太古廣場聖誕佈置

        金鐘太古廣場一年一度聖誕佈置, 

          今年佈置比幾年前失色少許 ,

從前很少見竉物到商場遊逛 ,

但今次看見好幾隻竉物到商場佈置內影相 ,

狗狗好可愛引得大家齊齊影相留念 !  

三隻哥基仔雖然好可愛, 

但要牠們坐定定影相 ,  實非易事 .

主人花好多說話和零食才把牠們坐定定 .

又有四隻狗狗坐車車等影相 , 

我估第一和第二隻係柴犬 , 

其他兩隻看不清楚 .

食物車係真的 , 不是佈置 .

在商場行一圈人流很少, 而且找不到心水食肆 ,

我們轉到旺角趁熱鬧 , 

終於在西洋菜街搵到間 ( 名字: 好好點心飲茶專門店 )

除點心還有椰子雞煲供應 .

店內全是卡位 ( 不超過二十個卡位 )

店內食客大多是國內遊客 .

功夫茶要自己炮制 , 茶具每枱一套 ,

沙嗲金錢肚 $ 33

懷舊雞包仔 $ 25

味道和價錢同普通茶樓差不多 .

香茜牛肉腸粉$28幾滑牛肉餡很多味道唔錯 .

相公至愛土魷肉餅煲仔飯$58

飯味和肉餅幾香口 . 

我們看見隔離枱對夫婦頻頻吃籠裡食物 ,

好似好好味, 剛好侍應姐姐行過問她籠裡是什麼 ,

喔!陳村粉就這樣伏了 !

排骨陳村粉$45 , 

衹有幾粒肥肥冇肉排骨( 蒜頭豆豉都唔多粒 )

陳村粉份量超多吸哂排骨的油 , 粉變成油漉漉冇味難食 .

                  

亞活羊腩煲

天寒地凍最啱吃火鍋/煲仔飯/羊腩煲 , 

相公聽到全都是他的至愛,當然讚成囉 , 

近近地到屋苑附近商場看看邊間吸引 , 

大快活無咩人就食呢間 ( 自從一人燒肉店開張後 )

亞樂和亞活快餐淡咗許多容易搵位了 .

賣了二人套餐$168 : 

羊腩煲配白飯, 灼生菜和鹿茸菇燉雞湯

京都豬柳配白飯和鹿茸菇燉雞湯

二個餸份量唔少我們吃剩打包回家 .

鹿茸菇雞湯配料除了雞 , 瘦肉還有金腿和鹿茸菇

湯味有點像姫松茸菇湯 ,

湯裡的雞還有少許雞味 ( 不錯 )

羊腩炆得腍唔羶份量唔少 , 

配料是傳統的馬蹄 , 冬芛 , 冬菇 . 

豬柳有五件酸酸甜甜腍滑送得飯 , 

配料三色椒 , 洋蔥和桃 .

 

彩逸皇宮晚飯

早前行過彩逸皇宮門前 , 

看到宣傳二人套餐$638,

餸菜都啱食還包茶芥及加一 , 

前去試試又可以做無飯煮婦 .

 精裝佛跳牆

上湯波龍蝦伊麵 

清蒸海杉斑( 約一斤)

琥珀桃蜜豆百合

健康蒸麥糕

佛跳牆 

螺片(好韌)排骨,冬菇, 花膠仔, 鮑魚仔, 鳯爪

湯濃甜不錯 .

上湯波龍蝦伊麵, 龍蝦味道唔錯幾新鮮

琥珀合桃蜜豆百合 

炸合桃酥脆我最鍾意這款 

                                       

                             清蒸海杉斑頗為新鮮

蒸麥糕唔太甜這間酒樓餸菜算唔錯, 

侍應員自動來收拾吃完餸菜的吉碟和骨碟 ,

我食好幾間食肆都沒有這種服務了 , 除非你搵佢地收拾 .

臨走侍應還問我們是否吃紅荳沙( 相公最愛當然食喇 )

忘記影相紅荳沙有陳皮蓮子起沙, 好吃 !  

 有下次 !

 

尖沙咀海旁聖誕燈飾

出省遊逛去尖沙咀海旁看燈飾 , 

上次太早到利東街看燈飾 , 天還沒黑齊未能突顯燈飾的光亮 .

今次特意傍晚才出發 , 先到尖沙咀名店林立的廣東道看看, 

街上國內遊客明顯比以前少了許多 , 

以往名店門前總是排著長龍等買包包的人 ,

現在衹有三幾位遊客排隊 . 冷清清的 !

時間尚早先吃晚飯再前去海旁看燈飾 .

海皇粥店印象中食品以粥為主 , 現在有晚飯套餐供應.

除2客套餐外 , 還另加一碟牛肉腸粉 .

