黑椒蒜茸蒸三文魚鰭

超市愈來愈多雪海產擺賣 , 

現在每次到超市必定到冷凍柜看看 , 

有三文魚鰭二十幾文一包 , 細細包蒸也不錯 .

清炒油麥菜 

排骨頭栗子腰果合桃鳯爪湯 , 

牛肉煮紅蘿白薯仔 , 

黑椒蒜茸乾葱蒸三文魚鰭 , 

魚鰭包裝好密實覺得份量好少 , 

解凍後原來份量也不少啊 ! 

薯仔食唔哂留明天午餐食 .

 

魚肚燒肉炆冬菇

午餐 : 把火鍋食剩的雞拆肉煮麵慳水慳力 .  

晚餐 : 肉碎豆腐蒸蛋 清炒椰菜 魚肚燒肉炆冬菇 .

" 稻神食堂 " + 自家火鍋

很久沒有到濕地小區遊逛 , 

其實這地方正名是 ( Wetland Seasons Park 商場 )  

商場有兩間食肆結業了 ( 湯加 , 漁米加 ) 

今次我們專程到 " 稻神食堂 " 

看看該店兩位很有禮貌的侍應妹妹 .

好開心又見到她們 , 同樣我們一坐下 , 

她立刻送兩杯大熱白開心過來 , 還輕聲說小心熱呀 ! 

自從飲過這裡的檸檬薏米水就愛上了 , 

本來套餐配熱飲品 , 轉檸檬薏米水要加每杯 $ 5

越式豬軟骨米粉 $ 52

豬軟骨炆得好腍滑 , 

骨都可以食好入味有四大件 , 

配菜有 : 

大豆芽菜  韭菜 , 雲耳 , 小棠菜等

湯微酸辣配合得好好味 .

三條排骨菜飯 $ 54 

排骨炸得較乾好入味 , 

菜飯混上有味的汁 , 我倆都愛吃這個味道 .

吃過下午茶順道買點餸菜回家, 

經過濕地公園遠處圍上板好似正進行工程 .

現在兩餸飯店愈開愈多 , 

這裡每間店隔兩至三間鋪便有一間 , 

短短路程已有三間店 , 

最初開的兩餸飯店餸菜較少款 , 

現在除了魚 , 蝦 , 蟹 , 家禽 , 現在還有燒臘 , 

食物林林種種非常多元化 .

相公愛吃雞也可以買 ( 半隻 ) 

今餐相公想食火鍋 , 到日超買食材 .

餃子 , 泡麵 , 豆卜和硬豆腐 , 還有白蘿蔔和秋葵 . 

通常都會眼濶肚窄 , 

雞衹吃腿 , 雞腿未熟透要放入湯裡灼熟味道唔錯 , 

秋葵超老好難食棄之 ( 可能過時了 )

泡麵太飽沒有吃 .

飯後果 ( 日本梨 ) $ 50三個 , 

生果店的店員不停游說 , 好甜好好食 ( 伏了 )

肉質和味道有如已熟透的啤梨好粉但酸的 .

 

荃灣海之戀商場 " KiKi 麵 "

天氣回暖少少又可以周圍逛 , 

乘西鐵到海之戀商場好方便 .

小小一角的聖誕佈置好貼題 .

另一角落營造溫暖的家好舒服 .

國內海底撈火鍋 , 這裡也開一間 .

 網上有關這店服務好窩心 , 會盡量迎合客人要求的 , 

最為大眾知悉是員工表演跳舞 , 

還有免費幫等位的客人修甲 , 

裡面是否有跳舞就唔清楚 , 

但門外除了等客區還有幫女仕修甲 .

修甲員好細心幫女仕修甲

...............................

晚餐到 " KiKi 麵 " 

我都幾鍾意到這裡 , 氣氛好文青又少客 , 

可以舒舒服服慢慢食 .

我們叫兩客全日餐 , 沒有加一服務費 . 

