團購御苑皇宴

家庭聚會選擇到尖沙咀金巴利道御苑皇宴吃團購6人晚餐 ,

今次是第二回到這裡來 , 有感上次他們的食物、

環境和侍應員的招待不錯 , 價錢也相宜 ,

但今次令我們大失所望 , 而且有點光火 .

因為侄女要把自行車泊到停車場 , 大概需時10 分鐘 ,

所以我們一行 5 大一小朋友先到酒樓 , 

我們剛坐下來 , 侍應姐姐立刻問飲咩茶和可否上菜 , 

上次除了特定餸菜外我們另加些其他餸菜 ,

但想著侄女泊車很快便到 , 等她回來才一起揀餸 ,

所以回應可以上菜了 .

侍應姐姐把茶壺放下便立刻走開 , 

全沒有意識給我們傾茶和擺位 , 

枱上食具亂作一團 , 

我們袛好各自找回自己的食具 , 

當我們忙於擺位之際 , 燉湯已送到另外的枱上分配 ,

我立刻往後面的枱上胡亂把雞湯影下來 ,

五指毛桃燉雞湯 , 湯味濃郁很香椰子味 ,

大概是五指毛桃的關係吧 ! 

廚房技能神速不消10 分鐘便把 5 款餸煮好送來 ,

看樣子他們會繼續把餘下餸菜送來 , 

但侄女還未到 , 我們衹好叫暫停餸菜 .

 燉湯食材很豐富 

 肴肉賣相很醜味道又鹹 ,

瘦肉像普通炆肉 .

 海蜇和拍青瓜

海蜇跟普通食肆一樣好爽口 , 

拍青瓜超爽口

像剛切好立刻加點蒜汁和醬油 ,

全沒有醃過似的 .

當我正在慢慢細嚼著海蜇 , 

突然侍應姐姐要替我換碗 ,

她眼裡除了要拿走我的碗外 , 

連我碗裡還有海蜇都視而不見 ,

喔 ! 食得唔好嘥喎 , 我跟她說我仲未食完0架 ,

侍應姐姐眼尾也沒有看我便行開 .

我真有點懷疑這間店是否改成彈性上班 , 

衹要把工作快快做完就可以下班呢 ? 

 士多啤梨汁魚扒

魚扒肉質稔稔的 , 

相信是鯰魚柳加上士多啤梨醬 , 味道一般 . 

 食物沒有把可人兒吸引 , 她正沉醉著畫畫中 .

今次食物委實令我們失望 , 

商量過今次我們不再另加其他餸了 .

餸菜出得太快大部份都放涼全都扣分 , 

我們希望跟部長反影一下 , 

但部長先生有如太極高手 , 把所有提問都轉到廚房去 ,

食物能夠不消10 分鐘已差不多可以全數送出 ,

相信都係預早煮好 , 試問食物放涼了怎會好吃呢 ? 

 玉螺片四寶扒鴨 , 

我唔食鴨的所以問相公 , 他說鴨肉稔滑味道可以 .

吃飯中途侄女想飲水 , 才發現她原來沒有杯的 , 

問侍應姐姐她為何沒有茶杯0既 , 她眼睛還顧一下枱面 ,

跟著妙答 : 我都唔知喎 , 哈哈這樣回應真是妙妙妙 .

 薑蔥大蝦炆伊麵

我又係唔食0既 , 相公話放涼了味道大打扣 . 

 金不換肉崧豆腐煲

賣相差看上去一塌糊塗 , 豆腐凍了還配上金不換 ,

味道格格不入 , 怪怪的 . 

食物令我失望 , 所以往後的飄香荷葉飯 

杞子桂花榚和杏仁露都不想替它留倩影了 .

荷葉飯混有幾種肉類 , 

味道可以但很肥膩 , 米飯落得太多水好削難食 .


本著食得唔好嘥 ,
食物好醜都被我們吃完 , 
侍應姐姐見勢把所有食具收起 , 
立刻把甜品桂花糕送來 , 
喔食具沒有跟上 , 教我如何吃啊 ! 
算了吧 , 用牙籤拮起來吃 , 好狼狽 ,
唉 .... 有點困難都係請姐姐給我們叉子好了 .
杞子桂花糕味道一般 ,
杏仁露感覺是杏仁粉開的 , 太甜唔健康 .