出省 ! 上環鳯城酒家晚飯

今日天氣比上日凍了很多 , 開始感覺聖誕來臨了 , 
又去中環的商場 hea 下 , 好多商場都有聖誕佈置 , 
睇咗幾個商場 , 較喜歡國際金融中心的佈置 , 
最後行去上環的鳯城酒家食晚飯 . 

中環交易廣場門前的水池 .

國際金融中心

一樽樽糖果似乎是真的 .

國泰預辦登機站好大
       

前身係上環街市 , 
現在改建成商場 ( 西港城 )

呢間酒家早兩年久不久都嚟飲茶 , 晚飯就第一次 .

裝修欠奉同幾年前一樣冇變過 , 
可能它位於西港城隔離 , 遊客行完順道入嚟食晚飯 .

聞說這裡最出名係 : 
炒飯、水餃、蓮蓉西米布甸、炸子鷄 , 
得兩個人唔食得咁多欵 . 
衹試了 : 
炸子鷄、豆腐班腩煲 、蓮蓉西米布甸 .

這裡標榜用鮮活鷄做炸子鷄 , 
半隻炸子鷄 , 皮炸得很香脆 , 肉質很香滑 " 好味 "

豆腐班腩煲 , 豆腐非常滑斑腩也不錯 .

蓮蓉西米布甸熱辣辣好香椰汁味 , 
食到蓮蓉香味但唔見有蓮蓉 .

                      

出街不忘睇下零食 , 今次有点收穫 .

果仁、薯條、朱古力、曲奇餅和亞麻子酥餅 .

未食過板長醬油買番支試下 , 
我最喜愛的台灣核棗糕和燕麥餅 , 
最近通脹都幾犀利 , 
我每天早餐都吃的10 十蜜糖 , 
每次都買兩樽 ,  但現在一樽貴了三十元 , 
反正都係要食 , 今次買三樽抗通脹 , 
哈哈.... 自欺欺人 .