入廚好幫手

經常看到blog 友分享焗爐美食 , 引得我躍躍欲試 , 
可惜搬屋把焗爐掉了, 真是後悔莫及 , 
現在又想買返部電焗爐 , 今日特意入屯門城市廣場睇電器 , 
看過很多間價錢都差不多 , 終於我們睇中了 , 
唔買住因為還未食晏 , 先去上海館子食嘢 , 
再去公園睇埋放電船仔才去買 , 我們嚟商場前經過公園 , 
見到有人正在放電船仔 , 希望食完嘢他還在那裡 .

去到屯門市廣場內的金滿軒菜館 , 已經下午茶開始 . 

高力荳沙 
熱辣辣剛炸好非常鬆軟 , 少少沙糖剛剛好 .

上海菜肉雲吞麵 , 雲吞饀肥肉很少 .

菜肉包和牛展麵 .
                  

好彩仲有放船仔 , 睇一陣便去買焗爐 .

除焗爐外仲買咗個迷利電飯煲 , 
雖然迷利但都可以煮三杯米 , 橫掂每餐衹煮一杯米夠哂 lu .

兩個好幫手都夠位排排坐 , 以後可以學整蛋糕仔 , 
諗吓都開心 , 欣賞完兩位好幫手 , 出街食晚飯 .

                         

近近地去會所食飯 , 天氣開始涼 , 
又有羊腩煲供應 , 益哂我隔離嗰個 , 他勁開心 .

羅宋湯和粟米羹 .

豆腐班腩煲 .

雙冬支竹羊腩煲 .

非常飽 , 飲杯檸檬 7 喜 , 舒服哂 !