大坑 " 火車頭越南餐室 "

今日開始一連四天復活節假期 , 我們出省趁熱鬧 , 

諗定食完晏乘巴士前往銅鑼灣 , 先到中央圖書扮下文化人 , 
再到處逛下 , 嘻嘻 , 太耐没有到圖書館 ,
忘記假期唔開放 , 要改變行程到附近街道 hea .
      

圖書館除了前門擺着一些銅像外 , 後門附近都放上這個銅像 ,

但我睇唔明表達什麼 , 呵呵 ... 可能我唔係文化人 .
      

睇唔明就去啲一睇就明0既嘢 ,
麵飽店是我最明的 , 入去睇下先 .
   

飾櫃裡擺放着型態像狗的忌廉蛋糕好搶眼 ,
我地唔好意思攪攪震冇幫襯 ,
臨走都買了些麵飽和一個豆腐蛋糕 .
                     

我們穿梭銅鑼灣道的內街裡 , 差不多每條橫街 , 

都有很多像蘭桂坊形式的食肆 .

這裡太多食肆唔知食邊好 , 最後選擇這條街 ,
" 火車頭越南餐室 " 食晚飯 .
      

餐室同其他食肆一樣 , 在街外望通整個店舖 ,

又冇開空調夠環保 .
   

睇完整份餐牌 , 大多數食物都係同牛有關 ,
今回我都知食乜好了 , 因為我唔食牛0既 , 
唯有又係食雞絲湯河喇 .

      

盛食物的碗很大 , 裡面很多雞絲幾好味 ,

平時我都唔食生芽菜 , 見隔離枱女生食得津津有味 ,
我都試了一條 " 很腥 " 唔啱食 .
      

越南蒸粉卷 ,河粉包住碎豬肉、紅蘿白粒

沙葛粒嚟蒸 , 清清地很好味 , 由其蘸上醬汁更添鮮味 .
      

相公吃「火車頭招牌湯河粉」
湯底聞說用牛骨、花椒、南薑、洋蔥等 ,
多種材料煲差不多十小時的 .
食材有 : 
薄薄的生牛肉片、牛栢葉、牛丸
牛腩、牛筋等 , 相公喝了一口湯，頻說牛味十足非常鮮甜 .
                     

相公至愛火車頭湯河粉個碗比我的大很多 .

今次出城都有些收鑊 , 買了一枝意大利老陳醋 , 
吃餃子時食 , 還有提子乾、十殼餅乾、花果茶 、蜜糖  .