" 蒲東小館 " 排骨擔擔麵

到" 蒲東小館 " 吃下午茶 , 

看見客人比上次多許多 , 希望他愈來愈好 .

紅燒牛腩麵 $ 58 

餐茶轉汽水加 $ 3 

牛腩好腍好入味 , 湯好似用牛骨煲成好味 . 

排骨擔擔麵 $ 52 

餐茶轉汽水加 $ 3 

湯的芝麻醬微辣濃郁花生碎好脆 , 

還加上欖菜調味唔錯 , 豬扒好瘦唔嚡幾好味 .

節瓜螺頭豬展湯

節瓜螺頭豬展湯 

其他食材 : 陳皮 , 淮山 , 瑤柱 .

灼菜心 

蒜蓉豆豉蒸比目魚 

 

紅蘿蔔粟米素湯

到 " 肯德基 " 食炸雞

雞扒家鄉雞皇筒飯配汽水 $ 32

轉熱綠茶 $ 3

炸雞滋味盒配汽水 $ 52.5

粟米 , 磨菇細飯 , 炸家鄉雞 , 葡撻 

紅蘿蔔粟米腰果花生眉豆素湯 

椰菜炒蛋 

腩肉炒蜜糖豆雲耳

食完炸雞覺得燥熱飲椰皇水清熱氣 , 

椰水好甜把殼打開裡面的肉稍硬身 , 

留晚上炒腩肉 .

" 星公館 " 脆香韭菜棵

會所的酒樓 " 星公館 " 開業大半年 , 

從來飲茶或食晚飯都沒有試過等位 , 

所以我地幾喜歡幫襯 , 

好奇怪今天飲下午茶竟然要等十幾二十分鐘才有位 ,  

終於守得雲開見月明 ? 但願如此 ! 

今次叫了一個超值組合$ 38.8 , 

一碟炒麵和一籠包 , 茶位 $ 5

叉燒包 $ 23

鮮肉脆香韭菜棵 

外皮炸得好香脆 , 

韭菜跟豬肉比例好恰當唔會鬆散 

韭菜新鮮豬肉好有肉味 .

銀芽肉絲香煎麵 $ 68

麵炸過好香脆唔會太乾 , 配料幾新鮮 .

鮮元貝花燒賣 

深圳 " 觀蠔 " 蒜蓉蒸生蠔

粗略看過華強北站的電子產品店 , 

帶著新玩具 ( 平板電腦 ) 

轉去我們較熟識的海岸城吃晚飯 .

 

" 觀蠔 " 主打食海鮮 ,

 門外擺放著游水海鮮缸 , 明碼實價真不錯 ,

 客人先選好海鮮磅重便可入座等食 , 

亦可在店內點菜單上的餸菜和海鮮 .

生意不錯店內大堂的枱差不多滿了 , 

我們被安排到近門口卡位 , 另外一邊設有氣壓煲專區 , 

枱上放著好多個氣壓煲正在煮蠔 , 

看見服務員把煮好的蠔 , 唔開蓋送到客人前才打開蓋 , 

下次再來我們都會試下這種做法的蠔 .

前菜免費

蒜蓉蒸生蠔 ( 蠔王 ) 

 13元一隻( 共52元人仔 ) 

蠔肥美鮮甜好味下面的粉絲更加好味 .

乾炒牛河 48元人仔

本來沒有打算食粉麵 , 但叫兩款餸都售罄 , 

唔想再諗其他餸 , 食乾炒牛河算了 ! 

蒜蓉蒸帶子 

15元一隻 ( 60元人仔 ) 

稍蒸過火微韌幾鮮甜 , 下面的粉絲同樣好味 .

薑葱油鹽焗黃花魚88元人仔 

魚用鍋上還有微火保温 ,

魚斬厚件好滑但有骨味道偏淡 ,

 魚下面有大量薑和蒜頭好香 , 

我們坐的枱近在門口 , 空氣較大堂好 .

.....................................

" 鮑師傅 " 糕點店

位於平台上每次行過都有大量人排隊入內買糕點 , 

今次沒有人排隊可以幫襯了 .

栗子酥餅 每個 6 元人仔 , 

酥皮好薄栗子蓉饀外還有整粒栗子 , 唔太甜好食 .

司康同樣 每個 6 元人仔

有牛油味混入乾什果粒唔太甜好食 , 

兩款小點下次會再買 .

新玩具" 喬幫主 " 平板電腦 一套5百幾元 

有叉電線 , 滑鼠 , 機套 , 接觸筆和鍵盤 . 

還送座枱架 , 卡拉ok機和咪 , 記憶咭512GB .

好抵玩 ! 

深圳 " 蘩樓 " 香煎魚茸蘿蔔餅

很久沒有到深圳遊逛 , 心思思又過去行下 , 

聞說華強北站電子產品公司開得成行成市 . 

今次專程過去看看 , 

到達目的地先搵地方食晏 , 

每次過深圳我們都往新商場的食肆試下 , 

但這裡屬於稍舊區域唔覺有新商場 , 

左騰騰右騰騰偶然看見地鋪有點舊的 " 蘩樓 " 

本著沒有其他啱心水的食肆 , 就試試吧 ! 

噢 ....... 要行樓梯上去 .

這裡沒有電梯的 .

招呼我們到大堂座位 , 

佈置很像電視劇中的舊廣州茶樓 .

電視劇情叫呢啲房做包廂 .

服務員用夾為我們洗茶具再沖第一杯茶 , 

往後就可以自助 . 茶位6元人仔

枱墊紙介紹西關飲茶文化 .

順德大良双皮奶 26 元人仔 

微熱香濃奶味少甜好滑 , 放面的杏仁片腍了 .

