快餐外賣燒 BB 鴨

食肆競爭愈來愈大 , 

連快餐店也經常推出抵食餸菜 , 

前幾天吃過 " 亞樂快餐 " 外賣兩餸 , 

今回" 亞樂快餐 " 又推出燒 BB鴨 ( 免斬 ) $ 59

下午3:00 開賣 , 買一隻回家試試 , 

返回家中打開仍熱的 , 聞到陣陣好香的燒鴨味 , 

趁熱吃了燒鴨腿 , 肉嫩多汁好味道 . 

覺得味道比燒臘專門店還要好 , 

剪開鴨肚裡面有薑 , 蔥和八角 , 

怪不得味道跟燒臘店不同了 ! 

油甘魚鮫煮豆腐 

豬展節瓜湯

食材除了節瓜還有 : 

淮山 , 蓮子 , 花生 , 無花果 , 蜜棗和豬展 .

燒鴨雖然是BB但個子也不算細 , 

下午吃了兩隻腿 , 剪開鴨身仍有一大碟 , 

吃不完剩餘的留明天食 , 

一鴨可分兩餐真抵食 ! 

一盒有三種有機菇 , 

其中有白磨菇 , 啡磨菇和大啡菇用蒜蓉炒 , 

立刻出很多水而且全都變深啡色又縮水難看得很 , 

用蠔油混一下立刻盛起 .

 

" 名點屋 " 金牌酥皮叉燒包

點心專門店愈開愈多 , 

所謂點心專門店其實衹是比酒樓細許多的店 , 

食物水準大都良莠不齊 , 

而價錢有好多店跟大酒樓差不多 , 

今次我們又到屯門 " 名點屋 " 食晚飯 , 

以前已幫襯過 , 並不是這裡食物特別好吃 , 

而是食肆太多有點選擇困難 , 

是旦入去食飯罷了 . 

茶位 $ 11沒有加一服務費 .

今次叫的三款點心以前沒有食過 .

金牌酥皮叉燒包 $ 34 

我發覺近來好多食肆都有呢款包 , 

而且每間都話金牌必食的 . 

既然金牌必食當然要食囉 , 

包的重量比其他店重又大好多 , 

饀內叉燒幾瘦 , 沒有黑點味道唔錯汁好多 , 

表面酥皮太薄微酥熱辣辣 .

北菇棉花雞 $ 36 

雞件有4件爽口沒有雞味 , 棉花好鹹又好油 .

蒜汁蒸排骨 $ 33 

三樣點心最差呢款 , 

排骨好肥骨多大概6粒 , 落味太重手 .

豉汁蒸黃立倉 + 上湯蒜子浸菜心 + 白飯 = $ 108 套餐

魚算新鮮用豉汁蒸幾惹味 .

菜心較腍 , 菜和湯完全沒有味 .

蒸釀豆腐

掛風球了 ! 今次風名稱 ( 蝴蝶 ) 

我覺得以前風名是乜乜小姐聽來順耳 , 可能聽慣咗 ! 

以前掛風球超市總是許多人 , 但今次靜得很 , 

自從經濟淡靜食肆紛紛推出優惠餸菜 , 

有些跟自煮價錢差不多 . 我有時都情願出外食, 

但外食較油膩食得多又想自煮了 ! 

冇咩煮意求其買些方便食材 , 

燒肉和叉燒炒甜椒洋蔥

椰菜炒蛋

蒸釀豆腐
 

" 潮潮居 " 羅漢齋炒麵

又去 " 潮潮居 " 飲茶 

叫了三款點心送一款 

另外叫一碟羅漢齋炒麵 茶位 $ 13

香茜牛肉腸 $ 26

羅漢齋炒麵 $ 88 

麵微微炸過幾脆口 , 

採用新鮮菇大概有 6 至 7 種 , 

其他食材都好豐富 , 滿滿一大碟夠鑊氣 , 

唔油膩味道真不錯 .

流沙包 $ 26

四寶雞扎 $ 26

蟹籽蒸燒賣 ( 0 )

快餐兩餸外賣

兩餸外賣飯店開到成行成市 , 總有一間在附近 , 

現在連 " 亞樂 " 快餐也加入行列中 , 

 " 亞樂快餐 " 現在有外賣小菜 ( 1·2·3餸自由選 ) 

 一餸 $ 35 二餸 $ 45 三餸 $ 63 

我今日試二餸 , 我不知餸菜水準如何 , 所以都自煮兩餸 .

