勞動節剛好是星期日 , 順延至星期一補假 ,
街上行人明顯比平時多許多 , 最怕人迫搵食又要等位 ,
所以我和相公選擇到大角咀奧海城遊逛 ,
因為這商場人流較少 , 食肆也多 .
" 小王牛肉麵 " 以前曾在青衣城吃過 ,
他的牛肉麵都算啱口味價錢合埋 , 今次改吃其他食物 .
台式肉燥飯味道一般 .
紅油抄手一客有四隻雲吞
醬料是辣豆豉醬都幾辣 ,
雲吞裡的豬肉饀好實冇咩肉味 .
干香牛肉餅
外面炸得好香脆裡面幾軟 ,
碎牛肉饀好似混合了孜然粉 , 味道不錯 .
擔仔麵上的食材跟肉燥飯一樣 ,
衹是多了三隻蝦 ,
湯汁太少麵太乾又淡 .
吃完晚餐時間尚早再行多一會 ,
看見餅店的日式芝士蛋糕特價 ,
本來 $ 56 現在 $ 45 , 買個回家宵夜 .
芝士味很濃厚好味 , 衹吃一小件已感到很滯 .
多了三隻蝦>> 嗰三隻似蝦毛喎.
回覆刪除嘻嘻梗係蝦毛嚟喇 , 比大蝦就蝕本了 .
刪除我吃過沙田那間,限時吃,吃到滾水淥腳咁,食食途中都不敢再落新單,怕食唔切!
回覆刪除呢間唔會喎大把位 , 可能少咗國內遊客 .
刪除擔仔麵要麵彈牙濃香汁重,幾啖搞掂為佳,
回覆刪除哩碗好似差咗啲...
喔原來要這樣才可以嗎 , 咁佢唔合理了 .
刪除我未試過呢間。
回覆刪除嘛嘛地 , 試其他店好了 .
刪除擔仔麵, 好似有D叫人失望
回覆刪除除了牛肉餅 , 其他就嘛嘛 , 由其這碗麵更加唔好食 .
刪除勝在人少少唔駛等位
回覆刪除哈哈對呀 !
刪除我對那份牛肉餅很有興趣呀,未見過呢
回覆刪除下次回來試試吧 , 不過最好去其他店 , 哈哈 !
刪除