黃大仙綵燈會和表演 " 上 "

迎月日黃大仙有綵燈和表演節目 , 

從黃昏六點至七點十五分有表演節目 , 

我和相公大概五點半便到逹目的地 , 場內人唔太多 , 

找表演場地途中遇上其他想睇表演的人 , 

跟我們說要有入場票(早前已派哂入場票)  

如果仍想入場可以排隊等有票的人全部入座 , 

仍有餘下座位就讓沒有票的補上 , 

但有些人不願等便離開 , 我和相公決定等 .

我們也在其中等待補上 , 相公排隊我周圍逛下 .

終於夠鐘入座 , 有票的人甚少 , 

可能表演時間早很多人都未放工 , 

我們排隊等的人全部都有座位 .

末表演前先介紹今次是國家級及香港非遺項目 ,

節目有陸豐皮影戲 , 吊線公仔 , 變臉 , 踩高蹺 .

故事是鶴和烏龜互相想把對方推落水中 .

第二套戲 : 狡滑狐狸和好心書生

第三套戲 : 兩隻雞爭奪蟲蟲

雖然三套戲好簡單但大家都睇得好投入 . 

兩隻雞的故事幕後表演者 .

吊線公仔故事係講婦女日常生活 , 

表演者把手中線好純熟地把弄 , 

公仔便做出各種動作來 , 公仔識攪動圓形物體 .

枱上有茶壺 , 

女子坐埋位提起茶壺倒茶到另外一個茶壺裡 , 

喔咁都得 ! 

表演完大家拍掌女子又識鞠躬 , 表演得好精彩 .

變臉更加精彩 , 

每變一次臉台下觀眾反應好快地 

( 呀...  ) 實在好精彩 ! 

表演完全部表演者落台跟觀眾握手 , 

而且還近距離變臉比大家睇 .

跟觀眾握完手又再上台表演

最精彩係變回自己個樣 , 

跟住又變成大花臉 , 好奇怪咁都得 ! 

" 樂天皇朝薈萃 " 下午茶

中秋佳節的迎月日 , 

從傳媒得知黃大仙有綵燈會和表演 , 

第一場表演在晚上六點開始至七點十五分 , 

我和相公齊齊出省揾節目 , 

先到啟德商場食點東西才過去黃大仙睇表演.

戶外市集 , 

攤位大都是飾物和小品物件 , 可能非假期行人甚少 .

半年前到過這商場 , 已有設置室內攤位 , 

今次覺得比上次多了許多攤位 .

吊在中央的燈飾會變色

跆拳館多咗好多學生 , 還增設電視播放學習情況 .

下午茶現正做優惠 : 要有註明下午茶食品才 5 折 , 

茶位 , 小食和加一服務費則以正價計 .

茶位 $ 12

 大大個銅制水煲下面用小火燒著保暖 .

熱小食 $ 15 

第一次有熱的小食 , 

栗子和花生炆得好腍味道微甜 , 好食唔油膩 .

皇朝擔擔拉麵 $ 75 

份量好多 , 醬汁唔多微辣 , 

很多花生碎粒好香麻醬味 . 麵腍度剛好 .

黑豚肉小籠包 $ 80

皮很薄 , 裡面的汁適中好有鮮肉味 .

生煎牛肉餅 $ 48 

兩面煎得微香脆 , 牛肉饀有汁又有肉味 , 真不錯 ! 

家鄉素菜包 $ 50 

饀料切得很幼細 , 

食材小白菜和木耳配合得好好 , 好味 ! 

綜合幾樣食物送來都熱辣辣 , 包括小食都係好熱 , 

好啱我們口味有下次 ! 

祝各位網友中秋節快樂 ! 

 

" 逸逸居 " 兩餸一湯

假日無煮意 , 兩餐都去屋苑商場食飯 .

午餐到 " 肯記 "食包包和炸雞 , 

一份特惠$ 28 辣雞腿包配汽水 , 

包包夾著大大件微辣冇骨炸雞腿 , 

還有生菜和一片生蕃茄 , 醬汁豐富味道真不錯 , 好抵 ! 

另外一份餐 $ 58  : 一隻炸雞腿 , 一件多肉的炸雞件 , 

兩隻炸雞中翼和一個葡撻 , 

還有一碗辣汁磨菇飯和汽水 ,

" 肯記 " 主打炸雞 , 

雞件醃得好入味炸得好香脆 , 肉嫩滑唔 " 柴 "

................................

覺得近幾年好多人對食的愛好 , 

跟幾年前很大分別 , 

很多人偏愛吃日/韓食物 , 由以年青人更加顯著 , 

行過日/韓店經常要等位 , 

反而酒樓就沒有這麼熱鬧 , 冷清得多了 ! 

晚餐到 " 逸逸居 " 

二餸一湯 $ 238 晚茶位 $ 15

綠豆紅蘿蔔瘦肉蓮藕雞腳湯 , 湯味濃郁 .

拔絲鮮菠蘿咕嚕肉 

粉漿較厚菠蘿好酸 , 

拔絲太杰掛在咕嚕肉 , 好似食糖膠 .

白飯 $ 15 

豉汁帶子蒸豆腐 帶子鮮味欠奉 .

 

荃灣廣場 " 潮江春 "

我們和相公侄女一家三口一齊到荃灣廣場 " 潮江春 " 吃晚飯 , 

叫了幾抵食的4人套餐有 5 款餸菜 , 

用某張咭有6折優惠後 $ 998 

還送應節的美心迷你冰皮月餅 ( 2 粒 ) 

茶位 $ 18

金牌鹵水鵝肉拼墨魚

鹵水汁調配味道恰到好處 , 

食材吸入鹵汁好好味 , 由以豆腐我覺得最好味 .

咖喱野生虎蝦配蘿蔔糕 

咖喱汁唔太辣幾香 , 我諗蘸蘿蔔糕應該好味 , 

但我掛住食蘿蔔糕忘記蘸咖喱汁 , 蝦大隻肉質稍腍 .

蘿蔔糕

味道唔錯沒有蘸咖喱汁都已夠味 

香辣金袍筍殼魚

魚炸得好脆原本配香辣 , 但因有小朋友改為普通做法 , 

醬汁微甜好味 .

琵琶花煲黑毛豬骨湯 

食材好豐富但沒有影下來 , 

其中有紅蘿白 , 粟米 , 豬骨還些琵琶花 , 

湯味好濃甜 , 有點像微甜的糖水 .

另外加方魚瑤柱肉碎粥 $ 55 大大碗食材又多 , 好抵 ! 

 可能有瑤柱鮮味特別帶起整碗粥好好味 . 

方魚粥好多食材方魚炸過微脆 .

另外加欖菜肉碎蝦仁炒米 $ 108

勝瓜瑤柱煮墨魚滑

勝瓜嫩滑 , 墨魚滑較腍味道唔顯著 .