竹蔗紅甘笋水 

超市有刨乾淨的竹蔗還附有茅根 , 

但我怕茅根太寒涼棄掉改用紅蘿蔔 , 

但買唔到改用紅甘笋 , 味道清甜當水飲都唔錯 .

在快餐買的兩餸有 : 泰醬豬扒 和 梅菜咸蛋蒸肉餅 

泰醬豬扒好瘦但肉質唔嚡味道唔錯 

另外的梅菜咸蛋蒸肉餅

味道調配得幾好 , 我們要求唔高值得再買 .

自家蒸豉汁蒸排骨 

雙菇蕃茄炒蛋 .

" 海港海鮮酒家 " 金牌燒鵝

好快又是我們好友每月聚會 , 

今次都係去 " 海港海鮮酒家＂食全包宴 , 

好抵食人均 $ 170 

這裡主打的燒鵝 , 鵝肉多汁嫩滑皮脆 .

冬瓜盅一圍12人有兩大盅 

冬瓜盅

天氣炎熱飲這湯真不錯 , 

食材有蝦帶子蟹柳和其他配料 , 湯好好味 . 

蝦球帶子炒西蘭花 

蝦球爽甜新鮮

雜菌海參菜遠 

海參爽口配雜菌好味 .

炸蟹鉗

龍躉球炒西芹 , 魚好新鮮好味 .

叉燒炒飯

我沒有食冇留意有咩食材 , 

但看見每粒飯炒得金黃乾身唔油膩 , 

份量好多要個別朋友帶走 , 

陳皮雲耳金菇菜蒸龍躉頭腩 

魚肉好滑又新鮮 .

紅豆沙

夀包饀分別是蓮蓉和奶黃 

袪濕茶

天氣濕又熱 , 

早前買了袪濕茶正好今天煲來飲 , 

現在好多店都有預先包裝的煲湯料或茶飲料 , 

包裝還寫上功效和材料名稱 , 

非常方便 , 預早買定隨時有得煲 .

袪濕茶 

看包裝樣子像是四人份量 , 可以分兩次煲 ,

炸菜銀魚乾蒸豬肉 

蠔油杏鮑菇

" 星公館 " 竹笙南乳粗齋煲

天氣酷熱好似有風暴正形成中 , 

可能我住在新界高樓較少 , 所以在街上行走 , 

太陽曬在背上熱得有點兒刺痛 , 

買了餸菜也不想煮飯 , 到會所的 " 星公館 " 吃晚飯 .

今次都係叫滋味共享組合 : $ 288 

鮮蟲花百合蝴蝶斑 & 紅蔥頭鮮沙薑文昌雞 ( 半隻 ) 

還另叫一個優惠餸 : 

竹笙南乳粗齋煲 $ 98

白飯 $ 15

茶位 $ 15

紅蔥頭鮮沙薑文昌雞 ( 半隻 )

雞皮好薄好爽口沒有脂肪 , 

雞肉好似走地雞有咬口 , 但雞味欠奉

鮮蟲花百合蝴蝶斑

魚好新鮮蒸得剛 , 好味 ! 

竹笙南乳粗齋煲 

優惠餸有12款可供選擇 , 

我們要齋煲味道唔錯但較油膩 

( 普遍食肆的齋菜都多油 ) 

南乳好惹味 , 食材都是新鮮的菇類 , 

還有茄子和大量粉絲墊底 , 

粉絲份量好多又吸油 , 所以食唔哂都不帶回家 , 

 

木瓜豆豆素湯

天氣熱晚餐餸菜大都以快捷為主 .

木瓜豆豆素湯 

家中有許多什豆 , 每樣都放一點點 , 

花生 , 蓮子 , 合桃 , 眉豆和百合等 , 

湯味清甜可當飯後甜湯 .

炸菜蒸雞 

雞是整理過沒有脂肪的雪雞扒 , 

雖然是雪雞但味道也不錯 .

冬菇片炒青豆角 

冬菇切片預先醃好蒸熟才炒青豆角 . 

