大埔墟街市熟食中心

早幾日遊 blog 看過幾篇網誌分享 , 都講大埔墟街市熟食中心 , 
非常吸引一於今日去睇下 , 大埔墟街市外貌很新 , 
二樓全層都係熟食中心 , 我和相公繞場一週 , 
環境都算整潔 , 仲好熱鬧添0架 , 各式各樣食物都有 , 
粥粉麵飯悉隨專便 , 花多眼亂唔知食乜好 , 最大路都係食中菜 .

我地揀有紅色制服的啤酒小姐嗰間食晚飯 . 

半隻口水雞 
印象中口水雞好似有麻油和辣辣地 , 
呢碟乜都冇 , 得碟羗茸似貴妃雞多啲 . 
合桃京都骨味道一般 , 茄子班腩煲比較多油 .

見到隔離枱去麵舖叫魚蛋粉 , 我地又叫埋一份 , 
仲加炸魚皮 , 眼濶肚窄食唔哂雞要拎走 .