" 點心堂 " 下午茶

濕地小區我的飯堂 "點心堂 " 點心專門店食晏 , 

出門較遲去到已兩點多鐘 , 

揀好點心招手請侍應姐姐過來下單 , 

侍應姐姐跟我們說 : 

仲有十分鐘兩點半有下午茶優惠了 , 

你們等多一會才叫吧 ! 

還把早上茶市優惠點心紙給我們 . 

這點心專門店以前沒有分時段 , 

現在都跟風做早和下午茶相同優惠 , 生意難做啊 ! 

茶錢衹是每位 $ 8 

所有點心 $ 38 兩款 , 其餘籠仔飯每款 $ 38

計起來比其他茶樓平好多 . 

鴛鴦燒賣第一次食 , 

兩個饀是豬肉 , 冬菇和蝦 ,

另外兩個除豬肉還有竽頭蓉和蝦 , 

兩款饀料鮮甜好味 .

山竹牛肉球有牛肉味加上喼汁更加好味 .

籠仔雲耳滑雞飯 

味道跟以往一樣蒸飯爽口雞滑滑的 .

菜肉包味道一般

香茜牛肉腸粉好滑好味 

飲完茶到凍肉舖買牛展 , 

一包有兩條把頭尾硬的部份留來煲湯 , 

中間切薄片用黑椒蒜茸蒸 .

清炒福建花

現在茶樓很少有雞蛋豬腳薑供應 , 

就算有份量都很少 , 我們到百記超市買一份 . 

 

自家煮

 昨晚" 客館 " 食飯 , 

有些餸煮得過鹹和未煮腍的食物全帶回家 

( 本著食得唔好嘥 )

唔腍的花膠6件 , 每件一分為二 , 

花菇3大個切厚片 , 還有過鹹的沙薑雞 , 

三樣食材份量好似少啲啲嘥煤氣 , 

到百記超市買件豬腩肉 , 

把肥的部份切去唔要 , 加埋其他食材一齊炆 , 

沒有加鹽都好夠味了 . 

菇菇炒西蘭花

青豆角炒蛋 

黃大仙 " 客館 "

香港分十八區 , 

我們希望每區的商場都去看看 , 

今次到黃大仙屬於滙展的商場 , 

相公話好似近年曾裝修過 , 

這裡食肆林立人流也不少 , 

現在很多商場店鋪來去都是那幾個連鎖店 , 

行過 " 客館 " 外面佈置好有農家味道 , 

原來是客家菜的 , 入去試試 .

還有十多分鐘才到晚市開始 , 

知客話可以入座了 , 還問飲咩茶 , 

順口答普洱 , 她立刻給我一包普洱茶葉 .

裡面已有幾枱客了, 

我們被安排到排排坐的位置 , 

兩張二人枱中間 , 

夾著一個同枱高度的丁方櫃非常( 親蜜 ) 

丁方櫃上放一個水壺 , 

隔離已有兩位女仕坐著了 . 

茶錢每位 $ 13

侍應姐姐放下洗碗兜跟手把水壺按著便走開 , 

我自言自語地說咁細水壺四人飲 , 

手快有手慢冇了 , 侍應姐姐耳仔十分了得 , 

立刻說 : 唔夠水會自動侵水自動煲的 . 

哦 ... 我真大鄉里啊 ! 

這裡又係QR Code 點餐 , 

原則上堂內侍應想見都有點難度 , 除非送餐 , 

剛好隔離枱有餐送到 , 我們招手見佢幫落單 . 

這裡好像流水作業式經營 , 

看見客人碟裡食物差不多食完 , 冇問一下就急忙收碟 .

天花上掛著大大疑似土樓的佈置 , 

頂上還有兩隻雞 . 

到這裡當然想食客家餸喇 , 

但菜牌上大部份都是見慣的粤菜 , 連茶果都見唔到 , 

為有跟侍應姐姐推介 , 

晚市三重奏星期二套餐 $ 198 "   

套餐有沙薑雞半隻 , 麵根雲耳蒸斑頭腩 , 花菇扒西生菜 .

再加個花膠豆腐煲 , 伏了 ! 

沙薑雞半隻

肉較鹹沒有雞味又太熟要花時間啃 . 唔啱口味 . 

麵根雲耳蒸斑頭腩 

這碟餸剛好相反好淡 , 大部份魚都是骨 , 麵根沒有味 .

