BBQ

今天好友攪了一個很難得的BBQ 聚會 , 我們剛好 10個人 , 

齊齊燒嘢食和吹吹水非常開心 , 轉眼幾小時便過去 .
期間也講到最近幾個月以來甚多傳媒都爭相報導 ,
明年12 月21日將會是世界末日 .
理據眾說紛紜 , 無論是否屬實 , 就要等待時間來證明了 .
有位好友話齋每年做冬至都梗係12 月22日的 ,
哈哈 , 我們個個齊聲都話幾大都提早啲食冬至飯 ,
係末日都要食飽啲才走 . 

嘉潮閣飲茶

香港真是很奇怪的地方 , 每次看到酒樓結業 , 

但不消多久又會有第二間酒樓接上繼續營業 , 

早在個多月前會所的酒樓結業了 , 

一雞死一雞鳴 , 前兩日原址又開過另外一間酒樓 , 

今日放學就順道在這裡飲茶 . 

雖然新開張但今日不是假期 , 我們都不用等位 . 

BLOG 聚 VS 朗豪坊白色聖誕

時間過真快 , 轉眼還有幾天便踏入 2013 年 , 

美國 blog 友亞 kei 剛好趕及回來過聖誕節 , 

今天我們幾位網上朋友又約咗到旺角飲茶 ,

我和相公一齊出省 , 我去應約飲茶 , 相公就去辦點事 . 

今次約會同樣有火鳯凰、EE 、kei 和我四個人 , 

年中我們已見過一次面 , 今次再見面就更加熟絡 , 

掛住傾差d 連叫嘢食都忘了 , 

哈哈 , 我們好似很久沒有見面似的 , 

傾之不盡的話題 , 飲完茶亞 kei 有事要辦先走 , 

我們三人轉移陣地到麥記再傾過 , 

火鳯凰好客氣請我地食麥噹噹 , 謝謝妳呀 ! 

一傾真係三個幾小時才依依不捨離開麥記 , 

希望不久將來我們再約出來見面再傾過 ! 

今日仲收了幾樣禮物添0架 , 多謝哂 !

新滬點罐罐麵 VS 黑松露小籠包

今日我和相公又出省到佐敦道周圍行下 , 

印象中以前聖誕節整條彌敦道都有聖誕佈置 , 

但現在完全看不見有任何聖誕佈置 , 一些氣氛都沒有 . 

行行重行行 , 最後行到這裡有嘢食 , 睇下先 . 

紙牌圖樣上的罐罐麵都幾得意 , 還有黑松露小籠包 , 

兩樣我都末食過 , 就幫襯佢喇 .

客家好棧飲茶

無所事事天氣又凍 , 無地方好去 , 到客家好棧飲茶 , 

很久沒有吃這裡的茶果 , 叫了一籠烏卒卒甜茶果 , 

體積非常迷利 , 另外其他點心也比以前細了 , 

尤其是潮州粉果 , 簡直細到好似蝦餃一樣大小 . 

烏卒卒甜茶果

平安夜舞會

每年平安夜我和相公都會出省 , 

到鬧市和蘭桂坊趁熱鬧 , 今年唔去了 , 

因為屋苑會所每年平安夜和大除夕都有舉辦舞會 , 

以往我都有去舞會睇下 , 但唔識跳舞 , 

企下冇興趣便離開 , 學了跳舞之後對舞會非常雀躍 , 

連出省趁熱鬧都唔想去 .日間都有出街行下 , 

因為這裡每年大節日 , 廣場都有節目表演 , 

但通常都係啱小朋友玩 , 衹睇下便算 , 

舞會晚上七點鐘便開始 , 我和相公提早去食晚餐 . 

十勝牛火鍋

左思右想都諗唔到買咩餸 , 

不如做無飯煮婦好了 , 

每次我唔想煮飯 , 

衹要跟相公說不如食火鍋吖 ! 

佢一定絕無異議 , 舉手讚成的 , 

哈哈 ... 萬試萬靈 ! 

今次我們到十勝牛食日式火鍋 , 

平時衹吃過他的拉麵都算唔錯 , 

今回火鍋是第一次 , 

我們叫了一個日式火鍋 , 

另外一客石鍋鰻魚飯 . 