香煎魚茸蘿蔔餅  26元人仔 有 4 件之多又大個 , 

食材有 : 紅蘿蔔粒和白蘿蔔粒 , 

主要是魚茸非常熱好香口好味 , 

沒有混合蝦米真不錯 .

生煎麻香草菇包 26元人仔 

又係 4大件 , 素饀好食 .

四式腸粉皇36元人仔 

4款腸粉饀 : 1 . 清新素食腸粉 

2 . 蝦腸粉 

3 . 牛肉腸粉

4  疑似雞肉腸粉 , 

因為食唔出係咩肉 .

粉皮幾滑醬油微甜 .

排骨鳯爪盅飯 36元人仔 

飯蒸得爽口但吸了醃料的汁好辣 , 

接受不了吃不完 , 

有 4 個包吃得非常飽 . 

吃飽飽逛電子產品公司 . 

我們行過平板電腦店 , 

好多人圍觀聽店員介紹產品 , 

 " 喬幫主 " 平板電腦衹售五百幾元人仔 , 仲有三樣禮品送 , 

好抵玩立刻賣出四部 , 餘下一部我們心動買了 .

帥童西瓜

午餐煲肉碎粥

翻熱昨日打包回家的京城鍋盔包

超市又有新品種 , 

綠椰菜 , 

每棵都很細瘦長 , 

樣子一點都不像椰菜 , 

覺得似紹菜仔 . 買來晚上青炒 .

青炒綠椰菜 , 

菜味好淡少許甜味 , 

可能細棵煮的時間較普通椰菜快腍 .

紅腰豆煮西蘭花

冬菇蒸肉餅

諗唔到煮咩餸又蒸肉餅罷了 .

西瓜仔樣子好新鮮 , 細細個最啱開邊用湯匙食 .

皮非常薄脆好容易切開 , 

紅紅的肉第一啖算甜爽爽地 , 

第二啖覺得口感粉糯味道怪怪地 , 

可能變壞唔敢再食了 ! 

" 品悅軒 " 京城鍋盔包

又到荃灣西站的連貫商場遊逛 , 

這裡大概連上4至5個商場 , 

食肆非常多容易找到想吃的店 , 

今回行到荃灣如心廣場 , 行得有點累想搵地方食飯 , 

行過幾間食肆要6:00 晚市才營業 

衹有 " 品悅軒 " 5:30 就開始 , 

門前推介餸菜有我們想吃的 , 

其中一款點心 ( 京城鍋盔包 ) 

看相片應該是生煎包 , 

心想可能包饀有分別 , 一定要試下 .

另外一樣吸引是 : 點餸菜超過 $ 300 

就可以 $ 10 一籠6隻的小籠包 , 好抵食 ! 

我們叫一條筍殼魚和一客套餐和煎包

已足夠加 $ 10 有六隻小籠包 

茶位 $ 10

時間實在太早 , 

店內衹有我們和另外一枱客人 .

座位旁邊架上的佈置豬豬好攪笑 , 

這個正好給我們一些警惕 , 

唔好食咁多嘢 , 否則 ........ 

喔 ...... 呢幾位女仕身材瘦瘦的 , 

咁即是食多咗都唔驚 ? 

黑金排骨套餐 $ 76 ( 晚市優惠 ) 

侍應姐姐把排骨一放 , 

我已聞到好香的黑醋味 , 

果然排骨加黑醋絕配好味道 , 可惜肉較少 .

小籠包 6隻 ( 優惠 $ 10 ) 

肉汁好豐富皮幾薄 , 做得不錯好味 .

京城鍋盔包六個 $ 78 

其他食肆生煎包衹把底部煎脆 , 這裡把兩面都煎脆了 , 

饀用有皮豬腩肉切極細細粒爽口較肥 , 

味道幾好食唔哂要打包回家 .

龍騰筍殼魚 $ 298

刀功唔錯把成條魚肉起出切件 , 

再鋪成魚形蒸 , 魚上身較多骨好新鮮 .

枱夠大張沒有壓迫感 , 坐椅好舒服 .

海參炆豆腐

家中有辣椒腐乳想快點用完 , 

以往煮油麥菜都用蒜蓉或豆豉 , 

今次試用辣椒腐乳煮油麥菜 , 味道都幾夾 .

辣椒腐乳油麥菜 

海參炆豆腐 

雪海參預早買定放冰箱 , 隨時可用 .

今次用來炆豆腐 

銀魚乾蒸肉餅 

水煮紫色椰菜花

昨日外賣的豬扒和雞球吃不完 , 

今晚翻熱吃味道也不錯 . 

蘋果素湯 

加上陳皮合桃腰果無花果蜜棗微酸甜 .

翻熱的豬扒和雞球 .

 水煮紫色椰菜花 

在超市看見紫色椰菜花顏色好靚 , 

放落大滾水中煮 , 紫色立刻變成紫藍色 , 

好奇怪的變化味道唔錯有菜味 .

辣椒腐乳蒸雞翼 

紫色椰菜花

" 亞樂快餐 " 蜜椒醬雞球

今餐做真正的無飯主婦 , 

上次買 " 亞樂快餐 " 的外賣餸菜 , 

自己煮些餸菜和飯 , 今次什麼都沒有煮 .

全是 " 亞樂快餐 "的出品 . 

外賣三餸 $ 63 

洋蔥豬扒 

蜜椒醬雞球 ( 微辣甜甜地味道不錯 )

蓮藕西芹炒肉片

另加$ 20 有 2 碗飯和 2 碗湯 ( 木瓜花生排骨湯 ) 

飯和餸都好多 , 吃不完留明天吃 .