" 米芝蓮 " 利苑酒家

人人都話冬大過年 , 嘻嘻 ! 總之就係休息日唔駛煮飯 , 
今日我們一家人約咗在沙田新城市廣場的利苑酒家吃晚飯 . 
這個廣場無論任何時間 , 人流之多好嚇人 .

聞說這間酒家得到米芝蓮奬 , 
裡面坐無虛席 , 門外都有人等緊位 .

就係這味冰火三層肉得到米芝蓮奬 , 

食都幾好食但都幾貴 , 而且仲好的式 , 我諗試一次已經夠 .  

( 整頓晚飯的餸菜都係很的色 )

油鷄半隻一般水準 , 不過呢半隻鷄好似得咁少0既 .

椰汁煲鱷魚肉湯 

最前面嗰嚿黑色物體係鱷魚爪 , 湯味好濃比較肥膩 .

欖菜肉鬆豆腐 , 幾好味同樣係好肥膩 .

羗蔥龍蝦煲好的色冇幾多嚿 , 味道一般 .

支竹羊腩煲

呢碟唔記得乜名堂 , 衹記得材料有 : 
銀芽、瑤柱、肉鬆、豆乾炒埋一碟 , 清淡得嚟冇乜味 .

全餐飯我覺得最好食是生炒糯米飯 , 腊腸很瘦飯唔黏口 , 

我們懷疑糯米飯混咗粘米落去所以咁爽口 .

                                 
                                       


                                       食完飯在商場看聖誕佈置 ,
                                    今年曾到過幾間商場看聖誕佈置 ,
                               佈置大都是龐然大物 , 同樣這裡也是一樣 .