花菇扒西生菜

花菇好厚唔腍沒有菇味 , 又係好淡 .

金鳯香米砵仔飯$ 14 

飯好硬沒有飯味 . 

特價推介花膠豆腐煲 $ 128 

花膠厚厚炆唔腍 , 我懷疑廚師趕著送出來 ,

因為這裡限個半小時客人便要離開的 .

最後我們把太硬的花膠 , 冬菇 , 較鹹的雞都帶回家再煮 .

" 逸逸居 " 晚飯

" 逸逸居 " 已吃過幾次晚飯 , 

食物都算過得去 , 現在生意明顯比以前靜了許多 , 

現在很多食肆價錢相宜 , 這裡也不例外 , 

今次飯後還送甜品 , 雖然衹是普通小小的杞子桂花糕 , 

但看得出酒樓生意好難做 , 要花點心思留住客人 .

茶錢每位 $ 15

中式牛仔柳 $ 108 味道唔錯稍過熟 .

花膠豆腐煲 $ 98 味道配合得好好 , 

份量也不少 , 相公的至愛豆腐滑滑的 . 

太極鴛鴦飯 $ 148 

其貌不揚有點醜 , 但很好吃配料好多 , 

橙色部份雞絲和菇 , 另外嗰邊有大蝦球和翠玉瓜 , 

飯量又多 , 牛仔柳要打包回家了 .

杞子桂花糕唔太甜

兩件其中一件我吃了一半才記得影下來 .
 

嘉湖海逸酒店晚餐

昨晚到嘉湖海逸酒店 , 

吃名為 " 最愛星期五 ! 晚市套餐 " 

有八款主菜可供選擇 , 

其中包括 : 雜菜沙律 , 南瓜忌廉湯 , 

一品拼盤及無限添飲紅茶及即磨咖啡 

( 但要到自助飲品吧 ) 晚餐時間 18 : 00 - 20: 30 

差不多六點我們便入座 , 當時一枱客都沒有 .

後來陸續有客入座 , 但都非常冷清清 . 

沙律蔬菜幾新鮮

南瓜忌廉湯味道唔錯 .

美式燒焗豬仔肋排配意粉 $ 158 ( 或薯夾 ) 

豬仔肋排焗得較乾配上微甜的醬很好吃 .

意式燴羊膝$ 228 配白飯 

羊膝肉質好腍滑沒有羊羶味 , 醬汁蒜茸蕃茄醬好味 .

一品拼盤

意大利芝士蛋糕 

我最鍾意這款蛋糕可惜太細件了 .

海鹽焦糖牛乳卷 

蛋糕顏色太鮮艷感覺嘛嘛 .

士多啤梨奶凍 

鮮士多啤梨粒和奶凍一起吃很夾唔錯 .
 

什糧

天色麻麻隨時落雨 , 冰箱有一盒多春魚 , 

還有日前在日式超市買的烏冬 , 

再到百記超市買冰鮮芝麻雞醃鹹雞腿 , 

雞身留來煲湯 . 晚餐簡簡單食什糧 . 

多春魚煎香加點微辣的七味粉 . 

相公愛吃的鹹雞腿 . 

蕃茄椰菜洋蔥肉片燴烏冬

前排到食肆吃晚餐沒有飲的汽水 .

濕地 " 湯加 " 下午茶 "

又到濕地飯堂吃下午茶 , 

今次食 " 湯加 " 吃過下午茶到一田超市買餸 . 

果醋豬軟骨撈公仔麵套餐

配薯條伴多春魚 $ 45 熱飲柚子蜜 .

前排吃過這套餐覺得好好味 , 

今次再食味道同樣好味 . 

紅酒牛尾 $ 67 配三色飯 

牛尾炆得腍滑混上紅酒香味十足 , 

這個不是下午茶餐沒有飲品 , 

要另加熱飲柚子蜜 $ 7

今次炸薯條和多春魚炸得太乾硬 , 

上次我們叫一份炸芝麻球份量 6 個太多了 , 

所以今次衹加配 $ 9 芝麻球二個 , 

外皮炸得稍為過火 .

熱柚子蜜 .

到濕地食晏順道行幾步入一田超市逛逛 ,

( 這超市細細間餸菜款式比較少 )

我要求不高所以都鍾意入去買餸 .

清蒸黃花魚都算幾新鮮 .

木瓜腰果紅棗素湯

炆豬手