元朗形點 " 鉄鍋牛之介 "

我和相公衹吃過日式火鍋放題和吉野家 , 

刺身不敢嘗試 , 擔心生的食物接受不了 , 

今次到元朗形點行街見到有日本熟食店 , 

試試關西肉鍋 " 鉄鍋牛之介 " 

招牌雖寫上牛之介 , 但都有豬肉食物供應 .

豚燒肉定食 $ 98 味道較清淡都啱我們口味 , 

漬物紅紅微鹹的 , 我把它們全吃個清光 , 

但都食唔出用什麼食材制作 , 

麵豉湯一般 , 

肉片幾腍滑還有洋蔥 , 

伴碟沙律用椰菜加沙律醬做 , 

我從未食過生椰菜做沙律 , 覺得有點怪和不習慣 .

炸餃子 $ 38 

炸得熱脆豬肉饀混合少量蔬菜碎味道唔錯 , 

不需要蘸醬油已非常夠味. 

豚骨湯豚肉鍋 $ 128 

菜譜上有漬物黑蒜頭 , 

但侍應先生話賣哂問我地還要點嗎 ? 

算了吧 ! 

我們大鄉里都唔知再揀咩好 ( 都照要 ) 

我覺得豬肉鍋等同粤式一品鍋 , 

把全部食材一齊煮 , 

蔬菜有大蔥 , 椰菜 , 蕃茄 , 大豆芽菜 , 

紅甜椒 , 豆腐和菇類 . 

我們把鍋裡的食物食哂 , 

再把椰菜沙律全放鍋裡煮熟來食 , 

雖然食味嘛嘛但覺得心裡食得安樂 .

店內裝飾暗紅色而且較暗 , 但好有節日氣氛 . 

食完飯到外面付款 , 

侍應先生給我們兩張$ 10 現金券 , 

要在11 月30 日前使用 , 

原來隔離店都可以用的 ( 串燒店 )

我稱男侍應員為先生 , 

因為覺得他為人斯文有禮 , 高大又帥 .

 

濕地小區 " 稻神食堂 "

濕地小區清靜悠閒食肆也不少 , 

但較偏僻每次到這區我們總是散步前去 , 

前排天氣熱又猛太陽擔心中暑 , 

現在已立秋稍涼又可以到小區看看 ,

順道吃下午茶 , 有兩間食肆已結業 , 

又有另外兩間新店開張 , 

今次到舊店 " 稻神食堂 " 吃下午茶餐 .

我們到卡位坐下 , 侍應立刻奉上熱白開水給我們 , 

好年青的侍應稱之為妹妹好合適 , 

我們齊看著菜單研究 , 

侍應妹妹立刻再給我另一本菜單 , 

等我示意她才過來寫單 , 好醒目又有禮貎 , 

食物都算唔錯 , 員工誠懇有禮 , 

我們付款後想離開 , 

幾位侍應妹妹和另外一位侍應弟弟 , 

一齊跟我們說拜拜 , 態度令我們好窩心 , 

有下次並不是完全為食物啱口味而再去 , 

而是他們的服務好 .

豆筍牛腩上海菜飯 $54 ( 賣相嘛嘛 )

侍應妹妹放下食物 , 隨即問我們要不要兩隻碗仔 , 

服務真不錯 ! 

豆荀用厚厚腐皮卷成筒形 , 

煙煙韌韌有啃口沒有特別味道 , 

牛腩腍滑好味 .

茶餐配普通飲品不用加錢 , 

轉熱檸檬薏米水要加$ 5 

薏米水好濃 , 薏米夠腍還加一片薄檸檬微甜好味道 . 

凍洛神花茶夠凍又濃大大杯飲唔哂 , 

唔想浪費跟侍應妹妹要紙杯拿回家飲 , 

她好熱誠地點頭立刻拿杯給我 ,

沒有另收紙杯錢.

豬軟骨雞湯上海麵 $ 52 

豬軟骨的肉炆得好腍 , 骨更加腍到軟綿綿好味 , 

其他食材還有兩件魚腐 , 大豆芽菜和小棠菜 .

芝麻單骨雞翼 $ 15 四件

 雞中翼從中間切開成兩件再炸 , 皮炸得好香脆 , 

平時我倆唔食皮但太誘惑了 ! 

食飽飽散步到超市買餸才回家 .

晚餐 ..........................

