香港國際旅遊展

一年一度香港國際旅遊展 , 今日最後一天了 , 

去年我和相公都有看過這旅遊展 , 覺得很熱鬧又多嘢睇 , 

本來昨日想前去看看 , 但天公不造美落雨 , 

順延至今天才去 , 今次展覽所在地 , 

同樣都在灣仔香港會議展覽中心 . 去年我和相公看展覽前 , 

曾在展覽中心附近吃過 " 潮興 " 的魚蛋粉 , 覺得真不錯 , 

因為在屋企附近想吃一碗較為滿意的魚蛋粉都是件難事 , 

所以今次我們專程又去 " 潮興 " 食嘢 , 

但很失望衹用兩個字形容 " 難食 " 

吃過難食的魚蛋粉後 , 再去麥當當再吃包包 . 

麥當當又有杯送 , 衹要買一份加大餐就送一隻玻璃杯 , 

樣子都唔錯 , 買份加大餐換隻杯先 , 今次得兩種顏色選擇 , 

藍和灰色我鍾意藍色靚 D , 吃過包包好滿足啊 !

 

繞場一周看看 , 

我和相公同樣覺得今年展覽攤位好似比去年少 , 

全場佈置衹有泰國攤位稍為有心思 , 但都比去年遜色得多 , 

其餘攤位更加不好看 , 很隨便的佈置 , 節目跟去年差不多 , 

可能今次係第二次來參觀 ,  沒有什麼興趣看 , 

所以很快看完整個展覽便離開 . 

行完展覽再到 SOGO 逛逛 , 

很久沒有吃過日本南瓜 , 

今次看到這牌寫住日本種南瓜 , 文字有點怪怪 ,

究竟係日本品種吖 ? 還是日本種出嚟的南瓜呢 ? 

雖然是不明所以 , 但都買了一個 . 

除南瓜外還買了一樽香草醬 , 售貨姐姐話用嚟撈意粉食的 , 

見成樽都係橄欖油侵著的香草 , 我諗應該會好香買樽試下 .