沙田龍華酒店午餐

開心事三則 

( 一 ) 這幾天亞哥和嫂子從加拿大回港渡假 , 

整整一年有多無見 , 當然開心 .

開心的日子特別容易溜走 , 轉眼他們週末已回到加拿大 , 

他們在香港期間的節目總離不開shopping 和吃 ...... ! 

期間他們曾去了國內肇慶三天旅遊 , 他們描述這三天旅程 , 

令我非常响往 , 有機會一定要去行下 . 

 ( 二 ) 我們還約了亞哥和亞嫂前去男士必到的鴨寮街逛逛 , 

男的睇電子產品 , 我們女仕梗係週圍逛喇 , 

大家不約而同收穫甚豐 , 行到中午一點幾 , 

肚餓得很 , 嗱嗱聲搭港鐵轉火車前往沙田龍華酒店 , 

出咗火車站還要行成十五分鐘才到達目的地 . 

肚內金鼓齊鳴 , 點解要老咁遠來這裡食飯 ? 

是小時候的回憶 , 嫲嫲曾帶過我和哥哥 , 

從香港西區住處到這間飯店食乳鴿 , 

嫲嫲還在這裡攻打四方城 , N 年前這裡很出名乳鴿 , 

所以好想緬懷過去一番 , 地方都好古舊 ! 

相信這裡的座上客大都是遊客居多 , 

這裡的食物都很好 , 由以乳鴿為首 , 

但芥蘭和豆腐花最唔扺食而且麻麻地好食 . 

我從未看過孔雀開屏 , 今日竟然在這裡看到 .

( 三 ) 終於攪掂部 NETBOOK 
可以用視像和家人面對面傾偈 , 不用揸電話筒了 .

我們叫了 : 
乳鴿四隻、肉絲炒麵、醬爆京都骨
蒜茸芥蘭和凍豆腐花 , 餓到趕不及影相 . 

飯後出去龍華酒店所謂仙境走走 .

嘩 .... 朵玫瑰好大呀 ! 
嗱嗱聲影番張相先 , 亞嫂特然大叫係假0架 !  
再望下其他玫瑰花 , 我和亞嫂差啲笑到跌低 , 
竟然玫瑰花生在松柏樹上 , 好鬼攪笑 .

孔雀開屏攞得相機嚟 , 佢已收工咯 . 
亞嫂猛咁揾紅色膠袋搖嚟搖去 , 引極佢都唔再開屏 .

欣賞完玫瑰花 , 我們行另外一條路返回火車站 , 
經過瀝源邨看到很多大樹 , 相信樹齡已很老 , 
它的氣根生到落地又變成樹幹 , 緃橫交錯 .

小心流感2010年3月25日

視像會議真係好好用！我喺沙地亞拉伯都全靠佢同屋企人傾計

ak 2010年3月26日

面對面講嘢好唔同 ,可能睇到表情 , 那種感覺開心好多 .

噢!地利 Oh!tria2010年3月24日

笑C

ak2010年3月24日犀利哩 ! 松柏都生出玫瑰 , 世界變囉 ................. 

Daisy2010年3月23日

視像和家人面對面傾偈 , 仲可以慳番的$$$$$$$$.

ak2010年3月23日

嘻嘻 ! 重駛講咩年中都慳唔少錢 嘞 .

成日都好鬼happy 既Mrs.T2010年3月23日

假玫瑰咁鬼騎呢既! 

ak2010年3月23日

回想起那天我們一行四人 , 在欣賞玫瑰之時 , 如果剛巧有其他人行過 , 看到我們個樣儍更更 , 重騎呢喇好鬼瘀呀 !

Faye Wong2010年3月23日

真係幾搞笑!!! 來英國之前,都想到龍華食乳鴿,不過就是沒有時間 現在睇你到你影D相,真係想立即回港食 

ak2010年3月23日

你回港去試吓乳鴿都幾好0架 , 最緊要行吓所謂的仙境噃 .