" 靠得住 " 粥品店

到葵興有點事要辦 , 

完成之後到附近商場看看 , 沒有特別的商店觀看 , 

轉到荃灣如心廣場逛逛 ,

 現在好多商場的店鋪大都是連鎖店 , 

沒有地方想去 , 晚飯尚早 , 

回家到附近商場吃晚飯又太夜 , 

別無選擇求其到 " 靠得住 " 粥品店食粥麵 . 

店鋪唔大座位之間較近 , 隨時都聽到其他客人談話 . 

現在好多食肆為減少人手 , 

很多本該侍應做的事都轉給客人 . 

通常小店沒有收加一服務費都算合理的 , 

根本沒有什麼服務給食客可言  , 

呢間店竟然要收加一服務費 , 有點兒奇怪有咩服務呢 ? 

哦 ... 收銀處特別安裝自助收銀機 , 當我們研究如何操作 ,

有位亞姐立刻過來教我地用 , 

用餐時又唔見其他侍應亞姐咁迅速 .

鮮味去骨鹹雞粥 $ 68 送來, 

我順便請侍應亞姐給我一個碗 , 

亞姐眼尾都沒有喵我一下就行開 , 

喔究竟佢聽唔聽到我的要求呢 ? 

我用眼晴一直跟住佢行 , 亞姐無意識地直行好幾張枱 , 

才轉彎去擺碗架攞碗 , 跟住好機械化把碗放下 , 

眼晴一直沒有跟我交流有點似機械人 .

粥裡的食材 : 

雞皮有三大件肉就少得可憐 , 一點鹹雞味道都沒有 , 

糊糊的粥花生都冇一粒 , 雞皮肥笠笠 .

配鮮炸油條 $ 16 

表面看油條好硬脆 , 脆到廚房預先剪時烈開 , 

口感似炸脆條全無味道 .

豬軟骨撈麵 $ 58 , 

麵好幼較腍吸咗豬軟骨汁已夠鹹不用加湯 , 

豬軟骨炆得腍好夠味 . 

配混醬腸粉 $ 12 

腸粉類似街市貨式 , 

預先用疑似李X記醬混好送來 , 太多醬好濃味 ! 

鮮磨腰果露 $ 12 

聽到後面座位的男女叫腰果露 , 

我地又叫一碗試試 , 碗好淺唔太甜沒有腰果味 , 

衹有中間一粒硬脆的腰果有味 .

 

活化中環街市晚餐

重陽節星期五連周末和周日連續放假三天 , 

市面比平時多許多人行街 , 

我和相公到中環乘行人電梯上半山當作登高 .

本想入內參觀 ( 前身監獄 ) 

現在供市民參觀的建築物 , 太熱鬧留下次才參觀 .

遊客也到這裡行逛 , 行得疲倦索性坐在石階休息 .

大家都利用半山自動梯登山 , 

我和相公到逹堅島便轉向橫街看看 , 

有我愛看的健康食品店 , 

買少量食物便向下回到中環鬧市 , 

途中看到很多不同形式和國家的食肆 , 

但唔太啱我們口味 , 都係返回活化中環街市搵食好了 .

餅店現場即做出爐 , 門前擺枱讓人客即買即食 .

另外一間餅店的萬聖節佈置

中環街市入口處地上的標誌 , 

除了以往好多小店仍在營業 , 

亦有很多不同形式的小店進駐 . 太多沒有影下來 .

鎖匙扣

模擬賣魚檔 , 藍筒裡的魚幾可亂真 .

食肆多得很 , 我們也在這裡搵到啱食的晚餐 .

除了室內很多食肆 , 

室外露天也有各式各樣的食肆 .

每次相公都係鍾意食雞和豬手 , 今次也不例外 .

海南雞飯配蟲草花雞湯和油飯$ 82

亞答慢煮豬手飯配蟲草花湯 $ 80 

豬手大部份都係肥油 , 肉少好" 柴" , 皮好韌咬唔開 .

