不愉快晚餐

德福商場今季的佈置有點俗氣 , 
大多以樂器有關 , 覺得唔太吸引 , 
有小小悶添 ....... 好彩有其他表演節目 ,  
但我們也有一個餘興節目 , ( 一個並不愉快晚餐 . )  
行到有點倦便去食晚飯 , 差唔多六點到達德褔廣場二期 ,
稻香超級漁港酒樓還未正式開市 , 酒樓女侍應員正在排排企 , 
接受職員開市前訓示 , 學足日本人做生意手法 , 
這樣訓練員工待人有禮 , 真不錯 .
雖然未開市但也預先分發輪位號碼 , 
我是 4 號 , 註明如錯過號碼三個就要再重新登記 , 
所以我和相公衹好企在酒樓門前等候 , 
前面幾個號碼等得不耐煩行開了 , 
侍應員順延叫四號 , 我們立刻把輪候紙遞給侍應員 , 
持一號者才施施然回來 , 把輪候紙交給侍應手中 , 
那位小姐一邊聽着電話 , 
另一隻手示意另一位女侍應帶一號入內 , 
過了三個號碼都不用再登記 , 講一套做一套我諗係熟客 ! 
我和相公發覺剛才給侍應員的輪候紙不見了, 
詢問收輪候紙的侍應員 , 
她把聲音提高八度地大聲喝我和相公叫你跟入去喇 !  
聲音大到嚇得我們登時呆了一呆 , 
我們從沒有收到她的指示 , 心裡覺得有點委屈 , 
我們是顧客 , 竟然好像是她的下屬 , 
就算下屬問多句都唔駛咁大聲呀嘛 ! 
唉 ......... 算了吧 !
不要跟她一般見識 , 沒有出聲便跟入酒樓去 , 
當我們正往前行的時候 , 那位收輪候紙的侍應員 , 
仍跟着我們一路行 , 不停地跟其他同事大聲鬧我們 , 
我真是忍無可忍 , 轉身大聲問她 : 
你鬧够未呀 ! 我們已一句聲都冇出過喇 ! 火都0黎埋 , 
回心一諗不要給這女人破壞我們食飯情緒 , 算了吧 ! 
總算控制到自己情緒坐下來 , 有卡位坐都算唔錯 , 
叫了餸菜等食期間 , 好戲在後頭喱 !  (  答案在下面  )

貴妃雞味道都算過得去 .

石窩雙蒽鮮菌爆螺片 
焦燶的黑點處處 , 有如滿佈黑椒粒 , 
把食物夾起來 , 下面的食物大部份都煮燶了 , 
螺片超韌又燶唔食得 , 而下面的配料 , 
所謂鮮菌一堆嘢 ............. 慘不忍睹 .

千絲薑橙骨
賣相都算唔錯獻汁稍杰 , 排骨放入口中可以咬得開 , 
但食不知其味 , 覺得佢改錯名 , 
應該叫  橙味薑絲千年骨 , 唔知係乜肉衹食到橙汁味  .

螺片燶到綑哂黑邊點食呀 ! 
食了容乜易生野0架況且咬唔開 , 
唔食得的食物放滿骨碟 , 咁都冇人換 . 
終於等到有侍應收拾其他枱時 , 
才要求她們順便行過來給我們換碟 , 
亞姐換碟鷄手鴨腳亂作一團 . 
唉 ! 算了總好過滿到擺唔到喇 .

想食鮮菌 , 又黐實個石鍋 , 冇得食 .

埋單走才發現剛才亞姐換碟倒瀉成笪水在我身旁都唔抺去 , 
好彩我睇到 , 如果唔係行出去之時 , 我會成褲濕哂 , 
唔知點返屋企 , 怕怕 Lu ! 
以後都唔敢再幫襯這間酒家了 .

剛才冇啖好食 , 回家十點幾已經肚餓 , 
好彩買定一個迷利蛋卷 , 食咗一件意猶未足 . 

再食五件曲奇餅 , 才舒服哂 !