活化中環街市

吃過午飯搭港鐵出省到中環 , 

乘搭半山自動扶手電梯往上到堅道看看 

我雖是本地居民但都沒有真正搭過電梯上堅道 . 

反而網上很多遊客分享這個行程 , 

網上資料半山自動扶手電梯 1993 開始啓用 .

電梯跟旁邊的屋宇很接近 , 

甚至可以看到屋內佈置 , 不過全都是商舖 .

建築物很特別 

再行近睇原來前身係監獄 , 現在可以入內參觀 , 

可是我們來之前唔知有這個建築物 , 

所以沒有預留時參觀 ,下次再來一定要入內看看 .

天色已晚兩旁燈亮著了 , 又有另一番美感 .

到達電梯盡頭 , 我們横向看看有咩店鋪 .

有機食品店入內八一八 , 

店鋪雖少但貨品種類都幾多 .

鮑汁鮑魚售貨員跟我們推介是澳洲野生鮑魚 , 

一個頭原價$ 398 現在特價 $ 298

保質期去到2026年好似買得過 , 就買一罐留新年吃 .

很久沒有遇見馬莎 , 快快入內找我愛吃的杏仁餅 .

杏仁餅$ 26一包 , 買兩包 .

鬆餅$ 45 一包四個 . 

時間也不早了 , 去吃晚飯 ! 

從山上往下行的食肆大都是洋人食物居多 , 

開始近市區有啱我們口味的店鋪了 ,

沾仔記都可以喎 , 但裡面擠滿人看樣子是遊客 , 

再看看門外貼上 ( 米之蓮 ) 內容都不用看了 , 

當然是網紅推介囉 , 

隔離餃子園裡面好多位冇人坐 , 

懶得再搵就入去坐 .

糖醋排骨菜飯 $ 68

碗仔細細擺上烏卒卒唔酸唔甜又冇味的排骨 , 

第一次食用椰菜做菜飯怪得很 .

上海菜肉大雲吞 8 隻 $ 68

饀是白菜和豬肉唔知用上什麼調味料味道好怪 , 

層皮好似餃子皮懷疑比錯我地 , 反正冇下次唔好問了 . 

豆沙窩餅 $ 45

送來熱辣辣快快拿來吃好硬脆又好油 , 

放涼少許覺得似凍咗的硬煎堆難食 , 

總之就係怪( 超伏 ) 唯有買些蛋糕回家消夜 . 

以後見到食店內少人都要考慮清楚才可入內 .

活化的中環街市 , 網上資料1930年落成 , 

2003年停用列為三級歷史建築 , 

樓高四層我們衹參觀兩層 , 有些鋪已收鋪 . 

其中一層有很多食店可惜我們已吃過怪味店 , 

唔可以再試食其他嘢 ,

還有兩層未參觀留待下次 , 

再來一定要試試這裡的食肆 .
 

美孚牛車水餐廳

時間過得好快 , 轉眼就是星期日 , 又到外面逛逛 , 

我們較喜歡到港鐵沿線地區( 不用等巴士 )

今次地區是葵芳新都會廣場 , 好幾年沒有到這裡 , 

多了小手作擺賣人流比以前多 .

新年將近商場已有新年氣氛

室外平台空中花園 , 遊人都愛坐在草地上 , 

好像很寫意 ( 大部份都是工人姐姐 .)

種植少量植物 

細小的木瓜 

周圍看看順道找地方吃晚餐 , 

看到心儀的食肆未到 6 點鐘門前已聚集很多人了 .

不想等候轉到其他區 ,

我們來這裡之前要在美孚轉車 , 那麼就去美孚吧 !

老牌私人屋村我 N...............年前曾住過這裡 , 

現在回到這裡心裡總是有點兒覺得美人遲暮之感 , 

喔 ........ 多多餅店竟然還在營業 ! 

從前它的曲奇餅不錯 , 現在好似樣子沒有以前吸引 ,

買兩件合桃蛋糕緬懷過去一番 .

另外牛車水餐廳仍在 , 

雖然住過這裡但從沒有幫襯過 .

