潮庭家聚

最近曾到沙田新城市廣場的潮庭吃晚飯 , 

該次我們一家人六大一小童 , 

叫了一份四人套餐外再加幾款餸菜拆扣後$1553 ,

價錢頗為相宜 , 食物味道嘛嘛 . 

 前菜兩碟$40 

花生青瓜鹹菜木耳烤夫微微辣很好吃 .

潮式滷水四式拼盆

滷水鵝 , 墨魚片 , 蛋 , 豆腐和豬腩肉片 , 

除了豆腐其餘每款食物都係四件 , 味道一般 . 

高湯焗加拿大龍蝦一隻

龍蝦殼很多 , 肉和伊麵都很少而且冇咩味 , 嘛嘛 !

瑤柱花膠螺頭燉雞

材料足湯味濃郁 .

燉雞湯分成六碗每碗都有件花膠 , 

爽爽地很好吃 , 整頓飯我最鍾意這碗湯 .

茶樹菇蒸沙巴龍躉

我覺得茶樹菇換做冬菇味道可能較佳 , 

魚肉切成幾塊下面放了豆腐來蒸 , 

味道太淡了 .

沙津醬烤骨 , 味道唔錯 .

除了四人餐另外叫了五款食物和三碗白飯 .

 炸子雞半隻 

 椒鹽九肚魚 

這裡的制作跟我以前吃過的不相同 ,

沒有脆軟滑之感 , 像有點似微脆稍厚的薯片 .

 砂窩梅菜肉碎炒菜心 

 家鄉釀豆腐煲

豆腐釀上豬肉像客家釀豆腐 , 

豆腐唔滑豬肉沒有味 ,

湯內大量白蘿白條好淡 ,

可能蘿白已過造唔甜又煮得唔透 .

 方魚肉碎粥份量多 , 味道唔錯的 .

 銀杏芋泥兩客賣相很差 , 

芋泥邊浮上一層透明像油又像糖水 , 味道嘛嘛 .