豉汁排骨蒸陳村粉

午餐食了從酒家打包回來的荷葉飯 , 

份量好多超飽 , 

晚餐唔想再煮飯 , 蒸陳村粉罷了 ! 

五色雲豆花生粥 

灼菜心 

炆冬菇 

豉汁排骨蒸陳村粉

第一次買陳村粉 , 店員問要幾多 , 

我立時間唔知如何回應 , 

以前衹在食肆食過 , 份量少少的 , 

現在買嘢買得少賣者唔高興的 , 所以順口一斤喇 ,

 嘩 ....... 原來好多喎 .

除了豆鼓還加些蒜茸豆板醬味道唔錯

 ( 豆板醬是深圳麥奀記麵店出品 , 少少辣幾香蒜味 )

果真食唔哂 , 陳村粉蒸過好腍唔可以留 , 衹好倒掉 .

 

元朗 " 明星海鮮酒家 " 晚飯

佛誕假期沒有節目 , 近近地去元朗逛逛 , 

以往我們大都到較新Yoho Mall 流連 , 

今次行元朗舊區看看 , 

街上行走的人川流不息 , 太熱鬧了 ! 

區內愈來愈多零食店 , 開到成行成市 , 

好容易就買了許多零食 . 

今天是假期提早揾地方吃晚飯 , 

位於舊式樓房二樓的 " 明星海鮮酒家 " 

望向上好似幾清靜 , 上去試試 ! 

哎呀升降機壞了要徒步上去 , 

本來二樓理應不會太高 , 

但這種舊式樓房樓底高 , 

樓梯窄又轉好幾次才到達二樓 , 

每個樓梯轉角都放一張椅 , 方便客人行得疲累抖下 , 

期間真係有客人覺得辛苦坐在椅上休息 , 終於到了 ! 

時間尚早好淡靜 . 

送來假期特定餸菜單張 , 餸菜選揀較少 .

晚茶芥位 $ 17 外賣盒加膠袋 $ 3

牛尾煲  $ 138 

看似滿滿的餸 , 

底層全都是煮唔透的椰菜好硬難食 , 

數件有肉的牛尾炆得口感唔錯 , 

其他都是近尾尖冇肉的 , 

整煲餸酸酸辣辣甜味道幾奇特 , 但唔難食 .

但紅蘿蔔炆得好腍吸哂汁, 味好酸唔好食 .

三鮮燴海參 $ 168  

滿滿餸菜下面全是生菜 , 

開邊海參4件炆唔腍 

三鮮分別是 : 

鮮魷唔太新鮮冇味 

去骨白鳳爪爽口冇味 

鵝掌4件腍度適中有啃口 , 味道過得去 .

脆皮乳鴿 $ 48 

皮唔脆肉質嫩滑有肉汁味道唔錯 .

鮮蝦荷葉飯 $ 138 

好大的蒸籠盛著一大包荷葉飯 , 4 至 5 人都夠食 , 

飯好似混了糯米好黐口味道唔錯 ,

 配料有 : 火腿粒 , 雞肉粒 , 臘腸粒還幾種菇粒 , 

蝦仔大概10隻 . 我們好努力才吃了1/4 , 

其他要打包回家 .

專為今個 5 月份而設的假日菜單 , 

包括 5 月 3 , 4 , 5 日及 10 , 11日
 

夾公仔店試業

星期日沒有地方去 , 

先到 " 逸逸居 " 飲下午茶 , 再逛商場 .

星期六日和假期仍有食三籠送一籠優惠 , 

但每款加 $ 2 而入座改成 2 : 00 開始 茶位 $ 13 

魚肚雲吞雞 $ 22

瑤柱珍菌乾燒伊麵 $ 41

流沙包 $ 22

香芋鴨腳扎 $ 22

蟲草花素粉果 ( 送 )

.............................................................

飲完茶逛商場 , 

有夾公仔新店試業 , 

新店佔地也不少裡面擠滿人 , 

我們入去八一八 .

喔...... 原來現在夾公仔差不多是過去式 . 

夾嘢機內的品種咩都有 , 

除了少量公仔機 , 

其他機大部份都是 : 

不同種類的零食 , 麵食 , 一次性洗面巾 , 紙巾等等 .

覺得有點似便利店 .

見到好多一家大細齊來夾貨品 , 大都有收穫 .

還有放得極低的夾細公仔機 , 

應該係專為小朋友而設的 .

青紅椒牛肉磨菇炒烏冬

簡簡單單煲粥炒烏冬做晚餐 .

三文魚青口粥 

灼菜心 

青紅椒牛肉磨菇炒烏冬 
 

" 稻神食堂 " 下午茶餐

我們鍾情 " 稻神食堂 " 的檸檬薏米水 , 

我曾試過煲但怪怪地唔好飲 , 

所以久不久來這裡飲番杯 .

還有牛腩菜飯也不錯 .

豆筍牛腩上海菜飯 $ 54

豬軟骨清湯米粉 $ 52

韭菜薄跪 $ 15

餐飲轉熱檸檬水每杯加 $ 5 
 

" 名點屋 " 煲仔飯 + 睇歌唱表演

五一勞動節到屯門市廣場食晚飯 , 

再到屯門大會堂睇歌唱表演 , 

商場人流好熱鬧 , 食肆都算幾旺 , 

我們到 " 名點屋 " 食煲仔飯 , 

以前也曾食過這裡的出品算過得去 , 

可是今次稍為水準差少少 .

茶位 $ 14

冇加一服務費 .

蒜蓉蝦春卷 $ 48 

春卷皮好厚 , 炸得好熱脆 , 饀的蝦算幾鮮味 .

陳皮牛肉腸 $ 35 

食唔到陳皮味 , 

牛肉混水多沒有肉味 , 腸粉算滑 .

薑汁雞包仔 $ 33 

饀蝦多肉好少 , 覺得蝦包仔較貼切 .

章魚肉餅煲仔飯 $ 69 

厚厚的肉餅鋪滿飯面 , 太多肉沒有肉味 . 

配料章魚唔香 , 飯底好厚冇飯味 . 

表演節目部份幾好睇 , 

整晚表演有好多張國榮和梅艷芳的歌 , 

原來好幾位表演者都是這倆位己故藝人的熱愛歌迷 , 

而且幾位曾參加唱歌比賽得過奬的 .

肉碎雞蛋蒸絹豆腐

每次見到新食材都盡量買來試 , 

日產絹豆腐未食過 , 

( 絹 ) 字心諗是滑的意思吧 ! 

一 pack 四件細細的 , 買來蒸蛋 .

蒜茸白菜心

 醬油雞腿 

肉碎雞蛋蒸豆腐 

以往會把豆腐攪爛混到肉碎和蛋裡去 , 

今次為試它的口感 , 

所以切厚片再把蛋汁和肉碎淋在豆腐上蒸 , 

蒸過的豆腐口感一般

( 沒有特滑跟港產豆腐差不多 )