" 潮潮居 " 抵食龍蝦伊麵

屋苑商場大番新後 , 陸續有新食店開張 , 

大部份都是年青人愛吃的日式和韓式食肆 , 

酒樓更增加經營壓力 , 

商場有三間酒樓經常推出優惠 , 由以龍蝦更加抵 , 

今回到 " 潮潮居 " 吃晚飯 .

前菜 $ 16 

潮洲咸菜 , 豆干粒 , 花生 , 酸青瓜和芹菜 , 

咸菜好爽口其他食材好辣又麻的 .

茶錢每位 $ 15 

西澳洲龍蝦 $ 268 伊麵底實在好抵 

肉質爽口彈牙好鮮甜 , 伊麵份量好多 , 

食完這碟麵已差不多飽了 . 

鹵水拼盤半份 $ 98 

來到潮州食肆都要試試鹵水拼盤 , 

價錢抵份量幾多味道適中 , 

墨魚片 , 鵝肉片 , 豆腐 , 豬腩肉和紅腸 , 味道一般 .

脆皮燒雞一隻 $ 88 

炸得皮脆肉滑醃得好入味 , 

皮下沒有油脂有雞味 .

飯後還有蕃薯糖水送 , 

餸菜啱口味之餘 , 份量多又要打包回家了 .  

炸雞我們二人衹吃了幾件 , 

鹵水拼盤食剩好多 , 合共一盒滿滿的 .

 

" 潮潮居 " 嘆茶

閒來無事到屋苑商場看看順道飲茶

 " 潮潮居 " 中午茶及下午茶錢 $ 13 , 

而點心不論大 , 中 , 小點一律 $ 26 , 

價錢抵又不用等位好方便 .

蜆芥炸鯪魚球外面脆脆地裡面爽口彈牙 , 

蜆芥都不用蘸 , 鯪魚球味道已甚啱我倆口味 .

芋蓉鳯尾蝦我以為鳯尾衹是蝦尾硬穀部份 , 

原來是整隻爽口鮮甜的蝦 , 

芋蓉裡還有些菇粒和蝦米仔味道好好 .

家鄕蘿蔔茶棵外皮太軟了 , 

饀料有少許蘿蔔粒 , 唐芹和一些不知名食材 , 

味道可以但我們較愛吃甜饀的茶棵 .

蟹籽蒸燒賣饀料的豬肉和蝦好新鮮爽口美味 .

魚肚灌湯餃

淡而無味的湯 , 所以魚肚都係冇味 , 

餃裡食材一般都係沒有特別味道 .

飲完茶周圍看看 , 

好大的宣傳板 , 後面擺著各種空氣清新機 , 

這裡所有產品都是科大研發的, 

其中一款手提驅蚊空氣清新機頗為吸引 . 

我家住新界間中有蚊侵襲在所難免 , 

曾用過兩部驅蚊機効果嘛嘛都要三幾百元 , 

回看這部手提機樣子唔錯 , 

有四種顏色粉紅 , 粉藍 , 米色和白色$ 999 

雖然貴少許但總算是本地研發 , 

所以買部粉紅色的以示支持 .

黃雨下簡單自煮

週末掛起黃雨警告 , 

行雷閃電好嚇人的滂沱大雨 , 

雨稍轉細到超市買些簡簡單單的餸菜便立刻回家 .

蒜茸黑椒牛展蒸粉絲

洋蔥炒蛋

清煮有機紫椰菜 , 

今次紫椰菜甜味比普通菜淡又硬 , 

煮的時間長了顏色變得非常暗啞 .

. .
 

屯門 ＂聚聚 ＂晚餐

上次在姪女婿家中見過他的冷暖風機 , 

樣子唔錯而且據說已用好幾年覺得唔錯, 

由以放睡房較細的機 , 冬天當暖風機効果幾理想 , 

我家住新界冬天較市區寒冷 , 

引得我好想買部試試, 

去過幾間大電氣鋪都沒有細冷暖風機 , 

我們特意去位於屯門 V City 的專門店看看 , 

果然有細的機  , 售貨員耐心介紹和試用給我們看 , 

很久沒有見過咁好禮貌又有耐性的店員了 ( 讚 ) 

我們不想立刻買機還想行下街吃完晚飯才買 , 

店員好禮貎又好笑容地表示 

唔緊要我們 9 點鐘才收工 , 

行完街吃完晚飯來都唔遲，開心地離開 ! 

