" 好好四季椰子雞火鍋 "

到尖沮沙咀遊逛 , 街上遊人不絕大都是國內遊客 , 

行到午後到 " 好好四季椰子雞火鍋 "飲茶 , 

曾到過好幾間點心專門店食物都算可以 , 

為獨是這間有點令我們失望 . 

我們踏入門內就看見侍應哥招乎都沒有打個 , 

直指樓梯示意我們上二樓 , 

地下仍有座位我們當然希望坐樓下 , 

當踏入內廳就有一把很大的聲音叫著

 " 二人上樓上 " 非常沒禮貌 

自己搵位坐下 , 侍應放下茶具就行開 , 

自己煲水沖茶( 相右下角粒狀是茶葉 )  , 

自己用 QR CODE 落單叫嘢食

我們唔慣自己落單 , 

等人幫忙基本上樓上很久才遇到侍應姐姐 , 

離遠見到侍應姐姐猛給她招手 , 好彩勉強給她看見行過來 , 

幫忙落單後便消失了 , 

傳菜姐姐好忙送食物 ( 茶錢每位 $ 10 )

哈哈感覺我們好像被自由放養 . 

等食期間有 6 位樣子是國內遊客三男三女上來 , 

樓上衹有四人座位 , 可能樓下滿座要上來分開坐 , 

看遊客樣子唔太滿意分開坐 , 

又或者侍應沒跟他們溝通好就上來 , 

坐了很久沒有侍應招呼之下 , 好唔滿意離開 . 

當我們到樓下比錢就聽到工作人員超大聲談話 , 

那六位遊客走前用 QR CODE 落單叫咗食物 , 

但唔等就走了 , 遊客坐咗好耐完全冇人理 , 

心裡當然唔高興囉 .

黑松露鳯眼餃 $ 37 

筷子夾下去 , 皮立刻黐住唔甩 , 

個餃爛開 , 饀有兩隻蝦好鮮甜 , 外面黑松露味道可以 ,

心諗味道好其他食物應該唔會差卦 ! 

香煎菜肉包 $ 32 

外皮腍又唔香 , 唔好食 , 我真惘想其他有好嘢食 .

香茜牛肉腸 $32 

皮十分厚牛肉冇咩味道 , 豉油幾好味 .

豆沙煎堆仔 $ 25 好脆饀很少 .

鳯爪排骨飯 $ 33 排骨肉少飯比較硬 .

內部環境嘈雜又開了部份窗 , 街上聲音都傳入來 , 

我後面卡位兩位亞伯超好傾 , 

可能年紀大耳唔太靈光相對講嘢大聲超嘈 , 

佢地所講的嘢我全都聽哂 , 都係講那些年的事 , 

我好想快些食完離開 , 相公都笑唔出了 , 

冇下次 !

食完嗱嗱聲離開走去九龍公園靜下 . 

樹根咁多棵樹一定好老了 , 斬咗好可惜 .

通往中港城的橋

酒店金光燦爛

今日外食真麻麻 ! 

都是回家吃日前買的外賣羊腩煲好了 , 

呵呵今次羊腩煲好有驚喜 , 份量多味道唔錯 , 

羊腩大概有十幾件之多 , 有些是真正的羊腩有骨部位 , 

腍滑好味 ! 加些生菜就足夠我們食用 .

" 逸逸居 " 西澳龍蝦

 時間過真快轉眼復活節快將來臨 , 天氣乍暖還寒 , 

相公想著春天已來臨 , 時令羊腩煲可能好快沒有供應了 , 

我對羊腩不太感興趣 , 相公開口這樣說當然想食 , 

就讓他多吃一次吧 ! 

近近地 " 逸逸居 " 菜單上好幾款餸菜正在做特價 , 

包括羊腩煲價錢平得過份 $ 98 配生菜 , 

還可以外賣同價 , 衹是沒有生菜 , 

我們計過那麼平買回家甚化算 , 

起碼明天諗少樣餸 .

燒鵝皇 $ 48 例 , 

鵝較瘦肉質一般味道好好 .

燒乳鴿皮脆肉嫩味道不錯 $ 29.8

上湯西澳龍蝦$ 238 配伊麵加 $ 30 

廚師失手 , 龍蝦肉味道鮮甜但過熟韌了 , 

伊麵同樣煮得太腍 . 

蒜子支竹班腩煲 $ 108 班腩粉漿厚 , 

支竹和燒肉唔腍真失敗 .兩款餸都麻麻 , 

對於外賣羊腩煲不敢寄予厚望 .

 
 

啟德站 ( 下 )

在這裡吃晚餐 , 

內部裝修好像較普及的大餐廳 , 座位 2人 , 4 人和 6人卡位 , 

靠窗設有排排坐座位可以清晰地看見外面景物 , 

食肆大概衹有 10 間左右 .

紅燒牛肉肉燥飯 $ 63 

半隻滷蛋6片滷牛展伴碟有車利茄 , 

肉燥也不少好味抵食 . 

日式叉燒拉麵 $ 69 

叉燒一片 , 溫泉蛋半隻濃濃麵豉湯味道唔錯 .

清湯抄手 6 粒 $ 50 

雲吞細細隻肉饀好瘦味道一般 , 覺得價錢稍貴少少 .

吃過晚餐往最底層購物街看看 , 

賣的大都跟食有關的店鋪 , 我也買些回家 .

零食店

行完商場到對面小區看看 . 

這幅相隱藏著該店的名稱 " 舊機場車仔麵 " 

遠處看見長長的人龍 , 過去八一八 , 

源頭係一間兩餸飯專門店 , 

聽到街坊話每晚這個時候都排長龍的 . 

現在不停興建商廈及住宅 , 

相信不久將來這裡會變得好熱鬧 .

我們剛才留連的商場 , 名稱 : AIRSIDE 

時間不早乘港鐵回家 .

港鐵 " 啟德站 "入口牆上的昔日啟德舊機場相片 , 

現在已變成高樓大廈林立了 .

今次又買了餅和零食 .