BBQ

今天好友攪了一個很難得的BBQ 聚會, 我們剛好 10個人 , 

齊齊燒嘢食和吹吹水非常開心 , 轉眼幾小時便過去 . 

期間也講到最近幾個月以來甚多傳媒都爭相報導 , 

明年12 月21日將會是世界末日 . 

理據眾說紛紜 , 無論是否屬實 , 就要等待時間來證明 . 

好友話齋每年冬至都梗係12 月22日 , 

哈哈 , 我們個個齊聲話幾大都提早食冬至飯 , 

係末日都要食飽飽才走 . 

 很久没有用這種叉燒嘢食 , 

已是十幾二十年前的事 , 今次再用覺得份外好味 . 

哈哈 , 我疏於練習 , 連條香腸都燒到爆咗 .

 

BBQ 的食物非常豐富 , 但掛住食唔得閒影相 , 

好友真係招呼周到 , 除了準備燒烤食物 , 

還煲了一大煲西米紅豆沙 , 

我今次係第一次食有西米的紅豆沙, 

真係好食過齋紅豆 , 滑滑地好味 . 

一下子食咁多嘢落肚超飽呀 ! 

我就食飽飽了 , 但要陪相公食晚飯 , 

不過我實在太飽 , 求其食碗皮蛋瘦肉粥 ,

相公就食羊腩煲 , 呢間食肆唔知是否太好生意了 , 

羊腩煲通常都會有個爐仔興住0既 , 但今天欠奉 . 

好彩相公話羊腩煲好好食 . 

還有唔夠一個鐘便踏入2012 年 , 

祝各位網友新年快樂 ! 身體健康 ! 笑口常開 !