豬骨湯底

米芝蓮屯門季季紅風味酒家晚飯

今日天氣沒有昨天那麼冷 , 

我和相公聯同62 到屯門季季紅吃晚飯 . 

無飯主婦試新嘢 ( 鹿肉餃子 )

            

今日又去元朗行街街 , 發現一間鹿肉專門店 

  鹿肉我和相公都未食過 , 

呢度所有食物都係用鹿肉煮 , 究竟係乜嘢味0既呢 ? 

都係唔好考慮咁多 , 人一世物一世都係入去試下 . 

美麗華翠享邨飯局

我們一行七人到尖沙咀美麗華商場的翠亨邨吃晚飯 , 

轉眼已好幾個月沒有見可人兒 ,

今次姪女預早一天定位 , 還預定了兩款餸

宮廷富貴雞 ( 預定 )

姬松茸翅裙燉響螺湯 ( 預定 )

頭抽白鱸魚球 

楓葉蜜餞羊仔鞍

疊影滑豆腐

美極魚露煎中蝦

魚湯浸豆苗

家鄉煎蓮藕餅 . 

四碗白飯 

叫完餸菜 , 無所事事周圍睇下 , 

這裡雖然位於尖沙咀旅遊區 , 

但裝修佈置都好一般 , 

但價錢就唔一般 .

圓山台式料理

天文台預測今日天氣好凍 , 果然好準確 , 

零晨時份街上的大樹給風吹得呼呼大作 , 

今日在家無所事事更覺寒氣逼人 , 都係到外面逛下來得舒服 , 

我們遊叮叮河到元朗逛逛 , 愈行就愈凍不如早點吃晚飯回家去 .

肇慶完結篇( 大灣麥溪魚宴 )

續 : 湖邊悠遊

我們所有團友都非常準時 11點半便交門匙咭 , 

跟住齊集在酒店大堂等上車 , 

導遊妹妹跟我們說部車又出了點問題不能開動 , 

大家聽到這個壞消息都很擔心 , 

事緣昨天部旅遊車已開始有點毛病開動唔到 , 

好彩當時距離酒店路程唔太遠 , 

所以我們成團人徒步前去酒店 .

肇慶兩天遊( 湖邊悠遊 )

續 : 遊夜市

瞓醒立刻打開厚厚的窗簾 , 

噢 ! 好嘢陽光普照 , 唔好嘥咗咁靚0既太陽 , 

雖然酒店床舖和設備都很舒適 , 但我好想再到湖邊散步 , 

趕快在旋轉餐廳食自助早餐 , 跟住到湖邊散步享受陽光 .  

肇慶兩天遊文娛表演 & 遊夜市

續 : 音樂噴泉

一聲巨響繼而發放煙花 , 

就令我和相公捨棄音樂噴泉餘下大概五分鐘的表演 , 

趕忙前去另外一個廣場 , 路程急急腳都要大概 7 - 8 分鐘 , 

我們諗住有更美麗的煙花發放 . 

喔 ! 煙花放完了 , 餘下是文娛節目 , 失望得很 .

今次活動主要是感謝一班有心人 , 十年前籌辦了慈善籌款 , 

幫助一班失學兒童 , 讓他們能夠繼續讀書 . 

廣場左右兩旁擺放著座椅 ,

我們衹能企在用繩欄著的地方看表演 . 

肇慶兩天遊欣賞音樂噴泉

續 : 遊星湖.

晚上我們到酒店 29 樓旋轉餐廳食自助晚餐 , 

時間係晚上 6 點鐘至 9 點鐘 , 我們大概 6 點鐘上到餐廳 , 

裡面已經有客人食緊嘢 , 可能佢地又係趕往廣場睇音樂噴泉 .

肇慶兩天遊 ( 遊星湖 )

續 : 三水金裝大臥佛

參觀完金裝大臥佛 , 本來跟住到今晚留宿的星湖酒店 , 

但酒店未收拾好房間 , 導遊妹妹唯有帶住我地班鴨仔 , 

前去七星岩牌樓逛下 , 導遊妹妹突然提出 , 

問我們有冇興趣自費坐船遊星湖 , 但起碼要超過8 個人才開船 , 

反正一場嚟到肇慶 , 遊湖都不失為一個好節目 , 

但有些團友就揀去行街街 , 最後都有35 人遊湖 , 

導遊妹妹話跟團遊湖費40文人仔 , 

如果自己遊湖就 50 文人仔 , 

遊湖需時半小時 .

