尖沙咀小肥羊 & 辛亥革命100周年展

今日出省到尖沙咀行街飲茶 , 我倆為貓先去覓食 , 
今次又去加連威路道小肥羊火鍋專門店 ,
上次我們食 " 任点任食下午茶  "

今次食午市超值自選點心餐 ,
以尖沙咀地區嚟計 , 價錢都幾抵 ,
前兩年每次嚟飲茶都頗為多人 ,
但近呢兩次嚟覺得少咗好多人幫襯了 ,
由其是今次衹有少量人飲茶 ,
打邊爐就更加少之又少 , 我們食完送來的點心 , 
心中已有答案 , 為何食客比以前少了許多 . 
                

第一款送來是甜品 , 覺得好怪耶 ! 
我覺得傳菜員唔跟點心紙順序送食物 ,  
佢地是倒轉來送出點心 , 一開始便吃甜品 , 
好容易無胃口吃其他點心嘛 , 我地梗係唔食放埋一邊 . 
      

熱芝麻糊放到最後才吃 , 吃的時候已經凍哂變得杰撻撻 ,

好似海裡的水母上咗岸咁 , 好核凸 , 吾不欲觀之矣 ! 
      

菊蜜桂花糕一般
       

焯介蘭和菜心 , 黃噖噖焯得仲差過我 ,

雖然兩款菜黃噖噖好似過咗火 , 
理應會好稔的 , 但好奇怪仲係好梗好難食 .
      

上海炒年糕淡而無味 , 好多年糕都黐埋一齊 , 唔係幾熱 .

      

豉椒雞球炒河粉 , 咁多樣食物最好味呢款 .
 

陳村粉蒸排骨 
排骨算唔錯 , 陳村粉又係淡而無味 , 撻埋一嚿 .
       

冬菇棉花雞

   

紅油菜肉雲吞 , 淡而無味唔辣又唔酸 , 唔知乜味 .

      

蜜汁叉燒腸 , 叉燒幾瘦 ,
腸粉皮食落好似用嚟炒的河粉咁爽口 .

                   

食完嘢行去香港歷史博物館 , 現在正展出辛亥革命 100 周年 , 

要入去睇下了 , 場內不可拍照 . 但我濛查查影咗一張相先知 ,
裡面非常多相片觀看 , 都很值得去睇下 .
                    

                   

場內唯一影到的相片