屯門好幾個商場連貫起來 , 甚多店鋪可行 , 

行到屯門市廣場2期 , 差不多時間吃晚餐了 , 

今次飯店名" 聚聚 " 現在很多食肆的名稱都好得意 , 

茶位$ 11 今次叫了兩款餸 , 一個菠蘿炒飯 , 一款甜品 , 

雖然食物一般 , 但店員工作態度很不錯 , 有下次 ! 

芥末沙律花姿卷 $ 48 ( 5 枝 )

每枝卷做型像尖尖手指好脆好熱

裡面包著魷魚幾鮮味 , 蘸上芥末沙律醬更添美味 . 

沙薑鹽焗脆魚花壇 $ 128 

魚肉連皮好爽口可能是脆肉鯇魚 , 

還有些魷魚和不知名的菌 , 味道還可以 . 

火熖菠蘿炒飯 $ 138 

店員對我們說：你們要影相打卡嗎？ 

店員用火鎗噴菠蘿皮燃起少許火熖 , 

室內太光影唔到火熖 . 

菠蘿好大個盛滿炒飯 

配料有蝦蛋翠玉瓜粒蛤仔墨魚粒等味道一般

金稻海鮮盛薈 $ 98 

全部海鮮放盤外還有中間放上一個脆脆飯球，

把飯球壓爛吸湯汁幾好味

冷暖風機

 

荷里活廣場 "夏麵館 "

荷里活廣場我們已好幾年沒有到訪 , 

商場範圍唔大曾翻新過 , 增設許多不同店鋪 , 食肆也不少

 " 夏麵館 " 好幾年前我和相公曾到銅鑼灣區的夏麵館吃晚餐 , 

食品也算過得去的 . 今次在這裡遇上當然要試試了 . 

優惠餐 $ 288 松鼠魚一條另選兩款小菜和小籠包4件 

茶位$ 10

松鼠魚 

黃花魚本身魚味較淡又炸得太干 , 好硬 ! 

配料頗多 : 松子仁 , 青椒菠蘿紅椒切幼細粒 , 

酸味較濃味道一般 . 

四個小籠包 

有三款饀可供選擇 : 

1 . 菌菇小籠包 2 .藤椒雞肉小籠包 3 .麻辣小籠包 

幾種饀似乎唔啱口味 , 侍應姐姐提供不如衹要高湯吧 ! 

不想試新口味 , 都是傳統口味較合心意 . 

小籠包湯汁很少 , 肉饀味道都算可以 .

蔥爆牛肉落鹽太重手 , 好鹹大蔥好老 . 

黑醋話梅骨味道唔錯， 

但加埋松鼠魚的酸較難接受 , 打包回家好了 .

白飯 $ 12

餸菜送來速度太快了 , 一下子全部到齊 . 

點心紙的名稱 " 忘返榴槤酥 "

 ( 唔太明意思 ) $ 48 伏了 ! 

首先酥餃微暖大打折扣 , 饀料食唔出榴槤肉 .

" 點心到 " & " 客家好棧 "

轉眼又到週末出省到油麻地行下 , 

先搵地方吃午餐 , 沿著彌敦道找心儀食肆 , 

街上遊客也不少 , 大部份都是國內年青人居多 , 

甚少拉購物車的 , 區內多了許多新開的食肆 , 

大都是較細型的店鋪 ( 所謂點心專門店也不少 ) 

最終我們到 " 點心到 " 飲茶 , 

店很細坐位好逼 , 

我倆坐向著木板雖然距離狹窄 , 

總好過貼著其他客人的枱 .

茶錢每位 $ 5 這裡點心非常熱要小心 ! 

欖仁榴槤酥 $ 30 

第一款送來就是甜點 , 

裡外都熱得很差點把咀也燙到 , 

酥皮簿又層數多 , 榴槤饀甜而不膩 , 

口裡充滿著榴槤香味滑溜溜的肉好吃 ! 

卡通流心芋蓉包 $ 24 

樣子怪看不出是什麼卡通人物 , 

又差點被燙著咀 , 太熱了 ! 

但吃得好滋味 , 皮簿芋蓉饀好香芋頭味唔太甜 " 讚 "

蝦餃 $ 16 兩隻 

数量少可以試多幾款 , 

蝦好鮮甜美味同樣熱辣辣的 , 

皮稍為煙韌摺口好硬 , 可能澄麵粉放得太多了 , 

濃湯鮮竹卷 $ 21  

濃湯好熱估計是用腐竹煲的 , 

味道清淡鮮竹卷饀是素食材 . 

豐料糯米雞 $ 32 名不符實 , 

除少量肉碎夾雜微酸味的汁 , 其他就是糯米( 都算爽口 )

燒賣 $ 16 二隻 

除絞肉還夾雜些切肉粒幾好味 , 

燒賣頂放上大蝦幾爽甜 . 