 醬煮大根原湯紅燒牛肉麵熱白桃烏龍茶$ 158 

侍應姐姐曾跟我們表示大根不是熱的 , 

當我表示唔想要她主動跟我說可以叮熱 , 

服務態度唔錯 , 

大根煮得好腍醬油味好清味道也不錯 , 

紅燒牛肉炆得好入味又夠腍 , 

四大件牛肉調味好適當 .

寶島滷大排飯配熱白桃烏龍茶 $ 176

另叫小食蟹粉豆腐 $ 18

名符其實大排飯 , 豬扒炸過再煮好入味唔( 柴 ) , 

滷肉和滷蛋好好味 , 

一小段台灣臘腸好軟味道唔錯 , 

另加的蟹粉豆腐本來是凍的 , 

侍應姐姐也給我們加熱 , 好窩心 ! 

豆腐好滑蟹粉好淡 .

音樂劇 " 朗天路上" 巡演

網上資料 : 

由2019年開始，

社區節目辦事處推出「十八有藝」社區演藝計劃，

把表演藝術帶到全港十八區，

讓藝術家在社區深耕細作。透過可延續並深化、

富有互動元素的參與式活動，

「十八有藝」致力讓市民大眾身心受益，

建構屬於不同地區的社區藝術項目。

音樂劇 " 朗天路上 " 巡演 .

劇情由6位三男三女演繹幾個不同故事 . 

有歌舞有劇情睇得好開心 , 

表演時間一小時沒有座位全程企著看 , 

但覺得好值得觀看 .

剛開始表演觀眾不多 , 

可能佈置簡單又沒有坐位提供 , 

後來愈來愈多人把三面都企滿觀眾 , 

氣氛甚好 .

................................................

簡單晚餐 : 

木瓜雪耳腰果椰果素湯 

牛肉炒沙葛 

燒肉豆腐小棠菜 

 

" 星公館 " 晚飯

想不到往那裡吃晚飯 , 

腦海一閃前排到會所" 星公館 " 食晚飯 , 

付錢時給我們一張 $ 100 優惠卷 

( 超過$ 500便可使用 ) 今次可派用場了 

現在我們習慣每次到任何食肆都盡量提早入座 , 

未夠鐘入座無聊影下" 星公館 " 門口這座佈置 ,

 水車轉動起來有煙出 .

超值龍蝦組合 $ 488  : 

上湯焗龍蝦伊麵 

龍蝦好新鮮好爽又鮮甜 , 麵味道都唔錯 .

姬松茸海參豆腐煲

豆腐炆得好味又滑 , 姬松茸炆得微爽好味道 , 

反而海參用上黃玉參太爽口了 , 

我覺得這款餸比龍蝦還好吃 . 

奶皇得意小桔仔  ( 晚市 $ 38 , 茶市 $ 28 ) 

到這裡幾次都食唔到 ( 太受歡迎賣哂 )

今次終於如願了 ! 

包身一般 , 奶黃好香奶味 , 做型十分似桔子 .
 

聖誕佈置 : 置地廣場 + 太古廣場

今日出省到中環置地廣場睇聖誕佈置 , 

覺得這裡比較商業化 , 

以前佈置著重聖誕氣氛 , 

今年衹有少許卡通公仔 , 

好像跟聖誕節連不上關係的 , 

頂層蝴蝶結和第二層會轉動的 ,

還會按時轉換燈光 , 太偏紅相片效果差 .

佈置太大我們往上層才影到整座佈置 .

環繞建築物一周便離開 . 前去金鐘站 .

.................................

太古廣場

今年佈置比去年較簡約 .

這扇門平常是關上 , 

衹要按一下右手邊小妹妹看著的按鈕 , 

門便自動打開 , 同時出現卡通公仔 .

不斷按制就會不停更換各種景物或卡通人物 .

小朋友玩得好開心 .

排隊入內唔知有咩嘢睇 , 我倆沒有跟隊入內 .

公仔太大在平地影唔哂全貌 , 

我倆往上層影下去 .

大公仔手會不停向上下舉動 , 

而眼腈就往左右轉動 .

 

恭祝各位網友聖誕快樂 !