肇慶兩天遊三水金裝大臥佛

續 : 靈芝時令蟹宴

吃完午飯返回旅遊車到三水國家公園 , 

我們到這公園最主要睇金裝大臥佛 , 

導遊介紹這尊臥佛總長度有108 米 .

肇慶兩天遊靈芝時令蟹宴

本來趁著現在天氣唔熱又唔太凍到國內遊玩 , 

很失敗上次到中山兩天遊落雨又凍 ,
跟住看到連續幾日天氣已回暖放晴 ,
我和相公諗住剛回暖照常理 , 跟住的天氣都會好暖的 ,
所以我們又參加了肇慶兩天遊 , 怎料天氣又突然驟降 ,
第一天氣溫比上次到中山更凍更大雨 , 真是人算不如天算 . 

早上我和相公都穿上厚厚的衣服到深圳灣集合 ,
雨越下越大 , 所有人都很焦急地搵自己的導遊嚟咗未 ,
相公同樣都係左騰右騰周圍搵 , 終於我們的導遊來了 ,
大家都非常高興快快前去旅遊車上 , 坐在車上舒服哂 ,
導遊是位看樣子嬌的的年輕女生 ,
她跟我們說從深圳灣到肇慶 , 車程順利的話大概三個半小時 .
我們今次的行程第一天 :
午飯 " 補氣養生靈芝時令蟹宴 "
跟住參觀三水金裝大卧佛
入住鬧市中的星湖大酒店
自由活動到附近七星岩之星湖遊湖
晚餐在酒店29 樓的旋轉餐廳自助晚餐
第二天 : 在酒店吃自助早餐 ,
午飯 " 正宗大灣麥溪魚宴 "
參觀肇慶裹蒸粽制作坊 .

大伙頭燒腩仔

今日又係茶餐廳 , 

相公甚喜愛吃這裡的燒腩仔 , 皮很脆又唔肥 . 

美心飲茶

又係到酒樓飲茶 , 跟住漫無目的周圍 hea . 

棉花雞

元朗名門讌客晚飯

天氣涼爽又係相公食指大動的時候了 , 

相公至愛除了煲仔飯和打邊爐 , 

還有羊腩煲同樣是相公的心頭好 , 

今日我們又到元朗周圍 hea , 

元朗無論任何時間 , 大街上總是人來人往 , 

今日更加利害 , 國內遊客的拉車仔終於來到這裡了 , 

看著他們拉住架車仔 , 橫衝直撞好似非常趕時間 , 

唉 ...... 算了吧 ! 包容喇 ! 

hea 到晚飯時間 , 去名門讌客食晚飯 . 

響螺燉雞湯 , 盅湯好大我們兩人不停飲 " 一肚水 " 

室內菊展&師生菊花藝術成果展

室內菊展同樣擺放了很多單一朵的菊花 , 

還有其他另類擺設 .

菊花展&小欖鎮美食嘉年華

早上八點鐘我和相公便到酒店的餐廳吃自助早餐 , 

款式唔算太多 , 食物供應源源不絕 , 

提供熱辣辣的食物 , 很滿足 !

中山小欖菊展完結篇

旅程已接近尾聲 , 我們吃完午飯便離開中山返回香港 , 

兩天旅程整天微絲細雨又凍 , 真掃興 ! 

抵達飯店第一個感覺是這裡很有鄉村風味 , 

導遊介紹這裡的食物全都是有機種植 , 

他還介紹這裡的食物 , 雞有雞味 , 

豬有豬味 , 魚和菜都有其本身的味道 .

大板橋農莊晚餐

續 : 中山南國絲都絲綢博物館

我們從酒店到大板橋農莊車程大概半小時 , 

終於到達了 , 周圍環境黑漆一片, 屬於鄉郊地方 .

今餐晚飯旅行團給了另外一個名稱  " 均安太公蒸豬宴 "

聽導遊講 , 均安係地方名 . 

中山南國絲都絲綢博物館

續 : 歐陸色風情大良蓋華路

參觀過歐陸色大良蓋華路 , 返回旅遊車再到絲綢博物館 , 

這裡也設有導賞員 , 他很快便把內部展品介紹完 . 

