" 御 ; 家上海 "紅燒小元蹄

我們愛到西鐵站沿線的商場遊逛 , 

這樣回家較方便 , 

今日到南昌站 V Walk商場逛逛 , 

商場店鋪明顯有些變動 , 

近年市況嘛嘛某些老店結業了 , 

俗語說一雞死一雞鳴 , 好快就有人接手 , 

以前曾食過好幾次的 " 紅螞蟻 " 餐廳結業了 , 

換來另一食肆 " 御 ; 家上海 " 

晚餐就試試吧 ! 

店內佈置和播放歌曲都有少許舊上海模式 .

我們點了六款食物兩款太甜唔啱口味外 , 

其他都不錯 , 由其脆煎灌湯小籠包 ,

我們特別鍾意食 .

如下次再來一定再食 .

茶位 $ 15

餐前小食 $ 15 口水雞

濃濃麻辣味 , 

雞件全是雞翼部份斬得好細件 , 

超多碎骨太辣接受不了 .

宋嫂魚羮位 $ 58 

食材有魚肉碎 , 蛋白 , 香菜和木耳 , 

味道清清地好好味 .

雪菜黃魚春卷6件 $ 88 

平時食的春卷大都是豬肉和蝦 , 

今次是魚肉雪菜兩種食材幾夾 , 外面炸得好脆香口 .

上海粗炒 $ 102 

麵條好新鮮夠鑊氣但好甜 , 

以往也曾食過其他上海食肆都係偏甜 , 

但今次係非常甜 .

紅燒小元蹄$ 218 

菜牌寫小元蹄 , 但送來的是連骨的豬手 , 

以前在其他地方食過元蹄是沒有中間大骨 , 

所以形成圓圓的模樣 . 

脆煎灌湯小籠包 5件 $ 62 

最鍾意這款包外皮煎得微黃脆脆的 , 

裡面肉饀湯汁好豐富 , 

把肉汁倒在湯匙裡 , 整整一湯匙好鮮味 

上海菜肉餛飩 8件 $ 62 

湯味濃厚好味 , 餛飩皮好滑肉饀鮮味 .

這裡服務不錯 , 

侍應員替我們分別把豬手肉和骨分開 , 

邊做還跟我們說你地一定食唔哂要打包了 ,

小元蹄炆得好腍但不會散開 , 

皮下脂肪甚少 , 有少許滷水香料味 , 

要打包回家除了份量多 , 

還有另一原因就是太甜食唔得咁多 .

這店員工服務唔錯又有禮貎 , 

結賬後還給我們兩張現金券 , 每張 $ 100 

下次結賬超過 $400 可用一張 , 

但一個月內要使用 , 都幾化算 !

................................................

食完晚餐時間尚早 , 再行下商場 .

被零食小店招牌吸引入內看看 , 

我從小都有食零食習慣 , 

所以每次外出都會看零食店 ,

店員好有禮貌介紹特定食品可以買半磅 $ 28 , 

每樣要一件都可以的 , 特定糖果小糕點有大概20款 , 

任何款揀一件組成半磅 , 食過好才回來再買 .

店員見我衹揀半磅都一樣好開心地說多謝 !