" 添好運點心專門店 " 酥皮金牌叉燒包

 天氣炎熱商場是我們的好去處 , 

今日到沙田新城市廣場逛逛 , 

可能這裡貼近火車站國內遊客比較多 , 

 大堂擺放著一些卡通公仔給遊客們打咭 , 

商場裡的店比比皆是大連鎖店 , 

行行下無意中看見" 添好運 " 點心專門店 , 

立即想起好多年前曾幫襯過位於深水埗的店 , 

當年曾是米芝蓮推介的 , 

所以店前排著長長的隊 , 我們也在其中 , 

印象中這裡點心做得不錯 , 今回偶遇當然要試試 .

........................................

" 添好運 " 點心專門店 ,

時間大概六點多鐘 , 店內佈置好簡樸 , 

座位少過一半有客 , 茶位 $ 8 

飲茶著重水滾茶靚 , 可惜茶微熱相公話茶味好淡 , 

而我飲白開水同樣係微熱 , 好唔想飲 .

這裡要用 QR Code 點餐 , 

但我們唔想用 ( 擔心點錯食物 ) 

請侍應員幫忙 , 點了 5 款食物 , 

衹有一款我們覺得是可以 , 其餘的 ............ 

落單 5分鐘就送咗 4 款食物過來 , 效率非常高 ,

枱好細一次過放四樣食物有點擠了 , 

脆皮炸斑蘭炸鮮奶 $ 40 

脆皮真係好脆 , 其中一件脆到自己散開 , 

微熱唔太甜鮮奶較稀完全沒有斑蘭的味道 , 

我諗係綠色素 .

酥皮焗叉燒包 $ 35 

這個包寫著是該店的金牌必食 , 

送來熱辣辣表面幾脆 , 

叉燒都幾靚但味道較重手 . 水準一般 . 

杏汁大白菜燉豬肺湯 $ 49 

送來我立刻嘗一口 , 

湯味淡如開水微溫衹有少許杏仁味 , 

其他咩味都沒有 , 

食材有好嚡細細粒豬肉和豬肺 , 

還有一小片腍得利害的小白菜 , 伏了 ! 

土魷馬蹄肉餅飯 $ 42 

盅飯算熱的 , 土魷唔香和馬蹄刴得極其幼細 , 

所以食唔出有呢兩樣食材 , 

肉餅混水較多好削冇肉味 .

5 分鐘就送4 樣食物來 , 

唔知食邊樣先 , 都係先食炸物好些 .

開始等最後的腸粉 , 等了十幾分鐘送來錯的紅米腸 ,

傳菜員話係我地自己點錯 , 

好彩係佢地自家人用 QR Code 落單的 .

再重新入單等咗十幾分鐘才送來 , 

 免治牛肉腸 $ 34

我以為新做腸粉一定係熱的 ,

希望愈大失望大 , 竟然係和暖皮較厚 , 

碎牛都係混水較多幾滑但沒有牛肉味 . 

總括來講所有點心以這個價錢較嘛嘛 ,

埋單才知這店沒有加一服務費 . 

" 彩薈軒 "蜜梅柚子京燒骨

我和相公都鍾意到海之戀商場遊逛 , 

乘坐西鐵好方便而且食肆又多 , 

間中還會買現做沒有加糖特濃豆漿飲 , 

今次晚餐到 " 彩薈軒 "食晚飯 , 

這裡食物唔錯而且價錢唔貴 , 都幾旺場 .

今天非假日未到 7 : 30 竟然全場滿座好熱鬧 !  

蜜梅柚子京燒骨 $ 118 

炸過的排骨肉唔嚡 ,

再混少許微鹹酸話梅肉和柚子蜜好惹味 .

白飯 $ 17

茶位 $ 17

豉汁帶子蒸豆腐 $ 118 

帶子應該是雪的 , 沒有鮮甜味 , 

豆腐好滑味道調較得唔錯 .

清蒸龍躉斑 ( 1斤2兩 ) $ 88 

蒸魚時間剛好幾滑有魚味 .

原個椰皇燉燕窩 $ 52

飯後甜品唔太甜蛋白和嫩嫩椰子肉一齊食, 好美味 ! 

 少量燕窩微爽口 .