深圳灣地鐵開通非常方便 ,
今日我們又北上遊逛 ,
目的地本來衹到 " 南頭古城 "
無意中發現中山公園就在附近 , 那麼順道去看看 .
出地鐵上地面向前行幾分鐘便看見 " 南頭古城 " ,
古城有幾個城門入口 , 今次我我們南門入內 .
隔離還有 " 關帝廟 "
入內參觀
關帝威武騎著駿馬
好想入內參觀 , 可惜廟今天不開放 .
高高城樓牆身好厚
內城滿眼都是林林總總各式各樣的小店或食肆 ,
跟我想像好唔同 . 有如步行街 .
又係冇開門 , 先搵地方食晏 ,
唔想食太多食物 ,
每次北上晚餐通常都會提早食 , 方便早點回家 .
在香港沒有食過 " 麥奀記 "
現在國內也開業 , 就試試吧 !
" 麥奀記忠記麵家 "
花菇鯪魚球撈麵39文人仔
我本以為冬菇係切碎跟鯪魚混埋一齊 ,
原來這裡是整個花菇炆非常大隻厚肉 ,
腍滑冬菇味較淡 , 鯪魚球好熱味也可以 ,
麵爽口沒有怪味 .
筋腩撈麵48文人仔
筋腩炆得好腍滑味道唔錯 ,
兩碗湯淡淡地沒有太多味精 .
架上有辣椒油擺賣 , 正在想是否好吃呢 ?
侍應姐姐立刻過來搭訕 , 推介辣椒油好好食 ,
叫我試下枱上的辣椒油
( 未食麵前已看見了 )但擔心衞生問題沒有食 ,
侍應姐姐叫我試 , 衹好推說食物食哂唔試了.
她極力游說我買回家試下 ,
其實我係想買但擔心路途中漏油 ,
侍應姐姐話用膠袋封口唔會漏 ,
回家打開來看 , 果然完全沒有問題 ,
哈哈 .... 她用了三個膠袋遂層包好 ,
非常好服務 ( 讚 )
雖然唔環保 , 但我會把膠袋循環再用直至報廢 .
看見有人在黃色機用手機買紙巾 ,
我諗另外嗰個一定係叉電( 我真大鄉里 )
沿街兩旁店鋪設計好得意 ,
看得出他們好用心思佈置 .
新安縣衙( 縣官大人放假冇開門)
有冤情就擊鼓
國內藝術家展品擺賣
茘枝做得非常神似 ,
接待的女孩子給我介紹 ,
這個作品是圖左面男仕制作 ,
他的展品曾在香港展出 ,
女孩子還把右手面的香氛油給我聞 ,
味道好似真茘枝味兒 .
這幅畫看上去好像人手畫的 ,
接待女孩子跟我說 ,
畫不是手畫而係用網刮顏色上去 ,
先有底色再用畫中人物的網蓋上 ,
根據畫中顏色逐次刮上 ,
如是者刮了好似係三十多次才完成 .
睇完刮畫再前行
整條街還有好多横巷 ,
滿都是商業小店 , 好難每間細看 ,
往上行看看
待續 ............
