長炭煲仔飯

又到屯門市廣場閒遊 , 可能是星期五關係 , 

國內遊客佔比例也不少 , 

他們大都拉著車仔或旅行喼買買買 .

商場內食肆佔比例也不少 , 

我諗起碼有二十幾間( 大部份都是中小型 )

我們被窗櫥裡面的大圓爐吸引 .

大圓爐用來焗雞 , 隔離的爐用長炭正在煮飯 .

這間店標榜用長炭煲飯和燒雞 , 我們入去試試 .

套餐有兩種不同價錢的 ( 其中一種有燒雞一隻太燥熱了 )

我們揀了$258 二人套餐另加10%服務費 .

雖然收了加一服務費但唔覺有咩服務 , 

幾個男侍應衹企在近門口處 ,

一点都沒有留意堂食的客人 . 

粉葛豬肉瑤柱赤小豆湯 

粉葛很粉甜 , 湯味濃郁好好味 .

柱候蘿蔔牛腩煲 

蘿蔔超多幾甜 , 牛筋幾腍份量比牛腩多些 , 

牛腩好嚡又沒有牛肉味 .

欖角蒸鮮黃骨魚 

魚很新鮮好滑蒸得僅熟冇乜魚味 . 近骨的魚肉唔敢食 .

早幾年前曾食過這種魚 , 魚皮是淺黃色 , 

而這條魚皮是淺草綠 , 有點怪 !

北菇滑雞煲仔飯 

細細煲飯衹夠一人吃 , 

店標榜用長炭煲飯更加說飯焦薄脆 , 

而我感覺打開煲蓋沒有煲仔飯香味 , 

飯很油 ( 嘛嘛 )

飯焦微黃厚硬脆冇香味 , 

感覺亞活快餐的煲仔飯雖然沒有飯焦但有飯香味 . 

整個套餐衹有燉湯可取 .

 

四寶套餐

  我們又到彩逸皇宮吃晚飯 , 

上次食過$638 二人套餐覺得唔錯, 

當晚看見菜譜上還有另外一個二人四寶套餐$288 ,

餸菜似乎啱口味 ,

還有每星期一至星期五都有一款半價餸菜 , 

剛好星期一半價是琥珀合桃蜜豆炒鮮百合 ,

這是我們愛吃的 .

先來小食蜜汁叉燒伴蠔油豆 , 

空口食味道稍濃送飯較好 .

籠仔荷葉蒸花甲

蒸得較熟稍要花牙力 .

   琥珀合桃蜜豆炒鮮百合原價 $ 88 ,

   現在半價$44 , 一如上次合桃鬆脆 .

                                                         蒜茸粉絲金菇蒸台山蠔

                                    我們落單時特別要求把蠔蒸熟些 , 

                                     但可惜仍是剛熟又淡好腥唔啱食 .

最後是清蒸龍躉頭腩5件味道一般 .

現在酒樓生意很差沒有人擺酒 , 

可能又係星期一更加靜 !

除了相公後面好幾張枱都沒有客 , 

另外旁邊的枱都沒有開 , 

早在疫情前這酒樓經常擺酒 , 

衹留少部份地方用作招待客人食晚飯 .

翡翠拉麵小籠包

過去幾年留在家中沒有到外面飲食 , 經常買外賣回家 , 

但總是覺得外賣沒有堂食好 , 現在疫情放援市面回復正常 ,

我和相公兩個為食猫好多嘢都想食 , 現在係時候補嘗一下了 .

今次到旺角新世紀廣場的翡翠拉麵小籠包 .

擔心旺角地點人多, 特意提早入座 .

現在很多食肆茶錢一般都是 $ 10 一位 .

今次整體來說都不錯 , 有下次 ! 今餐加一後 $ 330 

菜肉雲吞湯拉麵 , 食物未到先來炸花生 $ 8 鬆脆好吃 , 

往日到食肆從未試過把所有花生吃個清光 , 今次例外 .

菜肉雲吞湯味道唔錯 , 饀料和拉麵也很好 , 

鮮肉鍋貼煎得很脆可惜有少許小黑點 .

鱔糊炒拉麵較肥膩味道一般 , 鱔肉爽口不錯 .

本來我們點了高力豆沙 , 待應姐姐話冇豆沙 , 

為有改叫蘿白絲酥餅 , 外面酥酥的饀料蘿白絲汁剛好味道清甜, 

熱辣辣我差點燙到咀非常好吃 .

等食物之時聽到隔離枱叫豆沙鍋餅 , 

同樣用豆沙饀料侍應姐姐竟然没有話冇 ,

所以好奇心驅使特別留意究竟有沒有送到他們面前 ,

唷....有的 ! 奇怪 !!

湘川滬

商場裝修期間湘川滬停業好幾個月現在重開 ,

裝修後內部比較光亮座位較寬敞 , 

而門外座位全部取消 , 變相座位少了 ,

從前可在店外面望到玻璃窗內的工作人員搓粉和包點心( 取消了 )

重新開業經常要等位 , 衹好提早入座 .

現在好多食肆服務態度都像同一模式 , 

餸菜送來放下侍應員立刻閃得無影無踪 ,

偶然見到他們靜靜地企在遠處觀望 .

每張枱都放上一熱水壺自己加水 , 每位茶錢$ 10

沙鍋吞雲雞半隻 $ 166  

從前侍應放下來會把食物分到碗中 , 讓我們慢慢享用 , 

現在放下立即閃了 , 雲吞8隻其他食材都是一般 ,

湯的份量超多 , 四至五人都夠飲 , 味道可以 .

