我們一家人提早在沙田蔚景園的稻香超級漁港做節 ,
雖然端午節相距現在還有10 日之多 ,
但酒樓都已很滿座 , 我諗其中很多人都係提早做節 .
剛好可以叫這餐牌上的半圍餸菜 ,
這圍菜名就非常好聽了 " 皇席宴 "
半圍 788 元包埋加一服務費 .
餸菜有 :
飄香荷葉飯、黃金御品半隻雞
魚腐泡菜苗、碧綠花枝蚌片紅燒花膠雞絲翅、清蒸清斑仔
黃金石榴球、奶皇水晶餅
乳豬大紅袍半隻、鮮果拼盤
皇花菇扣玉掌、汽水3罐、啤酒一罐 ( 改埋做汽水 ) 我們再另加明爐燒鴨半隻 ,
全席食物我最鍾意食乳豬 ,
乳豬皮很脆 , 肉醃得剛好唔太鹹 . 其他餸都過得去 ,
但有三樣嘢覺得唔太好的
1 . 荷葉飯 : 未食先聞下很香荷葉味 , 但冇飯味而且太稔 .2 . 餐牌上的主打食物黃金御品雞 ,
相片就很吸引 , 實物相距太遠了 ,
相中看到很多藥材如紅棗和一些不知名的食材 ,
但實物衹有三粒紅棗和少許雲耳和半隻雞 , 雞肉很稔冇味 .
3 . 出菜太快 : 一下子幾碟餸一齊送來 , 枱都放唔落 ,
但侍應仍然繼續送來 , 我們請侍應暫停都冇效 ,
終於要喝停才可制止餸菜繼續送來 ,
我們食得有點狼狽 , 因為趕住騰空枱面放其他餸菜 ,
總括嚟講以這樣價錢有咁多款食物都算很抵 ,
份量算多六個人都食唔哂 , 可能我們另加了半隻燒鴨 , 所以食剩很多飯餸 , 打包了三盒 , 由62 拿回家慢慢享用 .
還有西瓜和哈蜜瓜但忘了影相 .
沒有留言:
張貼留言