元朗形點 " 翡翠拉麵小籠包 "

週末又到元朗形點遊逛 , 

這個商場還有很多食肆還未試過, 

今次到翡翠拉麵小籠包吃午餐 , 

食肆屬於開放式 , 

枱位不多而且用商場的中央冷氣運行 , 

坐位冷氣唔太足夠 , 

而我坐的位置向著通天幕頂有點刺眼 , 

坐得唔太舒服 . 

上海小籠包 4 隻 $ 50 肉饀幾新鮮 , 

瘦肉和肥肉可能是 3 /7 比較滑 , 

湯汁味鮮 , 包頂部比較硬 .

上海排骨拉麵 $ 80 

炸花生 $ 8 

茶位 $ 10 

炸排骨大大條厚肉有少許擔心太厚唔太熟 , 

味道唔錯香口 , 麵好一般湯沒有任何味道 .

炸花生好脆 .

枱面積很細放上三樣食品已用了 2 / 3 枱面 

豆沙鍋餅 $ 58 

以前在其他食肆食過 , 餅皮硬脆 , 

而這裡制作的餅皮好似有蛋加入 , 

軟身衹有旁邊的皮有少許微脆 , 豆沙饀都幾豐富 .

紅油炒手 ( 六隻 ) $ 60 

皮好滑但衹有辣沒有蒜香味 , 肉饀裡有少許菜碎 .

吃完午餐周圍逛 , 人流甚多可能是週末 , 

我諗每次週六和日都有節目舉行 , 

今次用巴黎奧運會做主題 . 

三點鐘開始有表演或講座 .

 

"潮潮居 "兩餸一湯套餐

夏日炎炎正好眠 , 可能係很久以前的一句話了, 

現在地球先生病了 , 溫度每年不斷上升 , 

小暑過後更加熱到暈頭轉向 , 無飯主婦又可以出動覓食了 , 

" 潮潮居 " 晚餐從星期一至五有兩餸一湯衹要 $ 238 

看來也不錯試試吧 ! 叫了套餐外還叫一隻燒雞 .

西洋菜豬肺湯 

豬肺洗得好白乾淨 , 湯清清地味道不錯 .

前菜 $ 16 茶位 $ 15

鹹檸檬蒸烏頭魚細細條 , 

開邊蒸較多幼骨 , 我最怕食多骨的食物 , 

相公愛吃讓他慢慢品嚐好了 .

白飯 $18

梅醬骨酸甜適中夏天最啱

脆皮燒雞一隻 $ 88 熱辣辣皮脆肉滑醃得夠味 .

 

" 圍方 "CHATTERBOX CAFE

週末農曆六月初一日( 小暑 ) 

坊間開玩笑說 : 小暑大暑有米懶煮 , 

意味著天氣現正進入酷熱 ! 在大街上行走太熱了 , 

我們今回到大圍的 " 圍方商場 " , 

聞說圍方商場面積也不少 , 我們乘屯馬線到旺角 , 

經過新世紀廣場 , 超多人在這裡坐立 .

法國奧運會快要來臨 , 

廣場擺設著各種跟奧運會有關的佈置

還有排排坐睇大電視的坐位 . 

感受完世紀廣場的熱鬧 , 轉乘東鐵到大圍站 , 

出閘便看見大大隻到 " 圍方 "商場的指示牌 .

圍方商場遊人也不少 

週末很多家長帶同小朋友來遊逛 , 

小丑跟小朋友互動 .

第一次見女孩子扮小丑 

圓柱佈置成魚缸久不久會轉動 , 

在商場遊走期間看見食肆也不少 , 

估計有二十幾間 , 我們提早食晚餐 , 免得要等位 , 

第一選擇是 " 家上海 " 未到六點裡面已滿座 , 

每張枱都未有上菜 , 那麼要等到幾點才入座呢 ? 

算了吧 ! 好在這裡食肆很集中 , 

我們到另外的 " CHATTERBOX CAFE "

侍應員服務態度真不錯 , 斯文有禮貌 " 讚 " 

菜譜第一頁簡介餐廳歷史 , 

1971年在新加坡文華大酒店開業 , 

主打新加坡風味美食 , 著名是海南雞飯 .

我們對新加坡菜沒有太多認識 , 叫了二人套餐 , 

小食馬來特色炸豆腐 , 文華海南雞飯 , 

香炒河粉燴牛肉 , 醬油生菜 , 

包兩杯熱飲品( 選擇非常少大部份都要另加錢的 )

文華海南雞飯雞件好似未熟透 , 我們食唔慣 , 

所以請求侍應妹妹把雞用微波爐輕輕叮一叮 , 

侍應妹妺很斯文有禮地說換另外一碟給我們 , 

我再三說不用了衹叮一叮便可 , 

但她都係真的換過另外一碟給我們 , 

雞攞走我們把醬油生菜放到盤中影下來 , 

雞湯裡有一件滑豆腐湯味道幾好 , 

飯唔太油膩 , 蘸雞的醬油好濃味道也不錯 .