我們座位對著大街的巴士站 .

飲完茶周圍逛 , 行入廟街看看 .

廟街已成為中外遊客的打卡點 , 

店門口排隊等買嘢 , 其他成員站在路中間等 .

傳媒曾報導的廟街夜繽紛 , 

路兩旁擺著齊齊整整的攤位 , 

大部份都是香港小食 , 當然唔少得的雞蛋仔囉 ! 

行到晚飯時間 , 看見久違的客家好棧 . 印象好似食過吧 ! 

這裡也是流水作業式經營 , 

踏入門口有人機械性問幾位 , 飲咩茶 ! 

跟住把 QR CODE 單和茶葉放入你手中 , 程序完成 , 

自己行入裡面 .

似曾相識的自動煲水機  , 

周圍望望侍應姐姐的制服和草帽也是似曾相識的 . 

哦 ... 想起了跟 ( 黃大仙 "客館 "  ) 一模一樣的 .

菜譜上的菜式大部份都不是客家餸菜 , 

我們本想食客家菜今回又一次失望了 . 

今次唔敢再叫套餐了 , 衹叫了三款食物 , 

客家煎釀豆腐 , 福建炒飯 , 小炒皇三樣食物全都好油膩 . 

客家煎釀豆腐 $ 88 

豆腐送來微暖怪不得下面有白腊燒著 , 

釀的豬肉唔熱 , 豆腐幾滑好多油 .

原味客家小炒皇 $ 98 

食材 : 硬而冇味的豆干條 , 腰果唔脆 , 

硬蝦干 , 沙葛 , 蒜心好老 , 腩肉條等用豆鼓炒味道都可以 , 

但好多油 .

福建炒飯 $ 128 

食材: 蝦粒 , 雞肉粒 , 豬肉粒沒有味 , 

連瑤柱絲都冇味( 好似煲過湯好腍 )紅蘿白粒好硬 

食材冇味可以接受但油多較難了 . 

我們從來都不想浪費食物 , 

但今次都要了 , 把沒有咁多油的飯和食材揀來食 . 

黃大仙 " 客館 "

 

Pizza Hut晚餐

續 : 第二屆家鄉市集嘉年華

維園市集還有些攤位沒有參觀便離開 , 

除了落雨濕濕影響行程外 , 

另外一個原因是去年行完工展會找地方吃晚飯 , 

大多數食肆都爆滿 , 門前還站滿等位的人 , 

想著今次醒少少早點離開市集找地方吃飯 . 

但今次跟上次好唔同 , 街上冷清清路人比以前少許多 , 

由以國內遊客不多見 , 

以往崇光百貨門前的班馬線擠滿人等過馬路 , 

現在班馬線等過馬路的人不及以往 1/3  .

今次到樓上鋪的 " Pizza Hut  " 佈置也不錯 , 

入座大概少過1/3 枱客( 當時已晚上六點半多了) 冷清得很 , 

今次我們食爆脆二至三人套餐 $ 349 

這個餐份量好多 , 足夠三個人吃 , 

今餐又要把部份食物帶回家去 . 

餐有 1 . 餐湯  2 . 必勝批  3 . 前菜 1 客

 4 .小食一客 5 .沙律/ 意粉 / 歐陸精選 6 .甜品 

海龍皇湯有海鮮味 , 食材衹有蝦粒配熱奶茶 

意大利蔬菜湯味道幾酸配熱朱古力要加 $5 

芝士球10粒 , 

我最鍾意食裡面的芝士和不知名的配料微辣好惹味 ,

酥脆蝴蝶蝦4件 好酥脆蝦好爽口鮮甜 .

必勝甜芝芝奶油批

厚批皮加少許煉奶味道也不錯份量太多了 , 

衹吃了兩件又要帶回家 .

意式風情厚批 

厚批饀 : 雞粒 .豬肉粒 , 菠蘿粒和火腿等 . 

食哂這個批已好足夠 .

送餐的速度非常快 , 部份食物未趕及開動 , 

全部食物已到齊 , 食物大部份是脆口才好吃 , 

放涼口感大打折扣 .

金牌葡汁焗飯吃過上面的食物已非常飽 , 

飯沒有吃全部打包回家 . 

紫菜 $  50 兩包

產自青藏高原海拔3100米茶卡鹽湖的鹽

$ 20一包幼鹽( 買二包送一包粗鹽 ( 中間位置 ) 

小青柑茶 $ 150 

茶餅 $ 150 兩款都是熟普洱茶 

胡椒餅 和 老陳醋同樣 $ 10