中山小欖菊展兩天遊

我和相公到國內玩兩天 , 

氣溫驟降 , 天氣寒冷又不停下雨 .

清晨從家中出發 , 雨下過不停 , 而且寒冷得很 .

今次我們的行程有 :

第一天 ,

李禧記嘗雙皮奶 ( 自費 )

順德阿二靚湯午飯 ,

歐陸色風情大良蓋華路步行街 ,

南國絲都絲綢博物館 ,

入住順德駿景酒店 ,

大板橋農莊吃晚飯 .

第二天 ,

酒店自助早餐 ,

中山小欖龍山公園一年一度菊展 ,

原生態有機農莊吃午飯 .

歐陸色風情大良蓋華路

續 : 雙皮奶 VS 亞二靚湯

我們到 " 阿二靚湯 "吃飽飯飲埋靚湯 , 

飯店門前不準泊車 , 街上車來車往 , 

導遊怕我地唔適應這裡行車方向 , 

要大家跟住佢行過對面馬路的歡樂天地門前 ,

等司機哥哥駛旅巴過來接我們 , 

到下一站大良蓋華路步行街 , 

等旅巴期間 , 好奇心驅使走去歡樂天地門前八下 , 

裡面人都唔多個 , 靜悄悄 . 

雲耳洋蔥雞片炒四季豆

今日早上要上跳舞班 , 看到天色比昨天還要差 , 

 都係加多一件風褸穩陣些 , 中午放學到街上去 , 

嘩 ! 天上下著雨又大風 , 凍得我騰騰震 , 

真係好想立刻搭車返回家中 , 

但早上返學前已約了相公到美心酒樓飲茶 , 

衹好三步走埋兩步前去酒樓 . 

客家好棧下午茶

今日放學約了相公到客家好棧飲下午茶 , 

很久沒有到這裡來 , 等位的人明顯比以前少了許多 , 

我們衹等了幾分鐘便可入坐 . 

菠蘿叉燒包

HIPOT 打邊爐

天寒地凍最啱烚下烚下 , 

其實我對火鍋都係麻麻0架咋 , 不過相公就非常鍾意 , 

就下相公去食火鍋 , 話時話出去佐敦HIPOT 打邊爐 , 

路程都幾遠 , 所以順道到尖沙咀碼頭欣賞埋聖誕燈色 .

深圳兩天遊完結篇

續 : 深圳兩天遊自助早餐

我和相公食完早餐便返回房中 , 

把行李收拾好便繼續發呆 

終於差不多十一點鐘 , 落餐廳食埋午餐便返香港 .

交完房間開門咭 , 還未夠鐘食午餐又周圍逛下 .

深圳兩天遊晨早自助餐

續 : 深圳兩天遊自助晚餐

又係食自助餐 , 

昨日導遊哥哥叫我地唔好咁遲落嚟食早餐 , 

同埋佢好高興咁講 : 

記住明日中午11點15分大堂集合 , 

交番房間開門咭比我退房 , 

跟住午餐係11 點半開始至 2 點鐘 , 

食完集合上車 , 好快就送你地到關口返香港 . 

講到我地好似很心急趕住返香港 . 

我和相公好聽話晨早 7 點鐘就入餐廳食嘢 .  

深圳兩天遊酒店自助晚餐

續 : 深圳萬景樓

我們參觀完萬景樓便乘旅遊巴士 , 

前去今晚留宿的麒麟山景酒店 , 

當車就快到達酒店 , 導遊哥哥又用他響亮聲音 , 

跟我們又重覆提我們唔好咁遲落酒店餐廳食自助晚餐 , 

同時很高興地說 , 你們等陣到達酒店大概 2 點鐘 , 

分派完房間你們便可以用酒店內的設施 , 

健身室和其他設施 , 又可以到附近鬧市行街購物 , 

明天自助早餐係早上 6 點鐘至9點 , 

你地唔好咁晏落嚟食早餐喎 , 

是關自助午餐係11 點半至2點鐘 , 

食完午餐就回程返香港 , 

看他的表情好似咁早送我們回香港 , 

我地應該好高興 . 

酒店位於小山丘之上環境清幽 , 

在路口也有保安員站崗 , 

相信閒雜人等不會進入酒店範圍之內 .   

