" 浦東小館 " 雪菜肉絲炒年糕

相公出外有點事要辦 , 

回程順道到" 浦東小館 " 買外賣做午餐 . 

買了兩客唔太適合外賣的套餐 .

餐飲轉可樂 $ 3罐

菜肉雲吞麵 $ 58 

個別雲吞被湯浸散了 , 

麵分開盛載乾巴巴成麵餅狀放回湯中 , 

都好難分散開 , 味道淡得很

雪菜肉絲炒年糕 $ 72  

年糕落少量油炒 , 

時間耐咗有些年糕黐成嚿 , 

淡而無味唔好食 .

兩款跟餐小食放涼了嘛嘛地  

豆沙鍋餅

上海春卷

黑松露三色椒炒蛋

 可樂一字排骨 

外食套餐通常都有飲品 , 

天氣熱我們會選擇可樂汽水 , 

一罐汽水和相公共飲, 餘下一罐帶回家 , 

久而久之貯存好幾罐 , 

今天用一罐炆排骨 , 味道也不錯 . 

煎比目魚 

雪比目魚肉質較鬆軟 , 

我通常用蒜茸豉醬蒸 , 

今回第一次煎差點散了 . 

黑松露三色椒炒蛋 

很久以前買過黑松露味道像火水怪味 , 

今次在店鋪看見黑松露可以炒蛋 , 又試試 ! 

三色椒椰菜炒蛋差不多炒好 , 

加了一茶匙黑松露 , 

噢 ...... 好似哂了黑芝麻難看得很 , 

好彩味道唔差 , 今次黑松露沒有火水味 . 

" 敏華冰廳 "香辣蝦仁炒麵

好港式的 " 敏華冰廳 " 

印象中好似沒有食過下午茶而且仲係周末 , 

我們到逹剛是下午茶開始 , 生意唔錯 ! 

雙人卡位已滿 , 要坐四人卡位 , 

中間隔住磨沙膠片 , 好攪笑 ! 

坐下來幾分鐘 , 座位已差不多滿了 .

我們叫一客午餐和一客下午茶餐 , 

兩款都好啱口味 , 

由其是蝦仁炒麵好惹味夠鑊氣 .

紅荳冰 

濃濃的奶配好綿的紅荳唔太甜 , 好食 ! 

杏仁霜味道一般 

午餐香煎豬扒飯配咖喱 $ 62 餐飲杏仁霜

咖喱汁微辣豬扒醃得入味樣子好瘦但唔嚡 .

下午茶餐惹味香辣蝦仁炒麵 $ 42 餐飲紅荳冰

有連尾的蝦5隻還有青紅甜椒和炒蛋 , 

蝦好爽甜好味 , 

夠鑊氣好香又好味 . 抵食 ! 

" 潮潮居 " 羅漢齋腸粉

" 潮潮居 " 下午茶三籠點心送一籠 

茶位 $ 13 

大中小點 $ 26

每次到這裡飲茶都食三送一籠點心 , 

另外叫一碟炒粉麵 

通常我們吃不完總有些點心帶回家 , 

今次沒有另叫其他炒粉麵 .

家鄉炒米粉 

細細碟味道一般 $ 26 

四寶滑雞扎 $ 26

羅漢齋腸粉 $ 26 

全素饀清清地調味剛好 .

瑤柱珍珠雞 ( 免費 ) 

另外叫一客咸菜豬肚 ( 碟 ) $ 28.8 

豬肚唔夠腍胡椒味輕微 , 咸菜超多 .

 

" 湘川滬 " 銀芽鱔糊麵

" 湘川滬 " 已飲過好多次茶 , 

覺得這裡主打的食品做得算過得去 , 

粵式點心就不太啱口味了 , 

所以每次盡量叫外省食物 .

下午茶位 $ 10 

銀芽鱔糊麵 ( 套餐 ) 包一杯飲品 

可揀豆漿 , 汽水或其他飲品 , 

我們選擇汽水 , 已有茶可以把汽水帶回家 . 

吃過好幾間店的炒鱔糊 , 

覺得這裡做得最啱我們口味 , 

鱔條厚身個別鱔肉有少許爽口 , 沒有加大量笋條 ,

 味道唔錯 , 麵條味道一般份量好少 . 

(孖寶) 香茜牛肉腸粉 + 下面的咸水角 $ 36.8

粵式腸粉牛肉好少粉皮算滑 , 

醬油是腸粉的靈魂 , 

但這裡的醬油麻麻地 .

咸水角

外面好脆裡面空洞洞好少饀 .

咸水角

素菜包 $ 22

我們差不多每次都食這款外省包 , 

菜和木耳切得好幼細好食. 

蟲草花節瓜湯

蟲草花節瓜湯 

現在大部份商店都預先包裝貨品 ,

通常一大包不可以買少少的 ,  

以蟲草花為例一大包又說明要放雪櫃 , 

還有其他食材同樣一大包要放雪櫃 , 

雪櫃放著林林種種的食材 , 所以要想辦法用去 ,

 今回又用蟲草花煲湯 , 

除了節瓜還加眉豆 , 

花生和豬展一齊煲湯味也不錯 , 

煲完湯的食材可以當一款餸 .

紫菜腐皮卷 

現成買回來蒸熱, 慳工夫 ! 

青豆叉燒蛋炒飯

 

" 美X快餐 " 豬軟骨酸菜米線

天使雞扒飯洋蔥汁 $ 49 

雞扒醃得夠味 , 炸得有點兒過火肉質較乾 .

豬軟骨酸菜米線配茶 $ 54

轉紅荳冰加 $ 6 ( 長者免費 ) 

三件細細的豬軟骨 ( 像普通排骨的大細 )

炆得不太腍味道可以 , 

湯底微酸幾好味 , 

酸菜好多還有兩件炸麵根較實唔好食. 

紅荳冰的紅荳唔夠腍甜度適中 .