半熟木瓜 , 螺頭片 , 雪耳 , 花生 , 紅棗 , 豬展湯 

秋葵炒蛋 

紫洋蔥炒荷蘭豆 

紫洋蒽( 馬莎買的 ) 

個子細小微甜衹有微微洋蒽味 .

從深圳 " 海岸城 " 買回來的蛋糕 , 

買芝士蛋糕配原味蛋糕共 $ 39

蜂蜜合桃 $ 22 

盒上包裝說明沒有添加劑 , 室温保留 24小時 , 

放雪柜可保留3天 .蛋糕味道跟幾年前一樣可口 .

蜂蜜合桃( 抽了真空 )

裡面有五小包 , 每包 10 g 

每包衹有幾粒不完整無衣合桃 , 微甜普通鬆脆 .

 

深圳 " 海上世界 "

                                        續 :深圳 " 海岸城 "

離開 " 海岸城 " 乘地鐵 6 個站到 " 海上世界 "

 再徒步大概十分鐘便到達目的地 , 

幾年前也曾到過這裡 , 改變了 ! 

進駐很多不同元素 .

印象中以前沒有小攤位 

擲環攤位

各類型食肆都有 , 

室內外也有座位 , 佈置得好靚 .

我們提早吃晚餐 , 

因為每晚七點半開始有 " 音樂噴泉表演 " 

 每隔半小時表演一次 , 最後一場九點鐘 ,

我們希望睇第一場 . 盡快找地方吃晚飯 , 

食肆眾多花多眼亂最後到 " 金光鴿王 " 

熱前菜

白鴿腎 , 鴿血和鮮嫩筍尖, 味道不錯.

茶位 $ 6 沒有加一服務費

金光靈芝鴿 $ 53 

既是鴿王 ( 況且是相公至愛 )當然要試試 , 

肉類不是我的愛好 , 

由其白鴿無論肉質和味道都好奇特 , 

平時我衹輕輕嘗一點點罷了 , 

今次我竟然食了四份一近腿的鴿 , 果然是鴿王 , 

肉質鮮嫩滑沒有奇特味道又香口 .

砂鍋煎焗魚頭排骨 ( 份 ) $ 73 

鍋熱得發騰好香酒味 , 鯇魚好滑排骨較韌 , 味道唔錯 .

農家豆腐 $ 43

肉片煮豆腐味道一般 

香滑榴槤蛋 $ 10.8 

輕輕榴槤香甜味 , 蛋蒸得好滑 .

黑椒牛肉煲仔飯 $ 39 

煲好大個一點也不是 ( 仔 ) 飯很多 , 

牛肉用洋蔥黑椒爆炒才放落飯蒸過熟了 , 

飯底唔香好多油 , 我覺得香港的煲仔飯好吃好多 .

幾款食物份量都好多吃不完 , 

侍應姐姐主動過來問要不要打包 . 

提到這位侍應姐姐服務好窩心 , 

吃飯期間相公久不久就攪下茶壼裡的茶葉 

他覺得茶隔淺茶葉浸的位置少 , 

所以攪攪佢 , 每次做這動作 , 

侍應姐姐都來問是否太濃 , 

幫我地攞去茶水間減少茶葉和加滾水 , 婉拒 ! 

其實相公鍾意濃茶 , 幾次之後跟她解釋 , 

佢又幫我地攞去加茶葉 , 又問我地食物是否啱口味 , 

這位侍應姐姐站在遠處 , 並不會影響我們食嘢 , 

熱誠服務態度值得 " 讚 " 

另外知客招呼我們到座位都特別提醒我們 , 

卡位高一級要小心 ! 

我覺得座位距離枱好遠 , 食嘢唔太方便 ,

可能上一枱客身材較高大 , 剛巧知客行過 , 

她立刻幫我推埋近枱 , 她身材瘦瘦用好大力推 " 讚 "

吃得非常飽到外面散步等睇音樂噴泉 .

準七點半開 Show 

一開始音樂好強烈 , 相片無法把景像表達 .

我轉為攝影片好好睇 , 

表演兩節唔同音樂好精彩 , 

嘗試放到這文中 , 做好多次都失敗 .

岸邊座位坐滿客食嘢 , 

一邊食一邊欣賞音樂噴泉表演 , 

本來我地都想在這裡食 , 

但擔心一旦開 show 可能水花四濺 . 

夜市小攤擋

這裡很多食肆都設有室外座位 .