今次入去試試 ! 

叫一客野菌蒜茸汁扒牛脷跟飯 , 另外可選一款小食 .

再叫一碗豬扒金邊粉 

還叫一客泰式炸網絲春卷 .

$174 另外加一服務費 .

餐湯羅宋湯和餐包

薄牛脷四片很腥味淡 , 

自選小食有雞翼兩隻或春巻兩件

我們已另叫一客春巻 , 所以揀雞翼很嚡冇味( 伏 )

薯條腍了冇味 , 食之無味棄之可惜 .

豬扒金邊粉跟酸辣汁 , 

豬扒嚡味道一般 , 湯粉裡的金不換幾香 . 

兩杯熱朱古力稀稀的 , 

好彩炸春卷熱辣辣饀料是芋蓉好香 .
這間店已年代久遠燥音不絕 .

 

長炭煲仔飯

又到屯門市廣場閒遊 , 可能是星期五關係 , 

國內遊客佔比例也不少 , 

他們大都拉著車仔或旅行喼買買買 .

商場內食肆佔比例也不少 , 

我諗起碼有二十幾間( 大部份都是中小型 )

我們被窗櫥裡面的大圓爐吸引 .

大圓爐用來焗雞 , 隔離的爐用長炭正在煮飯 .

這間店標榜用長炭煲飯和燒雞 , 我們入去試試 .

套餐有兩種不同價錢的 ( 其中一種有燒雞一隻太燥熱了 )

我們揀了$258 二人套餐另加10%服務費 .

雖然收了加一服務費但唔覺有咩服務 , 

幾個男侍應衹企在近門口處 ,

一点都沒有留意堂食的客人 . 

粉葛豬肉瑤柱赤小豆湯 

粉葛很粉甜 , 湯味濃郁好好味 .

柱候蘿蔔牛腩煲 

蘿蔔超多幾甜 , 牛筋幾腍份量比牛腩多些 , 

牛腩好嚡又沒有牛肉味 .

欖角蒸鮮黃骨魚 

魚很新鮮好滑蒸得僅熟冇乜魚味 . 近骨的魚肉唔敢食 .

早幾年前曾食過這種魚 , 魚皮是淺黃色 , 

而這條魚皮是淺草綠 , 有點怪 !

北菇滑雞煲仔飯 

細細煲飯衹夠一人吃 , 

店標榜用長炭煲飯更加說飯焦薄脆 , 

而我感覺打開煲蓋沒有煲仔飯香味 , 

飯很油 ( 嘛嘛 )

飯焦微黃厚硬脆冇香味 , 

感覺亞活快餐的煲仔飯雖然沒有飯焦但有飯香味 . 

整個套餐衹有燉湯可取 .

 

四寶套餐

  我們又到彩逸皇宮吃晚飯 , 

上次食過$638 二人套餐覺得唔錯, 

當晚看見菜譜上還有另外一個二人四寶套餐$288 ,

餸菜似乎啱口味 ,

還有每星期一至星期五都有一款半價餸菜 , 

剛好星期一半價是琥珀合桃蜜豆炒鮮百合 ,

這是我們愛吃的 .

先來小食蜜汁叉燒伴蠔油豆 , 

空口食味道稍濃送飯較好 .

籠仔荷葉蒸花甲

蒸得較熟稍要花牙力 .

   琥珀合桃蜜豆炒鮮百合原價 $ 88 ,

   現在半價$44 , 一如上次合桃鬆脆 .

                                                         蒜茸粉絲金菇蒸台山蠔

                                    我們落單時特別要求把蠔蒸熟些 , 

                                     但可惜仍是剛熟又淡好腥唔啱食 .

最後是清蒸龍躉頭腩5件味道一般 .

現在酒樓生意很差沒有人擺酒 , 

可能又係星期一更加靜 !

除了相公後面好幾張枱都沒有客 , 

另外旁邊的枱都沒有開 , 

早在疫情前這酒樓經常擺酒 , 

衹留少部份地方用作招待客人食晚飯 .