另外買一客 泰式古法炸鮮奶三件 $ 38 

非常熱唔太甜 , 奶味唔錯好吃 .

健康食品店買咗巴西苺粉 $ 198 , 

店員推介給我們話好多客都買 , 

對美容 , 眼睛和頭髮有唔錯效果 .

我最愛吃馬莎杏仁餅和芝士鬆餅 $ 45.

半山呢間馬莎也有少量蔬果和豆擺賣 , 

紫色細細個洋蔥 $ 39 , 好似幾新鮮買一袋有 11 個

 黑眉豆 $ 29很久沒有見了又買一包 

洋蔥鹽 $ 36 ( 其實唔知有何用途 )

 

" 海港酒家 " 蝴蝶龍躉斑大優惠

找地方吃晚飯 , 

行過" 海港酒家 " 門口被海報吸引著 , 

細看下10月1日至15日 , 推介特別優惠 , 

清蒸蝴蝶龍躉斑 $ 11 真的嗎 ? 

內文還說明 2位至4位魚1斤 , 太扺了 ! 

清蒸蝴蝶龍躉斑 $ 11 

魚送來熱辣辣好新鮮 , 肉質都幾滑有魚味 "讚 "

花膠珍菌千層腐皮 $ 108

 花膠份量很多爽爽地有海產味 , 

除了腐皮還有雲耳和幾款菇 , 味道算唔錯但好油膩 .

花膠螺頭爵士湯 $ 48 位 

看盛器唔大 , 原來盛著很多食材 , 

木瓜 , 雞 , 鮮淮山 , 螺頭 , 瑤柱 , 

金腿和瘦肉( 好有肉味又腍滑 )

湯味濃郁好味 , 飲完湯唔覺得口渴 .

白飯 $ 13位 茶位 $ 13 

 

" 名點屋 " 晚飯

閒來無事近近地到屯門遊逛 ,

以往每次到這裡總是遊人熙來攘往 , 但現在冷清得多 , 

有些飯店都結業了 , 但有新飯店開張 ,

新開張 " 堅信號 " 生意也不錯要等位 , 下次提早來幫襯 , 

今次又到 " 名點屋 " 點心專門店吃晚飯( 相公愛飲茶 ) 

這裡食物水準一般 , 

點心比正式酒樓還要貴 , 茶位 $ 11 但沒有收一服務費 .

我們叫了三款點心和一客套餐 : 

豉汁蒸黃立倉 , 白飯一碗還有一碟菜心 .

豉汁蒸黃立倉套餐 : 配上湯蒜子浸菜心和白飯一碗

薑汁雞包仔 $ 30 

肉饀很少 ( 豬肉係切肉 )

瑤柱蘿蔔糕 $ 34 

蘿蔔切成粗條有口感味道也過得去 .

陳皮牛肉腸 $ 34

吃不出陳皮味但有馬蹄粒 , 腸粉算滑牛肉味很淡 .

店內冷清得很 , 所有點心已全部到齊 , 

唯獨蒸魚和白飯遲遲未到 ,

等咗差不多半小時追問侍應員後 , 再等好幾分鐘才送來 , 

豉汁蒸黃立倉魚 , 好新鮮好滑味道也不錯 .

吃完飯到平台散步( 國慶佈置 ) 

 

" 潮潮居 " 飲茶

 "潮潮居 " 茶位 $ 13 點心一律 $ 26

避風塘蘿蔔糕

好奇怪的配搭 , 糕面鋪滿炸蒜碎幾香 , 

但跟蘿蔔糕好似唔多夾 , 

我們把炸蒜碎撥走衹吃蘿蔔糕 , 味道尚可.

京川汁抄手

醬汁配得唔錯 , 唔太辣 .

鮮蝦腐皮卷

蝦大大隻好鮮味 , 剛炸出來外皮很脆 .

香滑流沙包 

饀唔太甜好味但沒有流沙 

蟹籽蒸燒賣

蟹籽蒸燒賣跟以往一樣水準不錯 .