無飯主婦抖一抖

自從亞虎宣佈將要終止平台 , 

連日來搬網誌到這裡 , 

唉 ... 辛苦過返工 , 

好悶啊 ! 

無飯主婦要停一停 , 暫且放下搬網誌工作 , 

抖一抖周圍逛下 , 近近地到元朗 , 

最近發覺這區多咗藥房開業 ,

可能迎合國內自由行較鍾意到藥房購物 , 

今日又看見新藥房開張 , 滿地都是放花炮的彩色紙碎 , 

舖位細細花牌超多 , 粗略估計起碼有30個之多 , 

擺到過對面馬路的行人道上 , 

鮮花好香啊 ! 

今日是週末周街都係人 , 相公想到大X華飲茶 , 

諗住愈晏愈多人 , 急忙前去茶樓 , 

大概中午12 :15 分 , 已成排人正在等位 , 咪有排等 ?

算吧 , 又到街上胡亂左騰右騰搵地方食嘢 , 

行到肚仔打鼓 , 見到 " 雲貴軒 " 好似較少人等 , 

就呢間 , 真好彩不消10 分鐘就入座 , 

相公食紅燒豬軟骨肉燥飯套餐 , 好好味 . 

我食菜肉雲吞鮮茄湯上海麵套餐 , 

很多鮮茄和粟米粒 , 麵煮得幾爽口 , 

菜肉雲吞三隻味道一般 . 

吃飽飽又周 hea , 

香港天氣愈來愈反常 , 現在已進入農曆九月 , 

但日間天氣仍然熱得像盛夏 , 

太陽非常猛 , 曬到冇心機行 , 歸家去 !

晚上再出外吃晚飯 . 

很久沒有幫襯 , 看到這介紹都不錯 , 

叫魚加一文就有半隻雞 , 

再叫兩客竹笙魚湯翅 ,  

喔 ... 竹笙魚湯翅同上圖差咁遠0既 . 

飲咗大部份魚湯 , 

湯裡有竹笙和少量像翅頭食材 . 

蔥油欖角蒸翡翠魚 , 

我諗係淡水魚 , 肉質麻麻冇乜魚味 . 

兩個白飯 , 飯粒粒蒸到企起來 , 好可愛 ! 

加一文多半隻客家清燉雞 , 配菜是紅棗和當歸 , 

濃濃的當歸味 , 唔啱我口味 .