香炒河粉燴牛肉 , 

可能係燴所以汁較濃稠 , 

河粉濶度比平時食的濶度多兩倍 , 牛肉腍滑夠鑊氣 .

雞再送來攞設幾靚 , 雞好滑有雞味 , 

不愧是餐廳的著名食品 .

小食馬來特色炸豆腐

熱豆漿( 餐唔包熱豆漿要另加 $ 18 )

豆腐外面微硬感覺似炸豆干 , 

蘸上配的特別有孜然味的醬都唔錯 , 但沒有影相 . 

即磨熱咖啡

餐廳食品唔錯 , 

唯一希望能改善餸菜來得太快 , 

食物容易放涼使味道打折扣 .

我們食完離開餐廳 , 門外站著等位的人 

本來我想食 " 家上海 " 仍然很多人等位 .

日本店重誇張要排隊等

非常熱鬧地等位 , 

其他食肆也同樣門外甚多人等位 .

圍方商場是港鐵物業 , 

特別擺放著港鐵第一代車頭控制室供遊人欣賞 .

 

紅磡 " 彩福皇宴 "

過去幾年因為疫情 , 日常生活都被打亂 , 

跳舞班都被逼取消好幾年 , 終於可以返跳舞班 , 心情勁靚  , 

幾年沒有見的同學互相問候一番 , 

開開心心好容易就放學了 . 返回屋苑商場吃午餐 , 

剛開不久的新食店 " 米籽 " 

出品有米線 , 火鍋 , 泡飯等 , 我們先試米線 .

餐牌食物種類部份跟譚仔米線差不多 , 

原味豬骨米湯米線加雞絲 , 

湯很濃郁味道也不錯但覺得好油膩 , 

雞絲切唔斷形成一串冇味的雞條 .

圖中下方的湯米線擺設好靚 , 

但跟下圖實物差好遠 , 由其風琴豆卜 , 

現狀串連著一串唔似豆卜的食材 .

風琴豆卜滑牛肉春卷米線 $ 56 

同樣是豬骨米湯

配熱飲新鮮冷壓檸檬茶 ( 把檸檬攪碎 )

兩碗米線味道一般 , 工作人員態度算唔錯 , 

可能剛開業不久侍應未熟習運作程序所以較慢 . 

這裡比現錢可直接比錢收銀員 , 

如果用八達通咭就要用自助付款機 , 

感覺現在店鋪為減少人手 , 

把他們應付的責任加在各人客身上 . 

吃完午餐出省到紅磡逛逛 , 

從前紅磡區大都是很舊大廈 , 

現在好多大廈正在拆卸重建 , 

相信不久將來這裡變成另一個新面貌 ,

 最後行上去紅磡火車站附近的商場看看 , 

多年沒有到這裡 , 食肆多了但行商場的人卻非常少 , 

沒有值得觀看的店鋪 , 早點前去吃晚飯 .

" 彩福皇宴 " 晚茶位 $ 17 

非假日有九成客 , 都算成績好好 , 

大部份都是國內遊客 .

他們好捨得叫餸菜和飲酒 , 氣氛好熱鬧 !

鮮菠蘿拔絲咕嚕肉 $ 120 

咕嚕肉全是瘦肉唔韌 , 

外面微脆掛上甜甜的糖膠非常好味 

涼瓜帶子粒煎蛋 $ 108 

涼瓜味甘唔苦帶子碎好多但沒有鮮味 . 

金牌脆皮燒雞半隻$ 38 

還顧其他枱都有食這款雞又非常抵 , 

為有吃不完就打包回家 , 皮很脆醃得好入味 . 

海鮮什菜粉絲煲 $ 128 

大概六至七隻大蝦味道鮮甜爽口 , 

還有幾件鮮帶子好鮮味 , 幾款蔬菜和粉絲份量好多 .

原個椰皇燉燕窩 $ 52 

甜品又係好抵 , 椰皇樣子很細 .

把其中一半放入碗中 , 

椰皇裡還有很多燉奶和燕窩 , 

甜度適中好味 , 如果夠熱更加美味 .

食完飯時間尚早再往商場高層看看 , 

這裡還有 food court  冷清清的 .

準備離開商場又行過剛才吃飯的酒樓 , 

外面佈置好靚可能專為婚宴而設的影相地方.

好多年沒有到紅館睇表演了 .