雞不像煲過湯 , 

好像把白切雞放落湯裡滾幾滾.

排骨担担麵$ 68

炸排骨熱乎乎肉質鬆軟外面脆好好味 , 

掛住食忘記影相 ,

 突然記起已吃了一半麵條 , 

這裡做法有點不同係麻辣的, 

但菜譜沒有註明麻辣 , 

好辣又麻用白開水洗過差點都接受不了( 伏 )

                                                               招牌小籠包 $ 48

皮都幾厚肉汁可以 .

高力豆沙 $ 46

我們的至愛 , 送來的竟是幾個像洩了氣的皮球 , 

裡面的豆沙微熱而蛋球裡好似未熟透 , 超失望 ! 

 

工展會平安夜

一年一度工展會又來了 , 會址仍是維多利亞公園 , 

過去幾年因應疫情關係都沒有去 ,

今次特意揀星期日又是平安夜 ,

行完工展會晩上又可以在銅鑼灣鬧市感受平安夜節日氣氛 .

不經不覺已是第57 屆

入場人仕拖男帶女好熱鬧 , 我們本來從第一行開始 , 

行行下就跟著人群周圍逛 .

$ 65 任選三款花生糖 , $ 100 四款 ,

我揀咗合桃花生糖和腰果花生糖 , 

買得好高興 , 我們人少衹買三筒.

見人買我地又買 , 買咗即磨黑白胡椒粒每樽$22

五色雲豆$ 100 四包

見到人多睇 , 我地行埋去看看 , 

原來 $100 一份三種不同厚度的冬菇 ,

有人試食後話唔錯 , 我們也買一份 .

好多人無懼寒冷排隊買雪糕食 .

美食區

遊人行到肚餓 , 就即時買食物圍著圓枱仔一齊享受 .

形形式食物都有 , 龍蝦半隻$ 70用芝士慢火煎熟 ,

串燒豬, 羊肉還有美食舉不聲舉 , 太香了引得我們也餓了 .

離開會場到外面搵食 .

走到鬧市周圍搵 , 間間都座無席要在門外等位 , 

最後看見商厦樓上食肆有位就入去 .

這店新開張食物款式不多 , 

叫了兩客套餐香茅雞扒飯$ 52配越南咖啡, 超平 ! 

另外一客雞絲扎肉湯粉 $ 56 配可樂 

另加小食 $ 15香茅雞翼味道唔錯雞皮熱辣辣好香脆 .

還有 $ 15 炸魚餅 , 侍應話唔辣 , 我覺得都幾辣 , 

新開張工作人員遇上節日 , 忙到團團轉 , 

我的湯粉未到 , 唯為先吃幾口相公的飯 , 靜靜地等待 .

期間熱情的侍應來問有冇未來食物 , 

講好多次催廚房 , 要來的不來 , 總是錯 !

炸魚餅都到了, 我的湯粉究竟往那裡去呢 ? 

噢 ! 終於可樂和湯粉到了 , 但忘了影 , 

魚餅混上疑似豬耳骨碎香茅剛炸出來 , 

味道唔錯可惜較辣 .

報佳音 

很久沒有見到這樣的熱鬧氣氛 , 

每個人面上都開心興奮迎接聖誕節 .

冇諗住買咁多嘢 , 但見到每個人都興高彩地買 ,  

我們都買些回家 ! 

祝各位網友聖誕快樂 ! 

千色店購物燜燒罐

        天氣寒冷人也懒起來 , 

估不到家中燜燒罐也行動慢起來 , 

每天早上都會用燜燒罐煮即食麥片, 

這幾天燜燒罐煮出來的麥片煮唔透 , 

這罐用了幾年可能係時候退役了 , 

屯門新城市廣場千色店款式甚多 . 

先到廣場看聖誕佈置 .

今年幾個廣場聖誕佈置全都非常簡約 , 

這裡都一樣 , 怪不得那麼少人來 .

相片好朦其實係景物在大氣球裡面 , 

遊人排隊入內和公仔影相 .

紅衣工作入員在氣球裡面安排遊人影相 .

買完燜燒罐周圍遊蕩 , 睇嘢人多買的人少 ,

哎唷 , 比相公唔覺意睇到AEON裡面竟然開咗間點心專門店 ,

又有他的至愛煲仔飯 , 注定今餐又要陪他飲茶了 .

店名 : 名點屋

珠圓肉潤陳皮牛肉腸粉 , 甚少見腸粉下面咁厚 ,    

都算幾滑牛肉一般 .

鮑汁鮮竹卷

獻汁開唔均好杰 , 

一點鮑汁味都沒有 , 饀料一般 .

香滑合桃包 , 

皮厚合桃茸少 , 好彩有碎合桃補上 .

北菇滑雞煲仔飯 , 煲仔細細飯不多 , 

把菜攞走整個飯面鋪上雞胸唔嚡 , 

雞皮好肥所有雞油落哂飯裡 , 

沒有飯香味衹有超油膩 .

吃完煲仔飽了 , 衹吃了一個合桃包 ,

其餘兩個合桃包打包回家 .

蟹籽燒賣4粒 , 三粒有蝦味道一般 .

本來想買一個$325 , 但售貨員話唔抵 , 

禮盒裝原價$468有一大一小 , 現在減價$ 358就可以了.

就係這樣無端端買多咗個燜燒杯 , 

其實冇咩用 , 家中已有三個保暖杯.