欣賞完音樂表演 , 

回程到海岸城搭巴士到深圳灣口岸回香港 , 

順道買清風蛋糕 .

途經遊戲舖

看見兩位男生穿上手套掹拍打螢光幕 , 

拼得難分難解 . 

總括今天自由行好悠閒 , 又食到啱口味的東西 , 

另外以往到國內旅遊要帶人民幣 , 

通常都會帶多 , 現在不用了 , 

國內大部份都用電子錢包 , 

相公裝了香港微訊支付 , 

掃一掃就攪掂 , 超方便 ! 

 

深圳 " 海岸城 "

差不多五年沒有到國內旅遊 , 心思思又想去看看 , 

終於昨日決定先到我們曾多次遊逛的深圳作自由行 , 

第一站 " 海岸城 " 天氣十分好 .

我們乘坐巴士到深圳灣口岸過關去" 海岸城 "

不到一小時便到達 .

幾年前這裡好熱鬧 , 可能不是假期較為冷清 , 

太陽曬得好利害好熱 , 好後悔沒有戴帽 .

蛋糕店還在 , 

我們都幾喜歡吃這裡的清風蛋糕 , 

店舖幾面都是玻璃窗 , 制作過程一覽無遺 , 

食材全是雞蛋 , 吃起來有蛋香味 , 

今次都會買但我們還有地方要去 , 

臨走才買免得攞著蛋糕走周圍走 , 

到商場逛至中午十二點才去食晏 .

酒樓外擺放著座位已有客正在食晏 , 

看樣子是本地上班一族 , 枱上放滿好多餸菜 , 

覺得好似在食晚飯 , 佢地都好捨得食 , 

我們也入去試試 ! 

侍應姐姐安排我們坐下 , 

我們要白開水和普洱茶 , 

侍應姐姐立刻好快便送到 , 

而且不會立刻問我們食咩嘢 ,

而係行開等我們示意才過來 , 茶杯好細小 .

茶位 $ 8 沒有收加一服務費. 

榴槤天鵝酥 $ 33 

第一款送來熱辣辣好香的甜點 , 

酥皮好薄 , 層数好多 , 裡面的榴槤蓉香甜好美味 , 

下次再來必食 , 

天鵝頭頂唔同做型 , 相信表示係一對 .

陳皮沖菜牛肉腸 $ 36

皮好薄牛肉饀好豐滿味道一般 , 食唔出陳皮香味 .

鮑汁鳯爪 $ 58  

鳯爪有六隻腍度剛好 , 花生好腍好好味 , 

亦是下次必食 .

干炒牛河 $ 43 

夠鑊氣好香份量也不少 , 

夠鑊氣自然溢出濃濃的味來 , 這裡空調嘛嘛 , 

滿店都是食物香味 , 牛肉炒得較熟 , 

味道唔錯 , 內部環境都幾嘈 .

目測店裡的客人好捨得叫嘢食 , 

而且好遊閒地傾偈食嘢 , 不像香港上班族那麼匆忙 .

這裡服務唔錯 , 經常有侍應姐姐周圍行 , 

遇見客人食完食物的吉碟 , 都會好禮貎地徵求客人才攞走 , 

看見我們快要食完嘢 , 就自動送上用碟盛著的牙籤和薄荷糖 . 

到收銀處付款臨走給我們兩張 7.8 折券 , 

原來這裡也有下午茶 ( 下午茶2 : 30 開始 ) 

根據卷上印上 " 陶陶居 " 始於1880 年光緒六年 , 

飲完茶在商場裡周圍行 , 

這食肆側面一大排魚缸 , 盛著不同種類海產 , 

客人挑選完海鮮 , 

像 " 盒馬先生 " 屋頂有路軌把海鮮直接送到廚房加工煮 , 

客人便可以到裡面等食 .

商場除了佈置唔錯的大牌子連鎖店外 , 

其他較普通店佈置都好用心思設計 .

雲南菌類火鍋門外無人看著的零食攤位 

( 無人多手攞走嗎 ? )

其中蜂蜜合桃 $ 22 

我攞住包零食到店內找店員付款 , 

物件細少她給一個漂亮搶眼大手挽仿布袋子 .

最底層大都是食肆 , 還有超市

南瓜節好快就到了 , 超市開始佈置南瓜 .

我們好想食 , 但太飽了留待下次才試 .

行完商場乘地鐵到另外的 " 海上世界 " 

待續.......