深圳萬景樓

續 : 深圳兩天遊午飯

我們成團人剛吃過午飯 , 本來好想再坐一會 ,

但導遊哥哥逐枱過來 , 叫大家出去行下 , 

行就行囉 ! 

深圳兩天遊午飯

續 : 荷蘭風情花卉小鎮

我們極速參觀完荷蘭小鎮 , 又趕忙返回旅遊巴士上 .

 

荷蘭風情花卉小鎮

我和相公週末跟旅行團到深圳遊玩兩日一夜 ,

原先我們報團去國內清遠可惜唔成團 , 

但我們一早計劃週六和週日到國內行下 , 

唔成團冇得去很掃興 . 

美心飲茶

很久沒有到美心酒樓飲茶 , 

這裡仍然用舊式推車仔賣點心 , 

相信現在香港已經少之又少這樣賣點心 , 

雖然要等點心車推過才可以叫點心 , 

但這樣每款點心通常都係熱的 , 

而且仲可以逐樣叫 , 好似真係歎茶的模樣 . 

唔似得用點心紙 , 一嚟就差不多嚟齊 , 都唔知食邊款先好 .

台南豆沙角

湘川滬晚餐

今日冇 mood 買餸煮飯 , 做其無飯主婦 , 

今晚偕同相公到湘川滬開餐 , 套餐內容都幾啱食 , 

我們叫了四人套餐 .

頭盤 : 鎮江肴肉、四喜烤麩 

小菜 : 京蔥爆羊肉、糖醋排骨、砂鍋津白什錦、紅燒迴頭魚

飯後還有糖水 : 南瓜西米露 

四喜烤麩配上雲耳味道甜甜的好味 

鎮江肴肉味道幾好 , 這碟份量也不少 , 

兩排叠起有12件 , 兩款都食唔哂攞番屋企食 . 

觀日落 ?

上星期到龍鼓灘BBQ , 覺得那裡環境不錯 , 

從網上資料看到龍鼓灘也是觀賞日落的好地方 , 

可媲美流浮山的白泥 . 

昨日星期天我和相公閒來無事遊巴士河到龍鼓灘閒逛 , 

順道觀賞日落 , 但天公不造美 , 整天太陽伯伯也沒有出現 , 

我們衹是周圍逛逛 , 雖然今日是星期日 , 

但天氣突然轉涼又天陰陰 , 海灘上遊人甚少 . 

米芝蓮華輝餐廳 VS 越棧晚餐

時間匆匆又到禮拜終 , 上星期六秋高氣爽 , 

我和相公到大埔海濱公園睇人放風箏 , 

到達大埔墟先去米芝蓮華輝餐廳食晏先 .

龍鼓灘 BBQ

跳舞老師發起去龍鼓灘 BBQ  , 

昨日我們師生共 55 人在天水圍西鐵站集合 ,

早一日天文台話有雨 , 好好彩今日冇落雨 , 

而且仲出太陽添 , 非常感恩 ! 

大部份同學都比原定時間早來了 , 

平時上堂音樂一起 , 我們各就各位 ,

很少機會傾談 , 難得今次係戶外活動 , 大家輕輕鬆鬆傾談下 ,

感覺我們好像小學生跟著老師去旅行一樣咁興奮 .

老師點完名一聲齊人 , 有車嚟出發喇 , 我們就進入車廂去 ,

到達屯門西鐵站轉 K 52 巴士到龍鼓灘 , 車程大概 45 分鐘 .

落車衹過一條馬路再行三兩分鐘便到達海邊 BBQ海邊餐廳 . 

圭峰山公園

續 : 江門市二天遊星光公園

參觀完江門市星光公園 , 

繼續去最後一個景點圭峰山公園 , 

我們到達目的地 , 導遊跟我們說衹在這裡停留 45 分鐘 , 

便要上車回程返香港 , 這個公園佔地也不少 , 

我們衹能逛逛附近的周恩來紀念廣場和沿著湖邊行下 .

星光公園

續 : 江門市二天遊品嚐蟲草花蒸鴨咀魚

吃過午飯立刻返回旅車繼續去餘下兩個景點 , 

話咁快就到達江門市星光公園 , 

公園裡除了我們的團友外 , 就乜人都冇 , 

星期日都靜成咁 , 平時我諗這裡真是水靜鵝飛 ,

公園佔地廣闊 , 聞說是 2010 年才開幕 .