西澳龍蝦逸逸居

整日天色陰暗 , 天氣寒冷 , 凍得我騰騰震 , 

非常唔願意煮飯 , 最好出街食做其無飯主婦 ,  

反正附近商場大裝修後引進很多新食肆 ,

我們希望每間都去試試 , 今次到逸逸居酒樓吃晚飯 , 

現在酒樓有很多餸菜都有優惠 , 

但要加一服務費和茶錢每位 $ 15

脆皮燒雞原價每隻 $ 190  

現在每隻 $ 88 

燒雞送來熱辣辣皮薄無油脂 , 脆脆的皮雞肉醃得好入味 . 

食了幾件雞 , 龍蝦就送到賣相不錯 , 我們立刻轉食龍蝦了 .

西澳龍蝦原價$ 398 現在 $ 238 

伊麵底 加 $ 30 

侍應姐姐問我們要不要加伊麵 , 

當然要加伊麵可以吸下龍蝦汁鮮味 , 好過叫白飯 , 

伊麵超大碟好抵食 , 用上湯和大量蔥粒和蒜粒超惹味 , 

西澳龍蝦肉質彈牙味道非常鮮甜美味 , 

伊麵吸入上湯和龍蝦味很好吃 .

整碟龍蝦和伊麵一下子吃個清光 , 

燒雞衹吃了 1/3 隻 , 其餘打包回家 . 

我們食飯其間侍應姐姐久不久主動來換碟好好禮貎 , 

另外一位滿面笑容的侍應姐姐久不久過來問我地好唔好食呀 ! 

雖然我們已食到差不多完 , 

她還主動介紹其他好抵餸菜叫我地下次食, 

她還跟我們說自己做咗幾日工 , 

就發現羊腩煲配西澳龍蝦套餐超抵 , 

仲話過幾日帶老公來食 , 

老板請到呢位姐姐應該好開心 !