屯門虹橋海鮮酒家下午茶

禮拜六有節目 , 可能太陽陽伯伯都有節目 , 

今日放假一天 , 天氣冇咁熱又唔曬 , 可以周圍逛下 , 

初初搬到新界區居住人生路不熟 , 

我和相公有個計劃 , 就係每條線的巴士或輕鐵都搭下 , 

順道參觀每一區的環境 , 唔覺唔覺我地都搭了好幾條線的輕鐵 , 

今日我們又去遊輕鐵河到景峰站行下 , 順道到虹橋海鮮酒家飲茶 . 

點解我知到嗰到有呢間酒家呢 ? 嘻嘻咪又係多得個 blog 囉 , 

我在blog 友chumama 網誌處 , 睇到話呢間酒家好抵 , 

抵梗係要去試下喇 ! 多謝 chumama 話埋比我聽搭輕鐵到景峰站 , 

這間酒家都好容易搵 , 去到已經下午茶開始咗 lu .

我們叫了 5 樣食物 : 燒鴨湯瀨粉、叉燒湯瀨粉

馬拉糕和鮮竹卷 , 還有我們喜愛的三豆糕 . 

這裡點心價錢比其他酒家便宜 , 食物都幾啱口味 .

三豆糕本來唔係咁放0架 , 

係我把它倒轉黃色雞咀豆在面 , 

因為我在美心酒樓食過係咁放0既 , 

呵呵 , 我覺得咁放好似賣相靚少少 . 

燒鴨湯瀨粉 

我見到很多枱客都有食呢款瀨粉 , 我地又跟 . 

叉燒湯瀨粉

馬拉糕

鮮竹卷