"上海名居 " 抵食二人套餐

天氣好轉到荃灣愉景新城商埸逛逛 , 

晚餐到 "上海名居 " 食二人套餐 $ 280 連服務費全包 , 

但唔包茶位 $ 12 和茶錢加一服務費 .

坐下來告知侍應飲普洱 , 

立刻送來 2 包普洱茶包 , 自己沖茶飲 , 

後來發現茶錢要收加一服務費 .

但沖茶都是自己做 , 又何來服務呢 ?

黑醋排骨 

排骨好瘦較硬 , 黑醋調較得剛好 .

雞絲粉皮 

在其他食肆也曾吃過 , 但份量沒有這間那麼多 , 

濃濃芝麻醬好香 , 混到粉皮和青瓜絲中好滑好食

砂鍋雲吞雞半份 

一大鍋湯我倆喝不完 , 

食材除紹菜還有金腿好濃郁好鮮味 , 

雲吞有4個肉饀味道不錯 .

這裡服務員態度好好 , 

讓我影完砂鍋才把食材放到碟裡 , 

雞好滑有雞味 .

生煎包煎得好脆 , 

皮好薄脹唔起來 , 肉饀有鮮肉味 .

招牌炸脆奶

炸得香口熱辣辣唔太甜 , 

現在好多食肆都有做這款甜品 , 

但大都出自食品廠的預制品 , 

但這裡看樣子和口感都是自家制作 .

.................................

小朋友放暑假 , 

天氣熱家長們大都會帶小朋友逛商場 , 

好多商場都有專為小朋友而設的玩意 , 

這裡新做了小朋友賽車場 .

 

蒜茸豆豉醬蒸比目魚

炸菜肉片煮白豆角 

清炒油麥菜 

蒜茸豆豉醬蒸雪比目魚 

很怕多骨的魚 , 所以愛吃啖啖肉的比目魚 , 

但都是較腥的魚類 , 同樣要用惹味的醬料辟腥 .

 

豉醬蒸三文魚腩

肉碎豆腐蒸蛋 

海鮮菇煮椰菜 

蒜蓉豆豉醬蒸三文魚腩

雪三文魚腩有少許腥 , 

除了豆豉醬 , 薑絲外 , 

還磨些白胡椒碎辟腥又惹味 , 

魚肉好滑味道不錯 .

 

" 米籽 " 梅菜扣肉

現在食肆菜式好多都相同 , 

例如梅菜扣肉有很多茶餐廳都有 , 

今天行過 " 米籽 " 都見這個食品供應 , 

印象中我們好似從未食過 , 就入去試試 !

今次叫 2 客全日餐 .

梅菜扣肉飯 $ 58 

腩肉炆得太腍散開 , 有些砌唔到整件 , 大概4件吧 ! 

腩肉瘦少肥多炆得好腍滑味道唔錯 , 

梅菜炆時間長失去原本的味 , 吸哂腩肉的油 .

米籽招牌米線 $ 69 

原味豬骨湯好濃郁 , 

食材豐富 : 魚蛋 , 金菇 , 豬腩片 , 雞絲 , 

炸響鈴 , 生菜 , 芝士腸 , 豬肉丸 , 滑牛肉 , 素鵝卷 ,

食材多元化但味道嘛嘛 , 而且有幾款食材好油膩 . 

餐茶新鮮冷壓檸檬茶

餐茶轉汽水 $ 1
 

手撕雞

昨日買冰鮮三黃雞衹食了一半 , 

餘下另一半用鹽醃留今晚做手撕雞 .

蓮藕紅蘿蔔什豆素湯 

幾種豆有 : 

黑豆 , 紅腰豆 , 腰果 , 蓮子等 , 

加幾粒蜜棗湯味清甜 .

本菇炒學斗白菜 

手撕雞

腐乳蒸雞

以往買冰鮮雞都會選擇芝麻雞 , 

今回試買冰鮮三黃雞 , 

這種雞較芝麻雞大少許 , 可以分兩餐食 .

蘋果合桃元肉紅棗陳皮素湯  

雲耳毛豆煮沙葛 

沙葛和毛豆都幾嫩 , 

先把有殼毛豆蒸熟取出豆豆 , 

待雲耳和沙葛煮腍才放毛豆 .

 腐乳蒸雞 

三黃雞一開二 , 一半今餐用腐乳蒸 , 

另一半醃鹹明晚食 .
 

蘋果海玉竹紅蘿蔔素湯

蘋果海玉竹紅蘿蔔素湯 

還有百合紅棗和腰果 , 

唔清楚海玉竹是否寒涼特別加二片薑 , 

湯味滋潤微甜 .

燒肉煮椰菜花 

近來水果比蔬菜供應還要火熱 , 

各地水果供應不絕價錢又平 , 

食水果抵過食蔬菜 . 

蒸蓮藕茸 

感覺蓮藕磨茸有些微澀 , 

加點油爆乾葱滑滑的除去澀味 .