牛肉腸粉好滑 , 牛肉有馬蹄碎味道一般 .

                                                               豉汁排骨飯配熱豆漿 , 

                                                              排骨超稔無牙都無難度.

糖醋肉排飯配熱豆漿

肉排味道算可以 , 但就算夠牙力吃起來都花時間嘴嚼很乾又嚡 .

今餐伏了 , 冇下次 !

海旁燈飾今非昔比 , 簡約為主 .

從前每年大節日都吸引超多人到這裡打卡影相,

今年竟然冷清清 , 大部份都是國內遊客居多 ,

                                        海傍多咗很多小遊艇招攬遊客維港遊欣嘗兩岸夜景 .

                                                    從前尖沙咀碼頭整天聚集大量人羣 ,

                                    賣藝者 , 各國遊客和本地人等朋友的好地方, 熱鬧非常 !

                                                                          今天冷清清的 !

灣仔利東街聖誕燈飾

每逢節日我和相公都愛到鬧市和較大型商場遊逛,

趁熱鬧之餘順道欣賞場內的佈置,

臨近聖誕節第一個想去的地方是灣仔利東街.

傳媒曾佈道這裡每晚 5:30 分所有燈飾同時亮著, 

還有飄雪表演(但沒有講什麼時間)

我們想著如果遇上飄雪就好開心了!

差不多晚上6點鐘天還未黑齊, 這街道有2個入口.

                                             街內遊人疏落冷清清 , 從街頭行到街尾 ,

燈飾簡約沒有什麼好看 

終於遇上早來的聖誕老人

                                               回想早幾年這裡熱鬧情境仍在腦海中,

                                                   又遇不到飄雪 , 感覺有點兒失望 ! 

                                                   轉到街外看看順道找地方吃晚飯 .

                                             近年香港多了許多名字很別緻的小飯店 , 

今次我們被它的名字吸引入內 .

名為 : 堅信號

點了2個晚市套餐

1 : 上海粗炒麵配紅油韭菜餃子2件$68

    2 : 京蔥炒牛肉跟飯配紅油韭菜餃子2件$73

另外叫了一杯鮮豆漿$3

堅信號生煎包$16 二件 , 灌湯小籠包$16 二件 

店鋪雖小食物都算不錯 , 由其生煎包湯汁鮮 , 包底脆脆的,

而小籠包皮唔算很薄但總比上次北京樓還要好 , 湯汁一樣鮮味.

                                               每張枱窄窄的 , 稍為健壯都有點難度 .

        

 

飯聚

日前相約相公侄女一家三口吃飯, 

我們已幾年沒有見面了,

地點是沙田新城市廣場的北京樓吃晚飯,

很久沒有到沙田走走, 我和相公提早個多小時到達新城市廣場,

商場明顯曾裝修過,

記憶中從前商場人潮擠迫,現在遊人少了許多.

但進駐許多日式和韓式食肆.

吃飯時間到了, 我們一行5人 , 姪女和姪女婿沒有太大改變,

而姪孫女可人兒長高許多已經高過我.

我們叫了八個餸菜,寒暄幾句鮮黃花魚羮就送來.

    點菜時講明一窩魚羮,好奇怪用碗上來,

            我們以為是店的慣例, 不以為意繼續享用 .  

魚羮除了薄薄魚片外還有小棠菜和羗片, 如改用香菜更好吃. 

翡翠油爆帶子味道一般

叉燒蟹殼王

看名稱好像有蟹成份, 哈哈其實衹是叉燒酥. 

香口酥脆真不錯.

小籠包6件

手慢影少一件, 皮好厚手功麻麻, 肉汁頗為好味.

二蝦鍋塌豆腐味道一般

填鴨半隻, 片鴨師傅手工了得每片鴨都衹帶少許肉.

鮮腐竹雞毛菜

對菜名有點好奇 ,

哦! 衹是普通的腐竹煮小棠菜.

豉椒牛柳絲炒拉麵

當我們吃麵之際突然響起男兒當自強首歌, 

我們立刻周圍望發現歌聲來自近廚房出口處 , 

好像有人正在表演手拉麵(可借在有疏隔的板間後面)

回想當晚這間北京樓無論餸菜和服務相比幾年前食過的北京樓很大差別 , 

滿枱放滿吃完餸菜碗碟都沒有侍應主動收拾, 

點菜後所有侍應就不知往那裡去.

服務態度超嘛嘛 , 結賬時發覺魚羹價格不副, 菜譜一窩$228, 

另外一碗上就$70 , 然而我們衹有4個食, 當然係一窩上喇 ,

就變相收多幾十文, 當我們提出問題 , 明明是他們出錯 ,

但埋單侍應員態度好像好不滿意 .

以後埋單時是必要睇清項目價格 .