或海南雞 , 

昨晚外食已吃過雞 , 今次揀乳鴿 .

蒜香脆皮乳鴿( 二隻 )

送來熱辣辣燙手 , 

醃得夠味皮薄沒有脂肪好脆 , 做得好好 .

姬松茸海參豆腐煲 $ 148

送來仍在滾著 , 豆腐好滑味道唔錯 .

鮮蟲花百合蝴蝶斑 ( 1斤二兩 )

蒸的時間控制得剛好 , 魚幾新鮮好滑 .

白飯 $ 15 

茶位 $ 15

相公至愛乳鴿吃個不亦樂乎, 

我對乳鴿興趣不大 , 

所以乳鴿二隻太多了 , 食唔哂要打包回家 .

" 德馨盛宴 "迷你海鮮套餐

前排 " 彩逸皇宮 " 貼通告內部裝修已一段日子 , 

現在重開我們急不及待前去吃晚飯 , 

內部佈置依然跟以前一樣 , 

衹是招牌改了 " 德馨盛宴 " 

我們點了迷利精選海鮮套餐$ 298 ( 有4款食品 ) 

侍應員跟我們說現在有特別優惠 , 

$ 1 半隻雞叫我們試試 . 

茶位 $ 12

籠仔蒸生蝦 12隻 

蝦好新鮮蒸得剛好 , 爽口鮮甜 .

迷你炒翡翠炒龍躉球 ( 5件 ) 

魚比較大皮好厚肉稍嚡 , 味淡要蘸蠔油 .

清蒸龍躉頭腩  

魚件肉好少多骨 

用紅棗蒸墊底有粉絲和小金菇菜 , 

味都係好淡 .

脆皮鹽焗雞 半隻 $ 1 

皮唔脆肉質較硬 , 但醃得好入味 .

白飯 $ 14 

金牌叉燒拼腩仔( 小食 ) 

叉燒好瘦好夠味 

燒腩仔味道唔錯 , 皮幾脆燒得過火燶燶地 .

萍果素湯

滋潤萍果素湯 

放多點合桃 , 百合 , 腰果 , 蓮子 , 

蜜棗 , 無花果一齊煲腍 , 

當飯後甜湯 

素鵝味清淡用少許蠔油蒸軟 

醬油雞翼 

燒肉煮西蘭花 

 

眉豆花生豬展節瓜湯

天氣愈來愈熱餸菜大都以瓜為主 , 

今天煲節瓜有湯又可諗少一味餸 .

清炒唐生菜 

豉汁黃花魚蒸豆腐 

豆腐清淡而黃花魚是雪的去骨黃花魚 , 

用豆豉蒸比較惹味 .

眉豆花生豬展陳皮節瓜湯 

節瓜味清甜加些瑤柱提味 .

" 亞樂 " 砂鍋雲吞雞

唔想煮飯又去 " 亞樂 " 快餐食二人套餐  

砂鍋雲吞雞 $ 140 

有蒸倉魚和一碟叉燒 

兩碗白飯 .

家常菜

無什麼煮意求其清清地又一餐 .

雙菇蕃茄煮豆腐 

醬油雞翼 

灼菜心  

豬手豆干芥蘭頭

在超市買了熟黑椒豬手 , 

看樣子比較爽口用來煮芥蘭頭 .

黑椒豬手豆干杏鮑菇煮芥蘭頭 

煎雞扒

清炒油麥菜

＂星公館＂下午茶

去過好幾間酒樓飲下午茶以" 星公館 " 茶錢最平 $ 5 

但生意都是普普通通 , 

可能位置較偏和衹招待自己屋苑住客 . 

每次我們到這裡飲下午茶 , 

都會叫一個下午茶組合$ 38.8 ( 抵食之選 )

雙蒽乾炒牛肉河 $ 68 

夠鑊氣炒得好香 , 

牛肉份量很多炒得點未熟透 , 

有些人覺得這才肉滑 , 

但我倆食唔慣所以要扣分 .

下午茶組合鮮元貝花燒賣 

下午茶組合鮮鮑汁鮮竹卷 

 生煎京式菜肉包 $ 23 

包底微黃幾香口微脆 , 唔錯 !

家常餸

夏天來臨俗稱雷公鑿涼瓜開始有售 , 

而且價錢唔貴買兩個煮豬梅扒 .

清炒椰菜 

比目魚蒸豆腐 ,

豉汁豬梅扒炆涼瓜 
 

柚子蜜骨

超市愈來愈多水耕蔬菜擺賣 , 

今次買了水耕小棠菜 .

雞肉粉絲煮椰菜 

雞肉是泰國雪雞扒 , 

每件雞扒裁得整整齊齊沒有筋 , 

切成厚件加調味便可用來炒菜好方便 

清炒水耕小棠菜 

樣子較土耕小棠菜瘦長 , 

菜好爽口菜味較啖 , 唔太啱口味 .

柚子蜜骨

雪豬肋骨肉質腍 , 炆的時間較短 ( 丹麥出產 )

元朗形點 " 北京樓 "

元朗形點一期商場 ,

假期大部份食肆都算幾旺 , 

由其是日韓食肆更加多人在門外等候 , 

反而粵式酒樓較清靜得多了 , 

今次我們到 " 北京樓 " 吃麵點 . 茶位 $ 16

窩貼 $ 75

窩貼好大隻底部微脆 , 肉汁豐富有肉味 , 

砂鍋花膠雲吞雞 $ 268 

侍應員送來兩碗雲吞雞湯 , 及後才把砂鍋送來 .

剩餘的食材和湯也不少 , 

食哂這煲雲吞雞已經差不多飽了 ,

雲吞 8 隻 花膠 4 件 雞件大概 6件

還有些小棠菜 , 湯味濃郁雲吞肉饀幾有肉味 .

北京炒拉麵 $ 120 

麵炒得夠鑊氣 , 熱辣辣好味 , 

拉麵幾新鮮唔多油顏色唔會太深色 , 

肉絲極幼細又少得很 , 配菜衹有韭黃 . 

食哂整煲砂窩雲吞雞已足夠 , 

這碟麵衹吃了少許 , 其餘要打包回家 .

 

元朗大會堂慈善表演

今日週末到元朗大會堂看慈善表演 , 

下午一點鐘開始至五點 .

各嘉賓不分男女老幼出錢出力表演 , 

其中大部份嘉賓都是元朗區議員 ,

節目一個接一個好快就消磨整個下午 .

節目開始藝員杜大偉任司儀

台邊擺放捐款箱 , 

觀眾想支持自己愛聽歌曲或其他表演 , 

可以把捐款放到錢箱裡 ,

大家都幾踴躍捐錢 , 箱好快滿要換另外一個 .

觀眾正在把善款入落錢箱中 , 

小女孩出來竟然唱昭君出塞 , 

歌詞太長要看著手機跟住唱 .

更年幼的男孩剛上台有點怕羞地唱兒歌 , 

唱幾段就開始有表情 , 觀眾跟著他打拍子 , 好可愛 ! 

最後司儀杜大偉為大家一曲獅子山下 , 

結束整個慈善表演 .

全部表演嘉賓上台影大合照 , 

人數太多唔想把人影得太細 , 袛影了部份嘉賓 .