老夫子50周年展

星期六冇節目 , 無所事事到屯門的商場周圍逛 ,

突然想起附近有價 X 棧 , 可以買些零食回家 , 

噢 ... 新年都過完了, 仲有咁多強國人排隊買嘢0架 ,

過年前兩個星期我曾到這裡買嘢 , 又係咁多強國人 , 

當時怕人擠迫沒有入去 , 今次唔理咁多照入去睇睇 ,

嘩 ! 比錢都要大排長龍 ! 

行行下 , 買零食的心情也被擠了出門口 ,

 都係走咯 !  

屯門市廣場有嘢睇 .

人扮的老夫子和大蕃薯好受小朋友歡迎 , 

因為他們跟老夫子或大蕃薯合照之後 , 

老夫子就送一封利是比小朋友0架 .

秦先生

睇完老夫子就去 " 金滿軒 " 食嘢 .  

客飯炒鱔條、蓮藕湯和白飯 , 

 黃鱔條炒得很爽口 , 味道好好 . 

下午茶餐 , 上海湯麵配高力豆沙   

咦 ! 衹得椰菜和兩條白菜仔0既 , 

印象應該係有肉絲喎 , 

撥開 d 麵都搵唔到肉絲 , 

算了, 反正新年期間吃得太多肉類 , 

就當食素菜麵 .

喔 ..... 食哂成碗麵 , 終於找到一小段肉絲 , 好珍貴啊 !

高力豆沙 , 

以前他的制作鬆軟熱辣辣好好味 , 

但今次這兩件凍了很硬身又縮水 , 

好似炸好放了很耐 " 差 "

食完嘢時間尚早 , 

行去附近的屯門公園曬太陽 , 

春天來了 , 公園內的花花也悄悄地盛開 .

屯門公園地方都很大 , 環境算唔錯 , 

愈來愈多人在這裡唱歌和跳舞 , 好熱鬧 !

很多上了年紀的男士到這裡睇唱歌和跳舞 .

每個角落都有人唱歌跳舞 , 

各自唱自己的歌 , 變成大串燒歌曲 , 很吵耳 .

情願到池邊睇放船仔最舒服 .