獨自外出

昨天亞哥一家三口出門到美國 , 
目的地是Minnesota 明尼蘇達洲 ,
行程都是自駕遊 , 又係姪兒一手策劃 , 
從溫哥華駕車到目的地 , 大概五天 , 
我留在溫哥華陪老媽子 , 
今天陽光普照 , 我獨自出街逛下 , 
烈治文市中心的街道我都頗為熟識 , 
在這裡冇車是十分不方便 , 
星期一至五 , 巴士每隔十五分鐘一班 , 
星期六日及假期班次就非常疏 , 
實際幾耐就不大清楚 , 
今日是星期六我選擇行路出市中心 , 
除了因為巴士班次疏之外 , 
最主要是步行容易認路 , 還可以 Keep Fit .

馬路兩旁種滿樹木 , 今日陽光非常猛烈   , 
在樹蔭下很舒服 , 但冇樹的地方就好熱囉 .

最前面隱約見到山是北面 , 
近年烈治文多了國內新移民來居住 , 
令本來已很繁榮市況更加多食肆林立 , 
繼而更加多大廈興建當中 .

前年我到這裡來 , 唔多覺眼有咁多煙蒂在地上 , 

現在就隨處可見 , 我已在這裡住了一個月 , 
經常行這條路 , 從未見過有人掃街或洗街 , 
垃圾去咗邊呢 ? 唔通被大風吹走咗 ?

老牌西人百貨公司非常淡靜 .

舊式唐人店舖有 : 
肉食公司 , 上海館子 , 茶樓和唐人超市等等 .

到超市買餸 , 無意中發現有白豆角 , 
都幾貴 2 .99 元一磅 , 我嚟過溫哥華很多次 , 
但從未見過白豆角 , 買嚟試下 .

買到返屋企老媽子仲誇張 , 
佢話嚟咗溫哥華十幾年 , 都未見過白豆角 .

肉片煮白豆角和炆鷄腳 , 豆角非常有豆角味又甜 , 
近年香港都未試過有咁好味的豆角. 
兩樣餸都是老媽子的至愛 , 看到她食得津津有味 , 好開心 !